44-16 fyrir ESB sinna

Atkvæðagreiðslan um icesave klafann endurspeglaði afstöðu þingmanna til aðildar að ESB. En þeir skyldu fagna varlega, Þjóðin er á móti þessu þingi og hefur margítrekað lýst frati á Alþingi í öllum skoðanakönnunum undanfarin 2 ár. Það er vægt til orða tekið að segja að hér sé gjá á milli þings og þjóðar.  Ég held að það sé heilt úthaf.  Þess vegna treysti ég á forsetann að hann vísi þessum lögum esb þrælanna í dóm þjóðarinnar og hún hafni þeim jafn afgerandi óg hinum fyrri. Þá trúi ég ekki öðru en að glottið þurrkist af smetti fjármálaráðherra þegar hann hrökklast úr embætti með skömm og mun þurfa að svara til saka fyrir landsdómi vegna embættisafglapa og skaða sem hann hefur valdið þjóðinni með embættisfærslum sínum.

Druslan og gungan

Þrátt fyrir vægan dóm héraðsdóms í máli níumenninganna mun framganga forseta Alþingis, Ástu R. Jóhannesdóttur og setts saksóknara, Láru V. Júlíusdóttur lengi í minnum höfð. Þessi gunga og drusla ætluðu að beita valdníðslu með þvi að krefjast þyngstu refsinga fyrir gangnaslaginn á Alþingi haustið 2008. Sem betur fer sá héraðsdómur við saksóknara og beitti skynsemi í stað lagatækni í úrskurði sínum.  Það er nýlunda

Hefur arðsemiskrafa lífeyrissjóða lækkað?

Ross Beaty viðurkennir að arðsemin af HS Orku sé ekki eins mikil og hann hafði reiknað með.  Ross Beaty staðfestir það sem ég hef haldið fram lengi, að Magma hafi verið blekkt til að kaupa hlut GGE, Reykjanesbæjar og OR í Hitaveitu Suðurnesja á allt of háu verði. En núna virðast nokkrir lífeyrissjóðir ætla að skera alþjóðafjárfestana, sem nýlega gerðu Ásgeir Margeirsson að æðsta strumpi, úr snöru hinna óarðbæru fjárfestinga og það sem meira er þá ætla sjóðirnir að kaupa 25% hlut Magma á tæpa 10 milljarða!  Í ljósi þess hvað Magma greiddi í raun fyrir þessi 99% sem þeir eiga þá er ljóst að um umtalsverðan hagnað verður að ræða fyrir hina erlendu fjárfesta. Að ekki sé talað um þær skuldbindingar sem hvíla á HS Orku varðandi orkusölusamninga til Norðuráls. Hafa þessir lífeyrissjóðir fjárhagslega burði til að standa í þessum rekstri og hafa þeir leyfi til þess?  Ég leyfi mér að efast um það.

Magma: Sala á hlut í HS Orku til lífeyrissjóða langt komin

Vistvænar samgöngur

Geðveiki hefur verið skilgreind sem síendurteknar tilraunir í von um breytilegar niðurstöður.  Með fullri virðingu fyrir þessu meistaraprófsverkefni, þá er löngu búið að reikna út hagkvæmni þess að brenna metani í stað jarðefnaeldsneytis. Hin spurningin sem ekki er búið að spyrja, er hvernig ríkið muni bregðast við minni skatttekjum þegar bílar hætta að brenna bensíni og díselolíu?  Þetta er spurningin sem við viljum fá svar við takk fyrir.

Metanið margborgar sig

Oddný G. Harðardóttir hlýðir skipunum

Oddný G. sat í Þingmannanefnd um skýrslu rannsóknarnefndar Alþingis (starfaði á 138. löggjafarþingi, 2009-2010)  Þessi nefnd skilaði skýrslu sem var full af góðum ásetningi en líkt og með skýrslu RNA, þá virðist þessari skýrslu Atlanefndarinnar hafa verið stungið undir stól og efni hennar öllum gleymt og þar með nefndarmanninum Oddnýju G. Harðardóttur. En henni til upprifjunar ætla ég að birta tilvísun úr skýrslunni sem hljóðar svona:

