Hagsmunaárekstrar

Bæjarstjórinn okkar í Þorlákshöfn, Elliði Vignisson, skrifar grein á Eyjar.net og skammar eftirmann sinn í sæti bæjarstjóra Vestmannaeyja.  Þar fer hann hörðum orðum um Írisi Róbertsdóttur vegna þess sem hann kallar aðför að Lúðvík Bergvinssyni fyrrv. alþingismanni Samfylkingar og gegnum Eyjamanni. Elliði skilur sem sagt ekki hugtakið "hagsmunaárekstur" og blandar athugasemdum þar að lútandi saman við persónuníð og atvinnuróg.

Ég sem hélt að umræðan um hagsmunatengsl og mikilvægi þess að koma í veg fyrir hagsmunaárekstra hefði nægt flestum venjulegum mönnum til að hugsa þá hluti upp á nýtt en greinilegt er að enn finnast rotin epli og næg verkefni fyrir heiðarlegt fólk eins og Írisi Róbertsdóttur og hennar fólk í Vestmannaeyjum að taka til í stjórnsýslunni eftir árin hans Elliða og þar á undan Gauja bæjó, sem margir minnast sem mannsins sem týndi reikningum bæjarins í embættisferð til Reykjavíkur!

Lúðvík Bergvinsson var einn þeirra sem fékk óeðlilega fyrirgreiðslu í bönkunum fyrir hrun og var á fullu í braskinu með félögum sínum í Sjálfstæðisflokknum.  Þess vegna var hann fenginn til að stýra samningaviðræðum við ríkið(félaga Bjarna!) um yfirtöku Eyjamanna á rekstri nýju ferjunnar. Það í sjálfu sér er ekki málið heldur sá dómgreindarbrestur Lúðvíks, að semja við eigin lögfræðistofu vegna vinnu sem krafðist lögfræðilegrar aðkomu. Og það skiptir engu hvort heiðarlega hafi verið staðið að ráðningunni því þetta heitir einfaldlega HAGSMUNAÁREKSTUR!

Þetta verða sjálfstæðismenn að læra. Og sérstaklega Elliði Vignisson. Þú úthlutar ekki verkefnum til vina eða vandamanna og þú ræður þá ekki í vinnu ef þú sjálfur ert opinber starfsmaður eða kjörinn fulltrúi eða ráðinn bæjarstjóri af pólitískum samherjum uppi á landi.

Skatta, tekju og eignaójöfnuðurinn

Um þetta snýst orrustan sem er framundan milli Verkalýðsforystunnar og ríkisstjórnarinnar. SA mun ekki mikið þurfa á Halldóri Benjamín Þorbergs og reiknikúnstum hans að halda í komandi samningaviðræðum.  Þær verða útkljáðar milli Stefáns Ólafssonar og Kötu Jak.

Bjarni Ben verður beygður í duftið enda er hans verkefni ekki lokið. Hann á eftir að einkavæða bankana og orkuna til að fjármagna kostnað vegna næstu kjarasamninga. Þannig að hann sér tækifærin og mun ekki halda uppi jafn mikilli andstöðu og gegn hjúkrunarfólkinu okkar s.l vetur. 

Mark my words

Stjórn­völd í herferð gegn tekjulágum

Ofurmennið Dagur

Borgarstjórinn í Reykjavík er æðsti yfirmaður starfsmanna Reykjavíkurborgar. Borgarstjóri er ráðinn af borgarstjórn og getur verið borgarfulltrúi. Sé hann borgarfulltrúi hefur hann skyldur sem slíkur einnig.

Borgarstjóri gegnir þremur meginhlutverkum. Hann er framkvæmdastjóri Reykjavíkurborgar, opinber fulltrúi Reykjavíkurborgar og pólitískur leiðtogi meirihlutans. Öllum þessum hlutverkum fylgja skyldur, bæði fastar og valkvæðar.

