Andverðleikaþjóðfélag í greipum hrunkvöðla

Ef hrunið hefur kennt okkur eitthvað þá er það að undirstaða búsetu hér á Íslandi felst í skynsamlegri nýtingu landsins gæða. Þá er ég að tala hér fyrst og fremst um frumatvinnuvegina, sjávarútveg og landbúnað. Því miður hefur andverðleikafólkið á Alþingi verið notað af harðsvíruðum hagsmunagæsluklíkum til að rústa þessum atvinnuvegum kerfisbundið.  Kvótakerfin í landbúnaði og sjávarútvegi eru andstæð almennahagsmunum og mannréttindum og byggðahagsmunum og þau ber að leggja niður strax. Það verður að vera meginkrafa okkar til þingmanna að þessar breytingar verði gerðar strax á þessu haustþingi til þess að hér geti farið í gang atvinnuuppbygging án afskipta ríkisvaldsins.