    Jafnframt er nauðsynlegt að skýrt verði hvaða stofnun sé ætlað það hlutverk að hafa heildaryfirsýn yfir kerfisáhættu, fjármálalegan stöðugleika og bera ábyrgð á að samræma viðbrögð. Skerpa þarf á verkaskiptingu stofnana ríkisins og afmarka betur skyldur einstakra stofnana og embættismanna. Þá bendir þingmannanefndin á að brýnt er að í ráðuneytum sé til staðar sú fagþekking og reynsla sem nauðsynleg er til að sinna þeim verkefnum sem ráðuneytum ber. Að mati þingmannanefndarinnar er brýnt að ætíð sé ráðið í stöðu embættismanna á faglegum forsendum.
    Þingmannanefndin telur mikilvægt að stofnaður verði samráðsvettvangur fjármálaráðuneytis, Alþingis, stofnana ríkisins, sveitarfélaga og Seðlabankans um efnahagsmál og að hlutverk slíks vettvangs verði lögfest. Þar verði unnt að setja fram tillögur að formlegum hagstjórnarreglum sem hafi það að markmiði að jafna hagsveiflur. Forsætisráðuneytið beri ábyrgð á stofnun samráðsvettvangsins.
    Þingmannanefndin telur að formleg og vönduð stjórnsýsla sé sérstaklega mikilvæg, einkum í ljósi smæðar samfélagsins. Nefndin telur að verulega skorti á að starfshættir innan ríkisstjórnar, ráðuneyta og stofnana uppfylli nútímakröfur um formlega og opna stjórnsýslu

Í ljósi þessa, þá spyr ég, Er það eðlilegt að taka icesave frumvarp ríkisstjórnarinnar út úr Fjárlaganefnd áður en umfjöllun um það er lokið?  Og er það eðlilegt að formaðurinn Oddný G. Harðardóttir taki afstöðu til máls sem enn er til afgreiðslu hjá nefndinni? eins og Oddný gerði í bloggfærslu í gær. Og er það eðlilegt að Seðlabanki Íslands haldi upplýsingum frá kjörnum fulltrúum þjóðarinnar? Ég held að enginn fari í grafgötur um að ferill mála ríkisstjórnarinnar á Alþingi er sjónarspil. Það er búið að taka ákvarðanir og síðan fer fram málamyndaumræða á Alþingi.  Þetta eru vinnubrögð sem eru ekki ásættanleg eftir að hér varð allsherjarhrun. Þeir sem skoða skipan nefnda Alþingis sjá að þær eru upp til hópa skipaðar óhæfum einstaklingum með litla menntun og þekkingu til að fjalla af viti um mál og hirða svo ekki um að leita umsagna fagmanna eins og dæmin sýna. Hér ríkir algert ráðherraræði þrátt fyrir loforð um breytt vinnubrögð. Skömm Alþingis er mikil

Tunglið er úr osti segja Vinstri-Grænu fasistarnir

Eiríkur Steingrímsson prófessor við Læknadeild HÍ, fór hörðum orðum um frumvarp Þuríðar Bachmann VG o.fl. um að banna útiræktun á erfðabættum lífverum á Íslandi. Eiríkur gekk jafnvel svo langt að líkja rökstuðningnum með frumvarpinu við að segja að tunglið væri úr osti. Eins og um svo mörg álitamálin í þjóðfélaginu, þá hefur nær engin umræða verið um tilraunir vísindamanna með erfðabreyttar lífverur. Kannski af því þetta er sérhæft umræðuefni og ekki á allra færi að mynda sér skoðanir með eða móti, en þegar umræða "sérfræðinganna" er komin niður á þetta plan eins og hjá Eiríki, þá er rétt að taka þetta málefni úr höndum vísindamanna og setja það í dóm stjórnmálamanna, eða jafnvel þjóðarinnar. Ég er til dæmis alfarið á móti útiræktun. Þessar tilraunir má leyfa í afmörkuðum lokuðum rýmum en áhættan við að erfðabætt lífvera æxlist saman við aðra óbreytta úti í náttúrunni er of mikil.  Þeir sem misstu af þessari yfirborðslegu umfjöllun Kastljóssins geta nálgast hana hér

Afl-laust stéttarfélag

Þetta eru nú ljótu aumingjarnir að láta beygja sig svona og mikil er skömm Kristjáns Gunnarssonar og hans manna í Verkalýðsfélaginu í Keflavík að standa ekki að baki Aflsmönnum. Ég stend við það að þeir hefðu unnið þessa deilu ef þeir hefðu staðið í lappirnar. Núna skulu þessir starfsmenn ekki búast við að verða langlífir í störfum.  Þeim mun verða sagt upp störfum einum af öðrum. Svoleiðis vinnur hrammur Samherja og co.

