Grafalvarlegt mál sem verður að ræða

Fréttir af alvarlegum siðferðisbrestum frambjóðenda til Alþingis er grafalvarlegt mál.  Alþingismenn eru kjörnir til mikilvægustu trúnaðarstarfa þjóðarinnar og því er mikilvægt að ekki beri skugga á mannorð þeirra einstaklinga sem gefa kost á sér til setu á framboðslistum.  Engu skiptir í hvaða sæti menn eru.  Jafnvel frambjóðendur sem skipa sæti mjög neðarlega á lista geta átt von á að þurfa að gegna þingsetu í afleysingum.  Og á meðan ekki eru settar hæfisreglur í Stjórnarskránni þá verður þjóðin að sammælast um siðareglur sem takmarka áhættu á að siðleysingjar og ábyrgðarlausir einstaklingar taki sæti á framboðslistum. Undir þann hóp vil ég reyndar líka setja eiturlyfjaneytendur og áfengissjúklinga sem hafa þurft að leita sér hjálpar vegna ofneyzlu. Slíkt fólk hefur ekki þá dómgreind til að bera sem við gerum kröfur til að þingmenn hafi óskerta. 

Því miður þá virðist ekki hægt að treysta þeim sem ekki koma til greina, til að vera ærlegir. Og við megum ekki falla í þá gildru að flokka afbrot í meiriháttar og minniháttar. Þarna verður að vera ein meginregla óháð matskenndum túlkunum.  Þess vegna verða formenn framboða að ábyrgjast sína frambjóðendur persónulega.  það er hægt að gera án persónunjósna.  Til dæmis með því að frambjóðendur fari í viðtal og leggi eið að réttum svörum. Mér hefur alltaf fundist það blettur á pólitíkinni hversu auðvelt það hefur verið fyrir alls konar fólk að ná kjöri.  Jafnt fábjána, sem fólk með geðraskanir og persónuleikaraskanir.  Að ekki sé talað um fyllibytturnar og siðblindingjana.   Virðing Alþingis fer eftir því hverjir sitja á Alþingi hverju sinni.  Höfum það alveg á hreinu