Þriðji fasinn er ekki byrjaður

"Líklegasta atburðarásin

Auðvitað verður ekkert endanlega fastráðið fyrr en með undirritun stjórnarsáttmála. En það er hæpið að Katrín Jakobsdóttir hætti á að mynda 32 þingmanna meirihluta. Jafnvel þótt alls ekki þurfi að vera ósennilegt að sá meirihluti gæti haldið í heil fjögur ár.

En sennilegast er að leikritið hafi þegar verið skrifað í meginatriðum og leiksýningin sé þegar hafin. Nokkrir næstu dagar gætu farið í málamyndaviðræður „stjórnarandstöðuflokkanna“. Sigurður Ingi lýsir því svo yfir að hann hafi hug á að kynna sér grundvöll „breiðara samstarfs“. Úr því verður auðvitað ekki neitt. Þá fyrst, einhvern tíma í næstu viku, hefst svo þriðji þáttur: Formlegar viðræður Bjarna, Sigurðar, Sigmundar Davíðs og Ingu Sæland, sem undirrita svo glæsilegan stjórnarsáttmála fyrri partinn í nóvember og kynna ráðherralistann."

Þessi tilvitnun er í bloggpistil,sem skrifaður var 31.okt 2017. 2 dögum eftir kosningar og áður en Katrín fékk leyfi forseta til að mynda ríkisstjórn. Mér sýnist höfundur hans býsna forspár um atburðarásina eftir kosningarnar 29.okt s.l. Í það minnsta hvernig 2 fyrstu fasarnir spiluðust. Nú er eftir að vita hvort hann verður jafn forspár um 3. fasann! Það er samstjórn Sjálfstæðis, Framsóknar og Miðflokks auk Flokks Fólksins.  Ég held að þessi frétt þar sem vitnað er í óbreyttan þingmann Framsóknar hafi ekki mikla þýðingu í þessu sambandi. Pólitík Bjarna og Sigmundar snýst fyrst og fremst um völd og stóla....Og freka kalla.

Meira en persónulegur ágreiningur

Er það bara Logi sem sér fílinn?

Fíllinn í pólitíska bakherberginu heitir Bjarni Benediktsson. Í 2 ár eru allir íslenskir stjórnmálamenn búnir að tipla í kringum þennan fíl án þess að þora að tjá sig um rót vandans. Þjóðin hefur farið í gegnum 2 stjórnarslit og tvennar kosningar og enn eru menn að umgangast fílinn af ótilhlýðilegri virðingu.  Allir nema Logi Már, kratinn að norðan sem steig fram og leiddi Samfylkinguna til baka frá þeirri glötun sem Jóhanna Sigurðardóttir stefndi henni í.

Nú er komið fordæmi fyrir aðra þingmenn og forystufólk flokka að tjá sig af heiðarleik um raunverulega orsök stjórnarmyndunarkreppunnar. Ef þau þora það ekki þá eru þau óhæf til að sitja á Alþingi.  Þá skulu þau bara öll sem eitt skila umboðinu og segja af sér þingmennsku.

Látum þá bara siðlausa hluta landsmanna velja fyrir okkur siðspillta sækópata til að stjórna.  Eyðum svo meiru í aðkeypta erlenda almennatengla til að svara erlendri gagnrýni á íslenskt stjórnarfar. Svona 500 milljónir á ári er ábyggilega ekki fjarri lagi ef Bjarni Ben og Sigmundur verða báðir í næstu stjórn. 