Búið er að aflýsa verkfalli

Er Eiríkur Norðdahl að fara á taugum?

það er greinilega erfitt að vera framleiðandi að menningarlegu rusli   Endurvinnsla er málið Eiríkur

Gott hjá Vigdísi

Vigdís Hauks er hætt að vera fulltrúi í Umhverfisnefnd og kvartar undan ofríki Marðar Árnasonar. Þarna eru fasískum aðferðum vel lýst. Fasistar hafa alltaf beitt valdi til að kúga minnihluta. VG eru sannkallaðir fasistar og Mörður tilheyrir þeim hópi þótt hann af missklningi hafi stutt Samfylkinguna við fall kommúnismans   Sennilega verið að tryggja sig eins og kommarnir í Austur Evrópu gerðu margir.

Icesave er pólitísk hefnd fyrir suma

Steingrímur J. hefur aldrei farið dult með þá ætlan sína að axla hér manndrápsklyfjar icesave kröfu Breta og Hollendinga til þess eins að þjóðin gleymi aldrei hverjir það voru sem báru hina raunverulegu ábyrgð.  Steingrímur á sér skoðanabræður eins og til dæmis Jónas Kristjánsson sem segir: 

IceSave stafar af neyðarlögum Geirs Haarde um að bjarga innlendum eigendum innistæðna upp í topp. Að ráði Davíðs voru erlendir eigendur skildir eftir. Gerði Breta og Hollendinga óða. Ekkert þýðir að skamma Steingrím og Jóhönnu. Snúið ykkur til Geirs Haarde og Davíðs Oddssonar, sem framleiddu IceSave. Gátu neitað að tryggja innistæður innlendra. Eða tryggt þær upp að lágmarki. Hvorugt gerðu þeir. Urðu svo að lofa að borga. Höfðu raunar umboð kjósenda. Síðan neitaði þjóðin að borga. Þjóðrembingar brjálast svo enn út í þá, sem eru að skúra eftir þá Geir og Davíð. Verst láta hrunverjar eins og ævinlega.

Þetta kalla ég blinda heift.  Icesave snýst ekkert um að kenna einhverjum lexíu. Icesave snýst um að bjarga bankakerfi Evrópu. Ef við neitum að ábyrgjast innistæðutryggingasjóð þá geta Bretar og Hollendingar ekkert gert. Þeir verða bara að gera kröfu í þrotabúið og sætta sig við það sem út úr því kemur.

Ástæða Jóhönnu og Samfylkingarinnar fyrir að láta þjóðina borga, er beintengd aðildarviðræðum þeirra við ESB.  Icesave verður þannig dýrasti aðgöngumiði sem nokkru sinni hefur verið notaður til að ganga í nokkurn klúbb.  Aðgöngumiði Björgólfs að fyrirmennastúkunni í West Ham kostaði þannig aðeins 1% af verði icesave miðans

Ástæða Bjarna Ben til að vilja samþykkja Icesave er svo bæði viðskiptaleg en ekki síður til að vernda þá pólitísku samherja sem báru ábyrgð á icesave klúðrinu. Þar eru nokkrir samherja hans ennþá í þingflokknum svo sem eins og Tryggvi Þór, Þorgerður Katrín og svo náttúrulega Geir Haarde sem þarf bráðum að flytja málsvörn sína fyrir Landsdómi. Ekki er ólíklegt að Bjarni Ben vilji að icesave málið verði til lykta leitt áður en við fáum að heyra sannleikann frá Geir

Almenningi koma rök stjórnmálaelítunnar ekki við. Fyrir okkur er valið einfalt. Við borgum ekki