Hætt verði við útboð nýs fangelsis

Þessi áform ríkisins og fangelsisyfirvalda um stækkun fangelsisrýma eru algerlega ábyrgðarlaus hjá ríkisstjórn sem sér fram á mikinn halla á fjárlögum næstu árin. Þessi áform um byggingu 1700 milljóna fangelsishúsnæðis til viðbótar þeim kostnaði sem lagt var útí vegna Bitru á síðasta ári bera vott um óábyrg og ófagleg vinnubrögð. Núna er þörf á breyttum hugsunarhætti og aðhaldi í öllum fjárfestingum. Lánsfé er dýrt og ekki verjandi að ráðast í 2 milljarða kostnað vegna húsnæðis byggingar þegar tugir þúsunda fermetra af ónýttu iðnaðar og íbúðarhúsnæði standa tóm. Ég vil að nú þegar verði hætt við öll áform um byggingu nýs fangelsis og hafin undirbúningur að einkavæðingu á rekstri allra fangelsa í landinu. Hvernig er til dæmis með allar þessar tómu skemmur á vellinum, væri ekki hægt að nýta þar húsnæði undir fangelsi? Það er nú ekki eins og við séum að fangelsa stórhættulega glæpamenn, mest eru þetta lánleysingjar sem ekki eru neinum hættulegir nema helst sjálfum sér. Gamla vallarsvæðið hentar líka vel á allan hátt. Hvort sem miðað er við gæsluvarðhaldsfangelsi, geymslu ólöglegra innflytjenda eða öryggisfangelsi. Öllu er hægt að koma við þarna. Og það er girðing í kringum svæðið!!

Nýtt fangelsi verður óstaðsett í útboði

Sjóvá verði hlutafélagsvædd

Steingrímur sagðist hafa sett 11 milljarða inní Sjóvá vegna tilmæla frá FME. Þessir 11 milljarðar voru pappírseignir sem voru í vörslu Seðlabankans. Þannig að nú fer Seðlabankinn með eignarhaldið á hlut ríkisins í Sjóvá en ekki fjármálaráðuneytið. Það er í hæsta máta óeðlilegt. Enn og aftur rekum við okkur á að ríkisstjórnin hefði betur fylgt ráðum  Mats Josefsson sem ráðlagði stofnun Eignaumsýslufélags til að fara með hlut ríkisins í fyrirtækjum sem tekin væru yfir í kjölfar hrunsins. Þetta var allt fyrirséð en Steingrímur þóttist vita betur og nú eru afleiðingar hans vizku að koma okkur í koll. Nú er búið að einkavæða eignasafn Landsbankans sem var í Vestia og langt komið með að einkavæða Sjóvá. Og kaupandi er vogunarsjóður í eigu banka sem er að stórum hlut í eigu vogunarsjóða! Eru íslensku smákóngarnir með fullu viti? Hér þarf að staldra við og slá á puttana á Má Guðmundssyni. Í fyrsta lagi á að bíða eftir úrskurði ESA varðandi ríkisstyrkinn til Sjávár og þegar hann liggur fyrir er komið að næstu skrefum. Ég geri ráð fyrir að ef ESA úrskurðar björgun Sjóvár ólöglega, þá renni þessir pappírar aftur til Seðlabankans, varla er búið að selja þá? Alla vega ætti það ekki að hafa verið gert hafi þeir átt að renna inní bótasjóðinn. En ef ESA samþykkir orðinn hlut þá er margt sem þarf að ræða.

1. Er það eðlilegt að Seðlabankinn ráði alfarið söluferlinu?
2. Er eðlilegt að Sjóvá renni inní Arion?
3. Er eðlilegt að einhver vogunarsjóður eigi tryggingarfélag? Hvað segir FME?
4. Er ekki eðlilegra að færa Sjóvá undir fjármálaráðuneytið og einkavæða það síðan?
5. Og þegar tekin verður ákvörðun um sölu er þá ekki rökrétt að setja Sjává á markað og gefa landsmönnum kost á að eignast hlutabréf?
6. Annar kostur væri að sameina Landsbankann og Sjóvá og setja sameinað félag á markað

Ekki veit ég hvað Alþingi hyggst gera en vonandi verður tekið fram fyrir hendur Más og Steingríms og þetta söluferli stoppað tafarlaust. Þetta er hneyksli.

Sagðist bundinn þagnarskyldu um söluferli

Engin hætta á greiðslufalli með fullan sjó af fiski

Hvernig dettur Þór Saari að halda fram svona dellu? Veit hann ekki að við getum hæglega aukið hér veiðar um 100.000 tonn á þorski og við getum líka hækkað raforkuverð til álveranna ef í harðbakkann slær. Það er okkar neyðarréttur. Að vera með svona hræðsluáróður og svartagalls raus sæmir ekki hagfræðingnum Þór Saari. Tafir á stóriðju uppbyggingu eru ekki af hinu slæma. Orkan er ekkert að hlaupa frá okkur og lán hafa verið dýr og torfengin vegna alþjóðlegu lánakreppunnar. Ekki vegna þess að við vildum ekki borga ólögvarðar kröfur Breta og Hollendinga vegna icesave reikninga Landsbankans