 

Tilboð um að leiða góða stjórn stendur

Bjarni Berlusconi og Sigmundur Glistrup

Það er aðeins einn raunhæfur kostur í þessu pólitíska þrátefli og það er að formenn Sjálfstæðisflokksins og Miðflokksins segi báðir af sér og hverfi af sjónarsviðinu sjálfviljugir eða með því að stofnanir flokkanna taki í taumana.  Síðustu 2 stjórnir sprungu báðar vegna tortryggni út í stöðu Bjarna Benediktssonar og þess siðferðisrofs sem augljóslega er í flokknum.  Í þessum kosningum fékk sjálfstæðisflokkurinn sína næstverstu kosningu í sögunni. Og það þrátt fyrir þetta blússandi góðæri sem flokkurinn hefur eignað sér og hræðsluáróðurinn sem hann hafði í frammi gegn "skatta-Kötu" í síðustu kosningum.  Að tala um að sjálfstæðisflokkurinn hafi unnið kosningarnar er hið argasta öfugmæli þegar ljóst er að hann beið afhroð og tapaði 5 þingmönnum!  Kann einhver skýringu á þessum óförum flokksins aðra en þá sem ég set hér fram?  Ef sú skýring er til þá væri gott að heyra hana áður en sjálfstæðisflokknum er boðið að ríkisstjórnarborðinu aftur.  Að Sjálfstæðisflokkurinn skyldi hafa valið Bjarna Benediktsson sem eftirmann Geirs Haarde er augljóslega ástæðan fyrir síminnkandi fylgi. Bjarni getur aldrei orðið aðili að ríkisstjórn sem almenn sátt ríkir um.  Það hlýtur forsetanum að vera ljóst og því er honum vandi á höndum. 

Varðandi hinn panamaprinsinn, þá skuldar hann þjóðinni betri skýringar á skattamálum sínum og eiginkonunnar. Af því að dæma sem hann kaus að segja frá þá sviku þau hjónin vísvitandi undan skatti en fengu leyfi til að "leiðrétta" framtölin sín án þess að verða kærð vegna skattsvikanna! Svona sérmeðferð fá ekki margir og nokkuð víst að einhver hefur þurft að innheimta nokkra greiða til að tryggja þessa sérmeðferð Sigmundar Glistrup.  Þar fyrir utan er eiginkonan enn með kröfur á föllnu bankana og geymir enn peningana í gengisskjóli erlendis. Ef Sigmundur heldur að hann hafi hreinsað sig af öllum ávirðingum vegna Wintris málsins þá er það misskilningur. Þangað til ætti hann ekki að blanda sér í íslensk stjórnmál. Þetta þarf einhver að útskýra fyrir þessum sækópata svo hann skilji.  Það var ástæða fyrir uppreisninni 2016 sem endaði með að hann var hrakinn úr embætti og það er alveg hægt að endurtaka það uppþot ef á þarf að halda.

Guðni hringir í forystumennina

Fall Glitnisbanka - Sakamálaleikrit sem skrifar sig sjálft

Í síðasta þætti komu í ljós nýjar upplýsingar um störf þingmannanefndar sem átti að bregðast við vegna yfirvofandi falls Glitnis banka. Þessi þáttur er ekki til í handritinu vegna lögbanns sýslumanns, en var lekið til mín af siðblindum starfsmanni á biskupsstofu.