Borgarstjóri hefur rétt til setu á fundum nefnda sveitarfélagsins með málfrelsi og tillögurétt. Hann er prókúruhafi borgarsjóðs. Hann undirritar skjöl varðandi kaup og sölu fasteigna borgarinnar, lántökur og aðrar skuldbindingar eða ráðstafanir sem samþykki borgarstjórnar þarf til. Borgarstjóra er heimilt með samþykki borgarstjórnar að veita öðrum starfsmönnum borgarinnar prókúru.

Borgarstjóri fer jafnframt með eignarhluta Reykjavíkurborgar í B-hluta fyrirtækjum. Hann er formaður almannavarnarnefndar höfuðborgarsvæðisins og er fulltrúi borgarinnar í SSH (Sambandi sveitarfélaga á höfuðborgarsvæðinu) og SHS (Slökkviliðinu á höfuðborgarsvæðinu).

Hvernig getur venjulegur maður sinnt öllum þessum störfum svo vel sé?
Svarið er: Hann getur það ekki

Á meðan venjulegt fólk veikist þá örmagnast ofurmennin. Ég hef auðvitað fulla samúð með Degi vegna þess hvernig komið er fyrir honum en á hina röndina þá má hann sjálfum sér um kenna.  Það er enginn ómissandi ekki heldur hann. Auðvitað er hann límið í borgarstjórnarmeirihlutanum. Án hans fellur þessi meirihluti eins og spilaborg.  En..so what! Það eru 20 aðrir kjörnir borgarfulltrúar sem bera jafna ábyrgð. Reykvíkingar eru vanir lélegum borgarstjórum. Dagur er engin undantekning. Ég get talið þá upp sem ekki stóðu undir væntingum.  Villi, Ólafur F. Jón Gnarr og núna Dagur B.  Allir þessir menn reyndu að sinna starfi sem þeir réðu ekki við og er allt of yfirgripsmikið. Er ekki allt í lagi þó Eyþór fái að spreyta sig?

Þórólfur og Egill réðu við starf borgarstjóra enda báru þeir ekki jafnframt ábyrgð sem kjörnir fulltrúar. Er ekki augljóst að það er hið eina rétta. Að borgarstjóri verði framvegis ráðinn á faglegum forsendum með meirihluta atkvæðum allra borgarfulltrúa og það verði þeirra fyrsta verk áður en þeir rotta sig saman í meirihlutasamstarf sem er ekkert annað en málamiðlun um vondar ákvarðanir

Aftur var Dagur plataður

Þessi brú er ekki góð fjárfesting fyrir Reykvíkinga eða framtíðarþróun gatnakerfis höfuðborgarsvæðisins. Og vegna takmarkandi notkunar mun hún fyrst og fremst gagnast þeim Kópavogsbúum sem þurfa að sækja til Reykjavíkur en Reykjavíkurborg mun samt bera mestan kostnaðinn. En það er svo sem enn hægt að bjarga málunum.  A.m.k. hvað varðar hönnun mannvirkja og útboð. En það mun kosta nýjan samning milli Reykjavíkur og Kópavogs og ekki víst að Dagur muni koma að þeim samningi.

Það sem á augljóslega að gera er að opna fyrir hringtengingu fyrir almenna umferð með tengingu yfir Fossvog og þaðan yfir í Bessastaðanes og áfram suður í Hafnarfjörð.  Slík framkvæmd myndi létta gífurlega á umferðarþunganum sem nú fer um Hringbraut-Miklubraut-Kringlumýrarbraut

Fyrst á annað borð á að fara þessa leið þá er ekkert vit í að byggja bara hálfgerða brú. Þetta verður að vera alvöru stofnbraut sem heyrir undir vegagerðina

Þegar tengingin verður komin þá geta menn í alvöru rætt kosti þess að byggja nýjan flugvöll á Bessastaðanesi eða Lönguskerjum.

