Dagur um Braggamálið

Þótt Eyþór nú allan sig kreppi
ég aldregi völdunum sleppi.
Óreiðu og svik
ég kalla frávik
og sópa því svo undir teppi

Að hafa mig fólkið er heppið,
þótt hárið sé úfið um greppið.
Ég staulast við staf
því almættið gaf
mér veikindi að breiða yfir teppið

Það hankar mig enginn á austri
öllu þó eytt væri í flaustri
Þeir vita sem nenna
það var Hrólfi að kenna
Og ég var sko ekki á Klaustri

Segir ekki um misferli að ræða

RÚV fékk sinn Barrabas!

Á RUV-inu réttlátir menn
rannsaka og dæma í senn.
En úr bófanum Bjarna
er búin til stjarna
Því Barrabas lifir víst enn!

Á Austurvöll skundum því senn
til að heiðra þá Borgun-armenn
sem landinu stjórna
og sjálfum sér fórna
til að öreigar svelti hér enn!

Minntist á endurtalningu í manni ársins

Álitssalar takast á

Ef Egill sinn upphefur vönd
íhaldið reist fær ei rönd
Og Davíð þess geldur
að um pennann hans heldur
útgerðar auðvaldsins hönd

En Egils er álitið falt
því Eyjunni seldi það allt
Þó breyti í boðun
Bingi hans skoðun
á hann þú trúa ei skalt!

 

Jón Bjarnason í fréttunum

Jón Bjarnason öllum til ama
óverðugan öðlaðist frama
Nú lýgur því kalt
að frelsið sé falt
Og öllum er andskotans sama

 

(Líka Birni Val!)

Sigmundur Keisari

Framferði Simma og fleira
fljótt mynnir á málið með Geira
sem skorti formfestu
og frestaði flestu
Og fékk fyrir Landsdóm að heyra

Rassbaga fyrir Gylfa Ægis

Þótt vinum á Fésbók nú fækki
og forherðing þín bara stækki
Er sjálfsmyndin brotin
og rökin öll þrotin
nema talan sem "lækar" þig hækki

Ís fyrir alla

Framsókn mun loforðum landa
og leysa úr bráðasta vanda
ís fyrir alla
og hár vax' á skalla
í sáttmála stjórnar mun standa

Of seint er í móinn að malda
menn kusu hér framsókn til valda
það þarf ekki að ræða
að þeir munu græða
sem þurf' ekki á því að halda

 

 

Hinn mjúki maður

Hættu að væla og vona
Að virði þig Hanna sem kona
En það er sko gallinn
að þú ert ei kallinn
Þess vegna lætur hún svona

Kögunarbarnið

Vond verður Kögunarbarninu
vistin á Norðlenska hjarninu
  af skít eiga nóg
  og komið í lóg
get' ekki Framsóknarskarninu

Svo auðtrúa engan ég þekki
að orðræða Sigmundar blekki
  ég legg þett' á borð
  og stend við mín orð
Ef Gunnlaugur stefnir mér ekki.

 

Limrur um Davíð Þór og Stóru Systur

Sértu af klámhundakyni
og kætist með Davíð Jónssyni
Ei tjáir að neita
ef táli þær beita
með tilboð' í blekkingarskyni

Og þegar María Þrastar
þinn manndóm og kyngetu lastar
ei málsókn skalt hóta
ef konu vilt njóta
því hún bara flengir þig fastar