tenging við frétt mbl.is hér

Einkavæðum fangelsin

Stefna stjórnvalda í fangelsismálum er byggð á óraunhæfum hugmyndum
um að það sé hlutverk ríkisins að gera afbrotamenn að betri borgurum.
Þetta er mikill misskilningur. Fangelsun á að vera refsing og dómar eiga
að vera svo þungir að þeir hafi forvarnargildi í sjálfu sér. Núna er
fangelsisvist góð afslöppun í slæmum félagsskap en engin refsing. Menn
fá jafnvel frí úr fangelsinu svona eins og heimavistarkrakkar sem fá að
fara heim um helgar.  þetta er bara lúxus. Og ekki er verið að íþyngja
föngum með vinnu, öðru nær þá fá þeir að slaka á og stunda líkamsrækt,
stunda nám og jafnvel fara á netið. Sumir hafa meira að segja gerst
listamenn og hoggið út skúlptúra í grjót. En allir koma þeir jafn
forhertir út þrátt fyrir alla betrunina. Hér þarf að breyta um stefnu.
Og af hverju ekki að nota tækifærið og einkavæða fangelsin?  Fyrst við
gátum einkavætt hraðbraut til stúdentsprófs því þá ekki að einkavæða
fangelsin á Íslandi. Sama væri mér þótt rekstraraðili tæki ótæpilegan
arð út úr þeim rekstri svo fremi að öryggisþátturinn skertist ekki.
Ýmsar leiðir er hægt að fara í slíkri einkavæðingu. En það er öruggt að
kostnaðurinn fyrir skattgreiðendur mundi minnka og framboð fangelsisrýma
væri alltaf nægilegt.

Vinnubúðir verði fangelsi

Gagnrýni úr hörðustu átt

Kjartan Magnússon ætti að hafa vit á að skammast sín og ræða ekki málefni Orkuveitunnar. Heldur hann að við íbúar Reykjavíkur séum búin að gleyma því hvernig borgarfulltrúar Sjálfstæðisflokksins unnu að því fyrir opnum tjöldum að einkavæða OR í hendur Jóns Ásgeirs og Hannesar Smárasonar? Eða hvernig þau með baktjaldamakki sprengdu meirihluta Samfylkingar með því að kaupa fulltrúa 5% flokks til fylgis við 1 manns meirihluta og afhentu 5% flokknum 50% völd í borginni og þar með stjórnarformennsku í Orkuveitunni. Þessum  framsóknarmanni hafði svo næstum tekist að keyra Orkuveituna í þrot með ófaglegum ákvörðunum og bruðli. Kjartani Magnússyni fer betur að læðast með veggjum og vera ekki með svona upphlaup, hans ábyrgð er mikil og hann hefur ekki beðist afsökunar. Hann er bara sauður sem hefur ekkert vit á flóknum rekstri eins og Orkuveitan stendur í. Til allrar hamingju þá tók Besti flokkurinn réttar ákvarðanir í sambandi við endurreisn þessa langmikilvægasta fyrirtækis borgarinnar og kom því í hendur fagmanna sem mun takast að bjarga því sem bjargað verður. Það eitt réttlætir kosningu Besta flokksins til valda í Reykjavík. Og vonandi verður svo búið um hnútana að borgarfulltrúar Sjálfstæðisflokks og Framsóknar geti aldrei aftur rústað þessu fyrirtæki með pólitískum afskiptum

VG tekur ekki mark á Sóknaráætlun 2020

Við lestur á Sóknaráætlun 2020, kemur í ljós að nú þegar er hafin vinna í stjórnsýslunni í samræmi við þær áherzlur sem þar koma fram. Einna lengst virðist sú vinna komin í ráðuneytum Katrínar Júl og Jóhönnu Sig en lítið fer fyrir vinnu í ráðuneytum vinstri grænna. Til dæmis var Mennta og Menningarráðherra falin ábyrgð á 3 verkefnum

Sameining háskóla 
Unnar verði tillögur um aukna samvinnu og mögulega sameiningu háskóla‐ og 
háskólastofnana sem hafi að markmiði að tryggja fjölbreytni og gæði í kennslu og 
rannsóknum. Nota þarf matskerfi sem byggist á viðurkenndum alþjóðlegum mælikvörðum 
og bæta tengingu háskóla og atvinnulífs í rannsóknum og kennslu, þar sem sjálfstæði háskóla 
verði tryggt. Ábyrgð: Mennta‐ og menningarmálaráðuneytið.  

Vísindaþorp í Vatnsmýri 
Vísinda‐ og tækniráð hefur um árabil lagt áherslu á þá möguleika til nýrrar sóknar sem felast í 
sameiningu opinberra rannsóknastofnana og nábýli þeirra við háskóla og þekkingarfyrirtæki. 
Lagt er til að hafið verði markvisst starf í þessum efnum til að nýta betur fjármagn og 
mannafla og búa til þekkingarumhverfi á svæði háskólanna í Vatnsmýri sem staðið getur 
jafnfætis alþjóðlegri þróun í þeim efnum. Ábyrgð: Mennta‐ og menningarmálaráðuneytið.  