Kársnesið í sölu

Konur í Karlalátum

Ég bar þessa frétt undir atferlisfræðing og hans álit var, að hér væri mögulega við eigendur þessara kvenna að sakast. Þeir hafi ekki sinnt þeim nægilega vel.  Að konur séu almennt hlýðnar og undirgefnar en þær þarfnist athygli eigendanna. Af frásögninni fannst honum sennilegt að í þessari grúppu væru 2 tegundir kvenna. Í fyrsta lagi væru þær sem hefðu verið gerðar ófrjóar og svo þær sem væru kynsveltar og skorti athygli.Svo benti hann mér á rannsókn sem hefði verið gerð á kostum og göllum ófrjósemisaðgerða.

Breytingar á konum við ófrjósemisaðgerð: 

Konur eru oftast gerðar ófrjóar vegna þess að eigandi hefur ekki áhuga á að rækta undan þeim en sjaldan vegna hegðunarvanda nema þeim er tengist karlalátatímabilinu. 

Kostir við aðgerðina: Konan fer  ekki í karlalæti og losna því bæði hún og eigandinn við umstang og óþrif er þeim fylgja. Engin óvelkomin börn og engar líkur á sjúkdómum í  æxlunarfærum svo sem legbólgu eða krabbameini í legi eða eggjastokkum.  Tíðni  brjóstakrabba hjá konum sem eru geldar ungar er einnig mjög lág. 

Aðrir kostir við aðgerðina : Eigandi losnar við hegðunarvanda sem fylgir  karlaláta-tímabilinu þ.e   aukna árásargirni gagnvart öðrum konum og  stress, óróleika og angist tengda s.k gerfióléttu sem margar konur fá eftir karlalætin og er afar slæmt fyrir þær. 

Gallar tengdar  ófrjósemisaðgerð á konum:  Rannsóknir hafa sýnt að einstaka konur verða  árásargjarnari og/eða stjórnsamari  eftir ófrjósemisaðgerð. Á það helst við ef konan hefur sýnt tilhneigingu til slíkrar hegðunar fyrir aðgerð. Skýring á þessu er sú að í móðurkviði voru þessar  konur umkringdar  karlkyns-fóstrum og því hafði karlhormón þeirra, Testósteron, áhrif á þær sem fóstur.  Þetta leiðir til þess að heili þeirra verður "stráks-legri" og móttækilegri fyrir áhrifum testósteróns. Eftir geldinguna eykst árásargirni gegn öllum körlum og jafnvel börnum vegna þess að testósterón framleiðist í smá magni í líkama kvendýra.   Þetta ber að hafa í huga ef eigandi vonast eftir að grimm eða árásargjörn kona mundi lagast ef hún væri gerð ófrjó, það hefur ekki nein áhrif nema  mögulega til hins verra.

Þetta kemur allt vel heim og saman við upplifun annarra sem hafa orðið fyrir árásum kvenna í þessari grúppu. Bæði kvenna og karla.  Þess vegna er ekki ástæða fyrir Jón Steinar til að bregðast sérstaklega við. Þessar konur eru ekki hættulegar ef þær eru ekki áreittar að fyrra bragði. En ef það gerist þá getur orðið að lóga þeim. 

Níða Jón Steinar á lokuðu vefsvæði

Seðlabankinn ræður genginu og vöxtunum

 Greinendur á markaði klóra sér nú allir í hausnum og finna ekki hagfræðilegar skýringar á gengisveikingunni aðrar en einhverja taugaveiklun almennings sem hafi allir hlaupið til og komið sparnaðinum úr landi. Er það líkleg skýring? Hversu mikil fífl halda ráðamenn að almenningur sé?

Seðlabankinn skuldar skýringar.

Hér áður fyrr stjórnaði LÍÚ genginu í gegnum Seðlabankann. Í dag eru það flugfélögin og samtök ferðaþjónustunnar. Í staðinn fyrir að flugfélögin axli ábyrgð á eigin rekstri og hætti undirboðum á markaði þá er íslenskur almenningur látinn koma þeim til bjargar með 25% gengisfellingu. Trúverðugleiki seðlabankans er í húfi. Hver ákvað að láta gengið veikjast? 

