Smásöluverzlun í höndum ræningja

Mikill blekkingarleikur er nú í gangi að telja neytendum trú um að hér ríki einhver samkeppni í verslun og viðskiptum. Margir taka þátt og margir ganga ansi langt eins og til dæmis ASÍ, samkeppniseftirlitið og svo náttúrulega eigendur þeirra smásölurisa sem leyft hefur verið að skipta kökunni á milli sín.

Þegar Arion Banka var leyft að selja Hagkaup-Bónus til kjölfestufjárfestanna sem auðguðust með því að taka snúning á Húsasmiðjunni, þá varð ljóst að neytendur yrðu látnir borga fyrir þau viðskipti með óhóflegri hækkun á matvöru.  Þetta hefur gengið eftir. Verðlag í Bónus hefur hækkað um 100% frá því að keðjan var sett á markað og eigendurnir hafa makað krókinn á einokunarstöðu fyrirtækisins.  Þetta gerist af því hér ríkir engin samkeppni. Bónus ræður verðlagningunni og allir hinir fylgja á eftir.  Og af því Bónus er fyrirtæki á markaði og þarf að skila eigendum sínum ríkulegum arði þá græða allir hinir líka. Þetta sést á þessu línuriti.  Iceland var selt um áramótin síðustu og sameinað okurfyrirtækinu 10-11 og eftir þann gjörning hefur verðlag stigið þráðbeint upp á við á vörum sem ekki eru í vörukörfu ASÍ.  Eins er það með Krónuna og Nóatún.  Þar hefur verðlag elt allar hækkanir í Bónus óháð gæðum vörunnar.

Eina matvöruverslunin sem reynir að halda verðlagi í skefjum er Víðir og kannski Kostur.  En á meðan heimskur almúginn heldur áfram að láta traðka á sér og versla við ræningjalýðinn í Bónus-Samkaupum þá munum við sitja uppi með þessa einokun á smásölumarkaði í boði Samkeppniseftirlitsins og Alþingis.  En þetta þarf ekki að vera svona.  Jóhannes Jónsson breytti þessu hér áður.  Einhver annar getur gert það aftur

Verð breyttist minnst hjá Nettó og Víði