[Sviðið er svefnherbergi Illuga Gunnarssonar alþingismanns, Klukkan er 4 að nóttu, aðfararnætur 6.október 2008]
Síminn hringir og Illugi rumskar og tekur upp gemsann.
Illugi: "halló"
röddin í símanum hvíslar: Illugi, Bjarni hér. Glitnir er að falla og þú verður að tala við sjóðstjórann hjá Sjóði 9 og láta hann opna fyrir viðskipti í fyrramálið. Ég og Einar þurfum að láta millifæra peningana okkar úr þessum sjóði áður en allt fer til fjandans.
Illugi: Já Bjarni ég skil, en er það ekki óeðlilegt að þú sért að skipa mér fyrir verkum?
Bjarni: Nei Illugi, ég er ekki Bjarni braskari. Ég er Bjarni þingmaður, við erum hérna Sigurður, Pétur og Ólöf að funda um Glitni.
Illugi: ó, er það þess vegna sem þú hvíslar?
Bjarni: Já, það sem ég er að biðja þig um kemur fundinum ekkert við per se. Þau eru að vinna í einhverju fokking frumvarpi og skilja ekki að hér er sjálfur Engeyjar-auðurinn undir.
Illugi: Já en Bjarni þó ég láti opna fyrir færslur þá lítur það illa út að þú sért að bjarga eigin skinni og svo vantar formlega beiðni og hún verður að koma með formlegum hætti frá Einari.
Bjarni: Það verður ekkert mál. Ég fiffa það. Skrifa bara sjálfur undir eins og síðast (Glottir ofan í símann)
Illugi: Ef ég geri þetta Bjarni verður þú að launa mér það síðar.
Bjarni: Auðvitað Illugi. Þú veist að flokkurinn gleymir aldrei greiðum. Ef ég kemst einhvern tímann í ríkisstjórn þá verður þú pottþétt ráðherra.
Illugi:[léttur í tali] Þá segjum við það. Þú mætir í fyrramálið og ég læt þá græja þetta lítilræði. Fyrst Bankinn er að falla þá nennir slitastjórnin ekkert að skoða þetta. Við látum bara okkar fólk í slitastjórnina.
Bjarni:Djöfuls snillingur ertu maður. Þetta var ég ekki búinn að hugsa út í.
Báðir: Góða nótt vinur

Þá skortir andagiftina

Varðhundar valdsins ráðast gjarnan á þá sem í krafti orðkynngi verða spéspegill samtímans. Hallgrímur Helgason er sérstakur óvinur Sjálfstæðismanna.  Þeir nýta sér leigupenna til að níða rithöfundana okkar. Guðmundur Andri og Einar Kárason munu líka sæta árásum heimska hægrisins. Hægri menn hata andagift. Hægri menn níddu sjálft Nóbelsskáldið okkar yfir gröf og dauða. Hægrimenn eru dæmdir ritþjófar.

Löggu-Björn þekkir nepotisma af eigin raun

"Hann (Aðalsteinn Kjartansson) er bróðir ritstjóra Stundarinnar [Ingibjargar Daggar Kjartansdóttur], fyrrverandi varaformaður ungra jafnaðarmanna Samfylkingarinnar og fyrrverandi starfsmaður Reykjavík Media og nánasti samstarfsmaður Jóhannesar Kr sem því stýrir. Hann tengir saman Stundina, Reykjavík Media og Rúv og kemur úr forystuteymi Samfylkingarinnar.“

Sjálfur er Björn sonur Bjarna Benediktssonar, fyrrum formanns FLokksins og ráðherra til margra ára, Bjarni faðir Björns var sonur Benedikts Sveinssonar yngri. Föðursystkini Björns Bjarnasonar eru Sveinn, Pétur, Bjarni, Kristjana, Ragnhildur, Guðrún og Ólöf.  Útaf þessum ættboga eru í dag þekktir einstaklingar í þjóðfélaginu á sviði viðskipta, stjórnmála, vísinda og lista. Eigum við að tortryggja störf Guðrúnar Pétursdóttur af því hún er af Engeyjarætt? Eða eigum við að tortryggja viðskipti Heiðars Más Guðjónssonar af því hann er tengdasonur Björns Bjarnasonar?  Nei auðvitað ekki. Það dettur engum í hug, að tengja vensl við hagsmuni nema þeim, sem stunda nepotisma sjálfir.

En Björn vílar ekki fyrir sér, í málefnafátækt sinni, að gera ættartengsl ritstjóra Stundarinnar tortryggileg.

Er það ekki hámark hræsninnar?

Biskup gerist heilagur

Biskup blandar sér nú í kosningabaráttuna og tekur sér stöðu með minni máttar.Það er í kristilegum anda og ekki gagnrýni ég að kirkjan blandi sér í og taki afstöðu til deilumála samtímans.  En að gera það á grundvelli siðferðismælikvarða er býsna bratt hjá frú Agnesi.

