Álkryddsíldin

Þá er hinni árlegu stjórnmálaumræðu á stöð 2 lokið. Í þetta sinn fékk kostunaraðilinn Rio Tinto alla athyglina. Í stað hins venjulega veisluborðs var nú uppstilling úr álpappír sem yfirgnæfði allt annað og í auglýsingahléum var þess gætt að nafn kostunaraðilans færi ekki framhjá neinum enda var hinn misheppnaði gestgjafi, Kristján Már fljótur að þagga niður í Þór Saari þegar sá síðarnefndi byrjaði að gagnrýna álrisann. Vissara að styggja ekki þann sem borgar launin manns. Verst að það gleymdist að setja bann við auglýsingahóreríi inn í vændislögin. Þessi kryddsíld var sú lélegasta í manna minnum. Bæði vegna afspyrnu lélegs gestgjafa en líka vegna ómálefnalegra frasa yfirlýsinga borðfélaga hans. Ef einhver hélt að stjórnmálastéttin hefði ákveðið að taka mark á Atlaskýrslunni þá hefur sá hinn sami orðið fyrir vonbrigðum. Hér á engu að breyta og allir sem það reyna eru miskunnarlaust lagðir í pólitískt einelti. Fjórflokkurinn þarf að taka sér frí frá landstjórninni og hleypa verðleikafólki að. Með góðu eða illu

Athugasemdir

[Árni Karl Ellertsson, 31.12.2010 kl. 16:54]

Mikið er ég sammála, þvílíkur auli sem þessi Kristján Már er.

[Aðalsteinn Agnarsson, 31.12.2010 kl. 21:33]

Sammála.