Sagði óvart satt

 spinna lygi er ekki létt
en létum á það reyna
Hvað  rangt og hvað  rétt
og hverju megi leyna.

Ég hefði getað farið flatt
sem fallin vonarstjarna,
en ég sagði óvart satt
um samtalið við Bjarna.

 

 


mbl.is Hraunar yfir Viðreisn og Bjarta Framtíð
Tilkynna um óviðeigandi tengingu við frétt

Sérgæska

Alltof margir af þessum tilviljunarkenndu alþingismönnum misskilja hlutverk löggjafasamkundunnar. Hlutverk Alþingis er ekki að hlaupa upp til handa og fóta fyrir handa eða fótalausa. Það eru aðrar stofnanir sem eiga að gera það. Hlutverk Alþingis á að vera að setja heilbrigðar leikreglur fyrir fjöldann.  Ekki að grípa til íþyngjandi aðgerða í þágu fárra.

En hvað gera ekki mýsnar þegar kötturinn er ekki heima...


mbl.is Lögfesting á NPA verði staðfest
Tilkynna um óviðeigandi tengingu við frétt

Að temja hund.

Eigendur Sjálfstæðisflokksinns stjórna honum með aðferðum hundatemjara. Umbun og refsing er skýringin á flokkshollustunni og undirgefninni.  Hverjir "eigendurnir" eru má svo ekki tala um ekki frekar en hverjir eru frímúrarar og hvað þeir eru að pukrast.

Hjá Sjálfstæðisflokknum mun ekkert breytast. Nýtt fólk kannski en sama ógnin . Haltu kjafti hlýddu og vertu góð(ur)


Linir fréttamenn

Var svo sem ekki við öðru að búast af RÚV-Jóhönnu og Tobba Baugsþýi.  Ekki vilja þau fá sömu trakteringar frá Bjarna Ben og Sigurjón Egilsson fékk eða vera sett útí kuldann eins og fréttamenn Stundarinnar. En samt!  Hvers vegna spyr enginn hvort Bjarni hafi viljað rjúfa þing strax?  Auðvitað mun hann ljúga til um það, en spurningunni hefði þó verið varpað fram.  Það skiptir máli.


mbl.is Bjarni ræðir við fjölmiðla í beinni
Tilkynna um óviðeigandi tengingu við frétt

Nú getur forsetinn

Nú er tækifæri fyrir forseta Íslands að brjóta blað í íslenskum stjórnmálum og leggja fyrir Alþingi þau stjórnskipunarlög, sem Stjórnlagaráð setti saman og samþykkti samhljóða!

Það er engum vafa undirorpið að forseti hefur þessa heimild í stjórnarskrá.  Nú er rétta tækifærið til að láta á hana reyna.

Hvernig Alþingi tæki á slíku máli væri meira upplýsandi fyrir landsmenn en 45 daga kosningabarátta.


mbl.is Samstaða um næstu skref lykilatriði
Tilkynna um óviðeigandi tengingu við frétt

Dólgastjórnmál

Dólgunum í Sjálfstæðisflokknum hugnaðist greinilega ekki tónninn í umræðu dagsins.  Nú skal þingið vængstýft og sent heim. En hvað gerir Guðni forseti?  Lætur hann ráðskast með sig eða stendur hann í lappirnar gegn dólgshætti Valhallarskrílsins?

Tæknilega er það forsetinn sem veitir heimild til þingrofs þegar forsætisráðherra æskir þess og Ólafur neitaði Sigmundi Davíð um að rjúfa þing eins og frægt er.

Hvað gerir Guðni?


Fólk sem má missa sín

Bjarni Benediktsson

Sigríður Andersen

Áslaug Arna Sigurbjörnsdóttir

Brynjar Níelsen

Jón Gunnarsson

Teitur Björn Einarson

Steingrímur J. Sigfússon

Vilhjálmur Árnason

Þorgerður Katrín Gunnarsdóttir

Njáll Trausti Friðbertsson

Kolbeinn Óttarson Proppé

Kristján Þór Júlíusson

Nichole Leigh Mosty

Pawel Bartoszek

Sigmundur Davíð Gunnlaugsson


Valdhroki Sjálfstæðismanna

"Hann verður bara að eiga það við mig"  Segir hrokafullur ráðherra sem brýtur gagnvart almennum borgara.

Forsætisráðherra lætur undan tilmælum forseta um að þing starfi áfram en tekur fram að ef þingmenn hagi sér ekki "rétt"  þá muni hann umsvifalaust fara á fund forseta og óska eftir þingrofi.

Tók enginn eftir þessari duldu hótun eða finnst mönnum þetta vera í lagi?


mbl.is „Hann verður þá að eiga það við mig“
Tilkynna um óviðeigandi tengingu við frétt

Nauðsynlegt að Alþingi samþykki vantraust á Sigríði Andersen

Eftir því sem fleiri kurl koma til grafar um vafasamar emmbættisfærslur dómsmálaráðherra, þeim mun brýnna er að Alþingi taki á þeim embættisafglöpum með því að bera fram og samþykkja vantraust á þennan gersamlega óhæfa þingmann sjálfstæðisflokksins, sem dúkkaði svona tilviljunarkennt upp sem ráðherra við myndun þessarar ömurlegustu ríkisstjórnar í sögu okkar unga lýðveldis.

Dómsmálaráðherra verður að vera flekklaus í orðum og athöfnum.  Honum er ekki hægt að veita uppreisn æru.  Sigríður Andersen þarf að víkja strax með vantraust á ferilskránni.


mbl.is Úrskurðarnefnd ekki afgreiðslustofnun
Tilkynna um óviðeigandi tengingu við frétt

Bjarni Benediktsson er stærsta vandamálið

Hér væri engin stjórnarkreppa ef Bjarni Benediktsson væri ekki forsætisráðherra. Allir aðrir hefðu einfaldlega vikið dómsmálaráðherra úr embætti eða Alþingi samþykkt vantraust.  Það er embættisfærsla Sigríðar Andersen sem er tilefni til stjórnarslita núna en undirrótin er samt fjölskyldutengsl forsætisráðherra.  

Ef sjálfstæðisflokkurinn hefur ekki þann manndóm að losa sig við þennan vanhæfa forsætisráðherra úr stóli formanns þá mun áfram ríkja tortryggni og úlfúð í íslenskum stjórnmálum.


mbl.is Bjarni mættur á Bessastaði
Tilkynna um óviðeigandi tengingu við frétt

« Fyrri síða

Innskráning

Ath. Vinsamlegast kveikið á Javascript til að hefja innskráningu.

Hafðu samband