Við sem höfum fyrir löngu sagt skilið við þjóðkirkjuna gerðum það flest vegna siðferðisbrests þáverandi biskups og óviðunandi úrbóta af hálfu yfirstjórnar kirkjunnar. Þessi biskup er líka breyskur þó á anna hátt sé og ekki er lát á ófriði innan prestastéttarinnar. Og á meðan kirkjan liggur hundflöt fyrir valdinu og lætur jarðýtur faríseanna skarka í heilagri grafarró forfeðranna þá ferst ekki biskupi að setja sig á háan hest varðandi uppljóstranir um spillingarmál æðstu embættismanna. Uppljóstranir sem ekki byggjast á skorti á góðu siðferði heldur þvert á móti eru knúnar fram í krafti sannleikans. Er virkilega sannleikurinn orðinn teygjanlegt hugtak í huga biskups eða er hún að launa ofeldið? Við vitum hvaðan peningarnir koma sem biskup spreðar út. Á meðan fólk deyr vegna fátæktar þá fær biskup úthlutað auknu fé á fjárlögum.  Allt í boði Sjálfstæðisflokksins. Er það skýringin á því að biskup stígur nú fram og sakar fjölmiðla um skort á góðu siðferði. Fráskilda frúin að vestan.

Stuldur á gögnum ekki réttlætanlegur

Sakamálaleikþátturinn Fall Glitnis

Aumingja Sigurður Kári gerir í færslu á fésbók vont verra.  Það sem á að vera vörn fyrir don B. verður að enn einni árásinni á fjölmiðil af hendi valdaflokksins í Valhöll. Nú er það ríkisrekni fjölmiðillinn RUV sem sætir árásum. Þessi fyrrum aðstoðarmaður don B. er ekki marktækur. 

Sakamálaleikritið skrifar sig sjálft þessa daga.  Grípum niður í nýjasta þætti:

Á meðan Sigurður Kári, Pétur H Blöndal og Ólöf Nordal unnu að frum­varpi til breyt­inga á skulda­jöfn­un­ar­regl­um gjaldþrota­skipta­laga var Bjarni Ben önnum kafinn við að bjarga eigin verðmætum úr bankanum. Á meðan þremenningarnir,félagar hans reyndu að koma í veg fyr­ir að kröf­ur líf­eyr­is­sjóðanna myndu renna inn í þrota­bú gömlu bank­anna og enda í hönd­um er­lendra kröfu­hafa, situr Bjarni á fundum með stjórnendum Glitnis og skipar þeim að opna fyrir viðskipti hjá Sjóði9 til að faðir hans geti tekið út litlar 1200 milljónir! Á meðan þremenningarnir voru á fullu að vinna að almannahag var Bjarni á fullu að vinna að eigin hag.

RÚV dró upp „kolranga mynd“

Spillingin étur ekki börnin sín

Næsta laugardag munu sumir sitjandi Alþingismenn ekki ná endurkjöri. Í þeim hópi gæti Brynjar Níelsson lent. En Brynjar þarf ekki að kvíða atvinnuleysinu. Hann er búinn að tryggja að konan hans verður ein af 12 óhæfustu dómurum Íslands við hinn nýja Landsrétt. Þökk sé Flokknum og sérstaklega flokkssysturinni, Sigríði Andersen, sem handvaldi 12 umsækjendur sem dómara við hinn nýja rétt, en hafnaði 4 sem sérstök hæfisnefnd hafði talið hæfasta. Vel gert hjá frú Sigríði sem fær að launum að halda fyrsta sætinu sínu.  Brynjar hins vegar stóð sig ekki jafn vel sem formaður í stjórnskipunar og eftirlitsnefndinni og lét meira að segja setja sig af þegar mest lá við að dyggur flokksmaður stjórnaði þeirri nefnd.  Því fór sem fór og Brynjar nýtur ekki lengur stuðnings. Hann brást forystunni og það er jafngildi bannfæringar.En spillingin étur ekki börnin sín og þess vegna er Brynjar safe. Það er ekki hægt að reka dómara og því er Brynjar með örugga fyrirvinnu þótt hann fái ekki bitling frá FLokknum. 

