Það verður að ryðja Alþingi

Hef verið að fylgjast með umræðunum á þingi í gær og í framhaldinu viðbrögðum fjölmiðla og bloggara (fjórða valdsins) Í ljósi ræðu Jóhönnu Sigurðardóttur og annarra, þá er það kristaltært að þau eru vanhæf, öll sem eitt til að fjalla um þessar ákærutillögur Atlanefndarinnar. Og ekki bara vanhæf, heldur ættu allir þeir sem sitja á þingi og voru í öðru ráðuneyti Geirs Haarde að sæta ákærum. Þetta fólk allt, brást skyldum sínum við þjóðina og íslenskt þjóðfélag, vegna þjónkunar við fjármagnsöflin sem áttu og stjórnuðu bönkum og öðrum fjármálafyrirtækjum. Hér var ekki gripið til neinna varúðarráðstafana af hræðslu við fall bankanna. Og ráðherrar aðrir en þessir 4 sem lagt er til að verði ákærðir geta ekki haldið því fram að þeir beri ekki ábyrgð. Allt þjóðfélagið logaði vegna yfirvofandi falls bankanna og allir biðu eftir aðgerðum ríkisstjórnarinnar. Á meðan Geir gerði ekkert voru bankagangsterarnir á fullu að tæma bankana innanfrá. Og að halda því fram að allt sé Davíð að kenna, þá vil ég bara minna menn á að Geir Haarde var fjármálaráðherra þegar bankarnir voru seldir og ber því höfuðábyrgðina á frumorsök hrunsins  Hann var líka sá sem setti óhæfan ráðherra í embætti Fjármálaráðherra! Árni Matthíassen var þar í skjóli Geirs en ekki Davíðs. Davíð ber auðvitað sína ábyrgð, en hans mestu afglöp voru að fjandskapast persónulega við ákveðin viðskiptaöfl. Viðskiptaöfl sem hann gaf lausan tauminn. Af þeirri ástæðu voru allar hans gerðir og orð skoðaðar í ljósi þess haturs sem hann var ekkert að leyna. Þetta er ástæðan fyrir því að ekkert traust var á milli Seðlabanka og ríkisstjórnar og þjóðarinnar. Þennan vítahring átti Geir að rjúfa. Hann átti að breyta lögum um Seðlabankann og losa sig við Davíð þegar Þingvallastjórnin var mynduð.Samfylkingarráðherrar áttu að gera þessa kröfu. Og þegar menn viðurkenna þetta, þá hljóta menn að skilja að ríkisstjórn er ekki einn maður, Ríkisstjórn eru allir þeir ráðherrar sem hana mynda og þeir bera sameiginlega ábyrgð. Það er ekkert hægt að skýla sér á bak við orðhengilshátt, eins og þann að hér sé ekki fjölskipað stjórnvald. Ef ríkisstjórn veldur þjóðargjaldþroti, af gáleysi þá ber hún sameiginlega ábyrgð. Fjármál eru engin geimflaugavísindi, allir vissu að gjaldmiðillinn og gengisskráningin var tifandi tímasprengja. Allir vissu að gengið var vitlaust skráð. Allir vissu að hér yrði að lágmarki 40% gengissig árið 2008, en aðeins Seðlabankinn og fjármálaráðuneytið vissu hvaða áhrif það hefði á fjárhag ríkissjóðs og aðeins bankamenn vissu að lausafjárþurrðin mundi fella alla bankana!! Þetta vissu þeir 2006 og þetta átti fjármálaeftirlitið að átta sig á. Þurfti bara að lesa greinar Jónínu Ben og skoða eignarhald bankanna. Allt þetta áttu svo alþingismenn að ræða. Þess vegna brugðust þeir allir og eru vanhæfir til að fjalla um þessar ákærur, Þessir 36 alþingismenn sem sátu á þingi 2003-2007 verða að kalla inn varamenn. Þau eiga að víkja og í framhaldinu skoða vandlega hvort þau njóti trausts til að snúa aftur.