Eygló Harðar rassskellir Árna Johnsen

Sjaldan er ég sammála Framsóknarmönnum en undantekning varð á því dag þegar Eygló Harðardóttir tók til máls í umræðum um skýrslu Rannsóknarnefndarinnar. Eygló gerði í stórgóðri ræðu, að umtalsefni hvernig traust skapaðist og hvernig Alþingi hefði glatað þessu trausti þjóðarinnar. Svona hugleiðingar eru til fyrirmyndar og í anda þess sem við viljum sjá á þinginu. Það er, að alþingismenn lesi skýrslu rannsóknarnefndarinnar og dragi lærdóm af þeim mistökum sem þar eru tíunduð. Þetta skilur ekki bullukollur eins og Árni Johnsen, sem kom upp í andsvör við Eygló og hélt eina mestu bullræðu sem ég hef heyrt og hef ég þó heyrt þær margar. Árni sagði orðrétt:

"Virðulegi forseti! Hús, til þess að það sé gott þarf það að vera  bjart, hlýtt og rúmgot. Flóknara er það nú ekki. Háttvirtur þingmaður Eygló Harðardóttir, hafði áhyggjur af trausti. Það má alltaf ræða það. Til þess að skapa traust þarf fólk að vera hispurslaust, Það á að vera nóg til þess að skapa traust. Það þarf ekkert að gera breytingar hér á Alþingi varðandi ráðherra. Auðvitað eiga ráðherrar að vera úr hópi þingmanna. Það er skilvirkast, það er mest samband og þá er ekki hægt að slíta neina ábyrgð frá í þeim efnum að mínu mati. Það er bara hluti af þinginu að slíkt sé uppi. Traust.......hin ágæta skýrsla Rannsóknarnefndar Alþingis hún fjallaði beint og óbeint um traust en fjölmiðlamenn hafa slegið það upp, að allt samfélagið hafi verið í hruni. Það er ekki rétt, það er alrangt. Og Alþingi sem og stórborgarfólkið, það getur lært af landsbyggðinni um traust. Allar byggðir landsins utan höfuðborgarsvæðisins og hafa tekið við ákveðnum þáttum í sambandi við hrunið en það var ekkert hrun þar. Vegna þess að þar höfðu menn ekki tekið þátt í dansinum við gullkálfinn. Hvergi út á landsbyggðinni var tekinn tóku menn þátt í þeim dansi og þótt það hafi opin áhrif í þeim efnum þá er það nú bara þannig að þarna lifðu menn sínu lífi brugðust við, unnu úr hlutunum og urðu ekki fyrir því hruni sem að um er að ræða. heiðarlegt og með leikgleði. gengu í gegnum ákveðna hluti"

Svo mörg voru þau orð hins dæmda sakamanns um traust. Er þessi maður verðugur fulltrúi á Alþingi Íslendinga? Eygló lét ekki bullræðu sveitunga síns slá sig út af laginu og svaraði honum fullum hálsi og benti honum á í fyrra svarinu að þau þekktu bæði einstakling sem fór offari fyrir hrunið og væri nú að uppskera afleiðingarnar. Ég get mér þess til, að hér hafi Eygló átt við Magnús Kristinsson útgerðarmann í Vestmannaeyjum og "eiganda" Toyota og fleiri fyrirtækja í Reykjavík. En svar Eyglóar við seinna andsvari Árna var algjör rassskelling fyrir Árna. Því ætla ég að endursegja það hér:

"Frú forseti, ég vil endilega hvetja háttvirtan þingmann, Árna Johnsen, til að halda áfram að lesa skýrsluna. En hinsvegar mundi ég gjarnan líka..[frammíkall Árna.]..mundi líka vilja benda á ákveðna blaðsíðu sem ég held að geti einmitt verið líka mjög hollt fyrir þingmanninn að lesa, og það er hérna 8. bindið, bls. 179. Og það er talað um lýðræðislega umræðu og það er talað um það hvernig umræðan hefur verið hér á Íslandi í íslenskum stjórnmálum og það er talað um hugtakið samræðustjórnmál. og hugtakið á rætur sínar í þeirri hugsun að þingið sé vettvangur rökræðu sem tekur öðru fremur mið af almannahagsmunum. Markmið rökræðu er að lýsa upp málefni, því verður hún að byggja á upplýsingum um staðreyndir mála. Og sá sem stundar rökræðu af heilindum leitast við að hafa það sem sannara reynist. Það snýst ekki um það að hafa betur, um það sem maður ræðir við. Heldur snýst það um það að ræða málefnalega um hlutina. ..Og ég verð að segja það, að svona í framhaldi af því sem ég ræddi um að hérna, varðandi bankana og það sem háttvirtur þingmaður sagði um að þetta hefði fyrst og fremst, væntanlega þá, að hans mati, verið einstaklingarnir sem stjórnuðu bönkunum. Þeir fóru offari, það voru þeir sem fóru svona með okkur. Ég vil bara benda á að það er atvinnugrein sem við þekkjum mjög vel, sjávarútvegurinn, sem skuldar á milli 4-500 milljarða. Og ég held að það sé nú eitt af því sem við þyrftum nú kannski að hafa í huga þegar við fullyrðum það, að enginn útá landsbyggðinni hafi nokkurn tímann farið offari í meðferð verðmæta og fjármuna þjóðarinnar."

 

Og skammastu þín svo, Árni Johnsen!

Þeir sem vilja skoða fleiri ræður er bent á vef Alþingis

 

 

 

Athugasemdir

[Þórarinn Baldursson, 16.4.2010 kl. 03:01]

Ég ætla að segja að ég er ekki sjálfstæðismaður og hef aldrei verið.Það getur meira enn verið að Eygló sé betri ræðumaður en Árni,en hún þarf að taka sig verulega á ef hún ætlar að ná jafn vel til fólksins og hann.Það sem Árni segir um hrunið er að sumu lagi rétt að mínu mati,það hefur lítið breist lífið úti á landi og atvinnuástand er svipað og það var fyrir hrun.Meiripartur almennings úti á landi tók ekki þátt í þessu rugli,enn útgerarmenn,þeir eru margir sekir,samanber þessar ofsalegu skuldir útgerðanna.