Ljóst hver lýgur í þessu máli

Í grein­ar­gerðinni seg­ist Þor­steinn hafa ít­rekað þá skoðun sína, á síðasta fundi nefnd­ar­inn­ar, að mik­il­væg for­senda fyr­ir áfram­hald­andi leit að lausn væri samstaða um að gjald­taka skyldi miðast við tíma­bund­in af­not auðlind­ar­inn­ar.

„All­ir flokk­ar nema Sjálf­stæðis­flokk­ur­inn“

„Á það gátu all­ir flokk­ar fall­ist nema Sjálf­stæðis­flokk­ur­inn sem ekki var til­bú­inn til þess að svo komnu máli,“ seg­ir hann og bæt­ir við að hann telji gjald fyr­ir tíma­bund­inn af­nota­rétt for­sendu fyr­ir því að ná megi tveim­ur afar mik­il­væg­um mark­miðum í lög­gjöf um þessu efni.

„Ann­ars veg­ar að laga­regl­urn­ar end­ur­spegli með al­veg ótví­ræðum hætti sam­eign þjóðar­inn­ar. Hins veg­ar að þær megi stuðla að sem mestri þjóðhags­legri hag­kvæmni veiðanna.

Ég hef áður lýst áliti mín á þessum vikapilti stórútgerðarinnar, Teiti Birni og vil helst ekki eyða meira púðri á hann.  En bendi á það sem Þorsteinn segir, að hann hafi lýst þessum skoðunum sínum á síðasta fundi nefndarinnar og engin ástæða til að efast um þau orð.  Samt lýgur Teitur því blákalt að Þorsteinn hafi aldrei sagt eða lýst þessari skoðun.  Kannski að Teitur Björn ætti að rifja upp það sem hann sagði í viðtalinu við RUV um þetta mál.  

„Ég taldi að nefndin væri ekki komin á þann stað í sinni vinnu að geta lagt jafn viðamikið og flókið úrlausnarefni til grundvallar áframhaldandi vinnu án þess að fjalla um það efnislega eða rökstyðja með einhverjum hætti. Og kalla eftir því að til viðbótar við þá sérfræðinga sem störfuðu með nefndinni á sviði hagfræði, myndum við fá umfjöllun fræðimann á sviði stjórnskipunarréttar til þess að kafa ofan í þennan þátt málsins"

Þetta sagði hann þá en í samtali við mbl.is segir hann allt annað. Vita þessir guttar ekki lengur hverju þeir ljúga til að þóknast húsbændum sínum.  Og skoðum þetta betur. "Jafn viðamikið og flókið úrlausnarefni"  Tímabundinn afnotaréttur af sameiginlegri auðlind okkar allra er flókið og viðamikið úrlausnarefni fyrir Teit Björn.

Þegar menn eru bara að þvælast fyrir þá er sjálfsagt að eyða ekki tíma og orku annarra í tilgangslausa fundi. Teitur Björn þarf að draga sig út úr pólitík.  Hann er ekki hæfur til að gegna þingstörfum. Um hitt viðrinið þarf ekkert að orðlengja. Hann var á þingi til að passa upp á hagsmuni stórútgerðarinnar. Til hvers í ósköpunum var hann sendur inn í nefndina af Framsókn? Til að tryggja að engin sátt næðist eða til að tryggja útgerðinni 30 ára nýtingarrétt?

En sem betur fer sprakk stjórnin og nú verður ekki lengur reynt að ná sáttum við þessa menn.  Alþingi setur bara lög sem skyldar þetta lið til að greiða markaðsgjald fyrir afnotarétt til miklu skemmri tíma en átti að hafa í Þorsteinsnefndinni. Frekju á að mæta með staðfestu. Ekki með undanlátssemi.

„Forkastanleg vinnubrögð“