Sameining rannsókna og atvinnuvegasjóða  
Sameining rannsókna‐ og atvinnuvegasjóða undir hatti RANNÍS er tímabær og mikilvæg. 
Víðtæk sátt hefur verið um þá stefnu að stuðningur við rannsóknir og þróun fari fram á 
faglegum grunni í gegnum samkeppnissjóði og markáætlanir Vísinda‐ og tækniráðs. 
Mikilvægt er að áherslur í markáætlunum styðji við nýja atvinnu‐ og menntastefnu.  Ábyrgð: 
Forsætisráðuneytið/mennta‐ og menningarmálaráðuneytið.   

Og ekkert bólar á aðgerðum hjá Kötu Jakobs.  Er hún ekki örugglega enn í vinnunni sinni?

Eymingi með Jésú komplex

Heimurinn skánar ekkert þótt þú látir sparka í þig Róbert Marshall!
Allsherjarnefnd undir þinni forystu er stjórnað úr forsætisráðuneytinu.
Reyndu frekar að hrista af þér flokkshlekkina og sýna frumkvæði
heldur en að leggjast svona á bakið fyrir Jóhönnu.

Biður þjóðina afsökunar

Hnútuköst á Alþingi

Háttvirtur og hæstvirtur
hnútuköstin fljúga
Einar K. var atyrtur
en Össur fékk að ljúga

Neitar ásökunum um ritskoðun

Mikil áhætta ef ríkið skiptir sér af HS Orku

Samkvæmt frétt mbl.is þá er HS Orka búin að gera samninga um orkusölu til Norðuráls sem hafa í för með sér 70 milljarða fjáfestingu. Þótt ekkert verði af álversbyggingunni þá hefur Norðurál samt umráðarétt yfir þeirri orku sem um hefur verið samið. Ef ríkið leysir HS Orku til sín eins og hálfvitarnir í VG vilja þá falla þessar skuldbindingar á ríkið. Mín skoðun hefur lengi verið sú að ríkið skipti sér ekki af þessum kaupum Magma á HS Orku. Kaupin voru slæmur business og Magma mun skaðast á þessum díl og það er vel.

Líkur á að álverið rísi í Helguvík minnka

Tekist á um sjómannaafslátt

Árni Johnsen er lunkinn við að vekja á sér athygli. Núna hefur hann lagt fram frumvarp um tekjuskatt þar sem sjómönnum verði tryggður ríflegur skattaafsláttur eða allt að 1.450.000, ekki dónalegur afsláttur það.  Helsti andmælandi hans er Pétur Blöndal sem fer hátt með veggjum í furðulegum rökum í sambandi við dagpeninga sem honum finnst að útgerðarmenn geti greitt sjómönnum. Meira bull hef ég sjaldan heyrt í alþingismanni í langan tíma og er þá Vigdís Hauksdóttir ekki undan þegin.

Tekið skal fram að mér finnst engin ástæða til að halda í sjómannaafsláttinn. Og er ég þó gamall sjómaður sjálfur.  Hins vegar skal vakin athygli á að sjómenn hafa ekki samið um sín kjör lengi. Þeir þora ekki að sækja sinn rétt til útgerðarmanna vegna óttans um að verða sagt upp störfum. Þetta er einn af svörtum blettum kvótakerfisins.  Óttinn stjórnar hér öllu. Óttinn er innbyggður í þjóðarsálina. Þessi barða þjóð þorir ekki að standa upp og krefjast réttar síns. Ég held þeir kumpánar Árni og Pétur ættu frekar að taka saman höndum við þá sem vilja bylta kvótakerfinu ef þeir meina eitthvað með umhyggju sinni fyrir sjómönnum. Frjáls undan oki leiguliðans er sjómaðurinn aðeins stoltur. Kannski að Árni heimsæki Flateyri núna og ræði við atvinnulausa sjómenn og verkakonur eða bara í Reykjanesbæ!! Kvótakerfið sem vinir hans í FLokknum dásama svo mjög er að ganga af byggð í landinu dauðri. Og þegar fólkið fer, þá er byggðin dauðadæmd. Á Vestfjörðum öllum búa nú tæp 5000 manns, eða svipað margir og í Vestmannaeyjum. Er það eðlilegt? Hvað varð um frelsið til að skapa sín eigin örlög? Vestfirðir geta hæglega brauðfætt 20000 manns með sjálfbærri fiskveiðistjórnun og sjálfbærri ferðamannaútgerð. Ég vil frekar kalla það útgerð heldur en þjónustu. Selja á ferðamönnum hina villtu náttúru.  Það á að flytja Hreindýr á Vestfirði og selja ferðamönnum safari á Hornströndum og stangveiði í Djúpinu.  Það er hægt að gera fleira en mæla göturnar á bótum í Reykjavík, en það verður hlutskipti brottfluttra lands byggðamanna ef kvótakerfið verður ekki stokkað upp eða HREINLEGA LAGT NIÐUR SEM VÆRI ÞAÐ LANGBESTA FYRIR ALLA