Icelandair taldi gengið ósjálfbært

Verkalýðurinn að vakna

Í kjölfar vel heppnaðra hallarbyltinga í VR og Eflingu hafa málefni verkalýðs og sjómanna loks komist á dagskrá. Ég hélt satt að segja að sjómönnum væri ekki viðbjargandi og kenndi þar um hinni undirliggjandi atvinnukúgun, sem útgerðarauðvaldið beitir sjómenn sína.  En upp er risinn spámaður sem boðar breytingu á áratuga kúgun sjómannastéttarinnar. Því fagna ég og ekki skemmir það fyrir henni að þurfa í leiðinni að velta spilltri stjórn Sjómannafélags Íslands úr sessi. Mafían í kringum Jónas Garðarsson hefur allt of lengi farið með það félag eins og sitt eigið prívat einkahlutafélag. Menn hljóta að muna hvernig Birgir Björgvinsson tók tímabundið við formennsku á meðan glæpamaðurinn Jónas Garðarsson sat af sér dóminn vegna manndrápanna á skemmtibátnum. Man ekki til þess að félagsmenn hafi fengið neitt um það að segja.

Þess vegna fagna ég framboði ungu konunnar og treysti því að fjárreiður félagsins verði rannsakaðar til hlítar því þessi kennitölubreyting sem fyrirhuguð var með sameiningu við 4 önnur félög lyktar eins og eitthvað hafi þurft að fela í rekstri félagsins. Þetta hringl með fundargerðir og lög félagsins varða við hegningarlög því þetta er ekkert annað en skjalafals. Og ef stjórnin hefur eitthvað að fela þá mun það komast upp.

Áfram sjómenn!

„Algjörlega óboðleg vinnubrögð“

Mogginn kaupir valda ársreikninga

Þótt ég sé almennt sammála um að ársreikningar allra félaga eigi fullt erindi til almennings þá er líka hægt að misnota slíkar upplýsingar eins og hér er reynt að gera.  Það er nefnilega ekki verið að upplýsa almenning um félagið Nýjan kafla ehf. heldur er verið að kasta rýrð á Sólveigu Önnu Jónsdóttur formann Eflingar og hún sökuð um blekkingar gagnvart stjórn stéttarfélagsins! Svona lævísi virkar áreiðanlega á flesta sem lesa "fréttina" en fyrir okkur hin er þetta bara enn einn naglinn sem verið er að reka í líkkistu Gunnars Smára! Gunnar Smári er persona non grata í Valhöll og hann á að taka niður hvað sem það kostar. Sólveig Anna er svo sögð viljalaust verkfæri hins djöfullega plots Gunnars Smára, sem beinist að hinum ríku og voldugu.  

Þegar Sólveig Anna bauð sig fram gegn þaulsetunum í Eflingu var við ramman reip að draga.  Kosningarnar sýndu svo hversu grasrótin var illa upplýst um stöðu sína og réttindi og því var augljóst að það þurfti eitthvað róttækt að gera til að vekja áhuga félagsmanna, almennings og fjölmiðla á stöðu hinna lægst launuðu í landinu sem vill svo til að eru flestir í Eflingu. Þess vegna var ráðist í þetta átaksverkefni, "Fólkið í Eflingu" og ákveðið að kosta til þess 4 milljónum króna!  Ekkert bendir til að sá kostnaður hafi farið fram út áætlun. Að blanda Gunnari Smára inn í þetta mál lýsir bara lúalegum hugsunarhætti spunameistara sem trúa því að aldrei sé neitt sem sýnist.

En sjálfstæðisflokkurinn þekkir spuna.  Hann er meira að segja með heilu fyrirtækin í vinnu við að spinna upp alls konar blekkingar til að rugla fólk í ríminu. Hvernig væri að upplýsa almenning um hvað það kostar flokkinn? Sannfærður er ég um að þær upphæðir skipta tugum milljón en ekki bara 4 milljónir!

Fyrir valdaflokk skipta völd öllu máli. Völdin hafa engan verðmiða. Það er ekki spurt hvað hlutirnir kosta það er spurt hvort völdin séu í hættu.  Út á það gengur hernaðurinn gegn Gunnari Smára.

Gunnar Smári í forsvari

Óábyrg játning!

Hrólfur Jónsson hefur stigið fram og viðurkennt að bera einn ábyrgð á heimildarlausum fjárútlátum fyrir 120 milljónir í sambandi við braggaframkvæmdir. Ekki nokkur maður trúir því.

Alltof margir vissu um framúrkeyrsluna og ómögulegt annað en borgarstjóri hafi verið upplýstur um framvinduna. Fjármálahópurinn vissi allt um málið. Eiga þeir þá ekki líka að axla ábyrgð? Hrólfur Jónsson þótti greinilega góður starfsmaður. Þessa umsögn er enn að finna á vef Reykjavíkurborgar,

"Hrólfur Jónsson skrifstofustjóri skrifstofu eigna og atvinnuþróunar

Hrólfur er menntaður byggingatæknifræðingur með rekstur sem valgrein. Hann hefur einnig stundað nám í brunaverkfræði og fyrir tveimur árum lagði hann stund á nám við opna háskólann í Danmörku (DTU) þar sem hann las m.a. um gerð ársreikninga, áætlanagerð, fjárfestingar og breytingastjórnun.

Hrólfur hefur verið stjórnandi hjá  Reykjavíkurborg í nær þrjá áratugi, fyrst sem varaslökkviliðsstjóri og slökkviliðsstjóri en frá árinu 2004 hefur hann gegnt starfi sviðsstjóra framkvæmda- og eignasviðs. Hann hefur gegnum tíðina leitt fjölbreytt stefnumótunar- og breytingaverkefni, þ.á.m. víðtækar breytingar á framkvæmdasviði. Hann hefur því yfirgripsmikla þekkingu á  breytingaferlum, opinberri stjórnsýslu, fjármálum og áætlanagerð.

Hrólfur þykir kraftmikill, kappsamur og úrræðagóður. Hann leitar stöðugt nýrra tækifæra og sýnir frumkvæði. Hann þykir líklegur til að verða öflugur og framsýnn leiðtogi nýrrar skrifstofu eigna og atvinnuþróunar."

Til hvers er þessi maður að stíga fram áður en innri endurskoðun hefur lokið úttekt?  Hvaða baktjaldaplott er í gangi?

„Mistök sem ég tek á mig“

Dulin tengsl við S-hópinn.

Þarna er á ferðinni sonur fyrrum bankastjóra Búnaðarbankans sem vildi lána S-hópnum peninga til að kaupa Búnaðarbankann. Fléttan varð þó öllu skrautlegri því úr varð að Sólon lánaði Bjöggunum en Halldór J. stjórinn í Landsbankanum lánaði S-hópnum. Þetta vitum við en við vitum ekki enn hvert milljarðarnir sem S-hópurinn fékk fóru og ekki var staðið við fullnaðargreiðslur fyrir Landsbankann.  Hvað þetta hefur með tengslin við hótelið í Ármúla að gera eru bara hugrenningatengsl mín því alls staðar er maður að sjá ný nöfn sem hafa auðgast óeðlilega á hruninu.  Sumir stálu úr þrotabúunum eins og fyrrverandi eigendur Skeljungs aðrir eru greinilega að leppa fyrir útrásardólgana eins og sá sem vill kaupa 4 búðir af Bónus armi Haga.

Hvernig stendur á því að sonur bankastjórans fyrrverandi telur sig ekki þurfa að fara eftir þeim reglum sem öðrum eru settar?  Hvers vegna er hann ekki beittur hörðu fyrst og honum skipað að stöðva framkvæmdir og hreinlega rífa það sem gert hefur verið? Hvernig getur byggingarfulltrúinn skrifað upp á að hönnunin sé í lagi og fylgt hafi verið ýtrustu fyrirmælum byggingareglugerðar fyrst engin leyfi voru gefin út. Ætlar byggingarfulltrúinn að bora göt í veggi eða taka röntgenmyndir til að tékka á járnabindingu?  Þetta er allt með ólíkindum og greinilegt að sumir eru jafnari en aðrir þegar kemur að framkvæmdum hjá borginni.

„Nú fer ég að kippa hlutunum í lag“