Ekki gallað heldur ónýtt

Allar breytingar sem Jón Bjarnason hefur fengið  að gera á stjórn fiskveiða með leyfi Jóhönnu Sigurðardóttur eru til þess gerðar að festa í sessi ranglátt kerfi en ekki hið gagnstæða eins og oft er haldið fram.  Í stað þess að takast hér á um kerfið sjálft er verið í alvörunni að festa það í sessi til langrar framtíðar, allt að 40 ára. Þetta eru skaðleg áform og allt útlit fyrir að kvótagreifar með Þorstein Má í fararbroddi fái vilja sínum framgengt með hjálp stjórnmálastéttarinnar ennþá einu sinni og eftir sitji svívirt alþýða þessa lands. 

Eina vonin úr því sem komið er, er að kvótalausir og kvótalitlir útgerðarmenn taki til sinna ráða og rói til fiskjar, hver í sinni heimabyggð og virkji þannig í reynd frumbyggjaréttinn til veiða. Það er ekki hægt að treysta á stjórnvöld lengur. Sjómenn hafa réttinn, þeir eiga að virkja hann. Það er hið eina sem skiptir máli núna.  Tími orða er greinilega liðinn og tími aðgerða runninn upp þar sem alþýðan tekur aftur umboð sitt til ónýtra stjórnmálamanna, sem ekki stjórna með hag lands og þjóðar að leiðarljósi

Kvótafrumvarpið gallað

Athugasemdir

[Heiðar (IP-tala skráð) 29.9.2011 kl. 20:41]

Hver ber ábyrgð á þessum ósköpum? Er það ekki Jóhanna?

[Jóhannes Laxdal Baldvinsson, 29.9.2011 kl. 20:46]

Nei, sá sem ber mestu ábyrgðina heitir Halldór Ásgrímsson. Hann er útgefandi og ábekingur að þessum víxli sem við erum að borga enn þann dag í dag

[Eggert Guðmundsson, 29.9.2011 kl. 23:21]

Hvernig er þorskurinn sem strandveiðimenn koma með að landi. Er hann hæfur strax í pottin, eða þarf að skera næstum helming í burtu?

Það er allt í lagi að menn fari til veiða- en það verður að koma fiskur til lands sem er tilbúinn til átu.

[Jóhannes Laxdal Baldvinsson, 29.9.2011 kl. 23:32]

Éggert, ég er ekki viss hvernig ég á að skilja þig. Ert þú kannski einn af þeim sem halda að mjólkin komi í fernum út úr beljunum? Um strandveiðar og meðferð afla hef ég gert athugasemdir svo og hvernig útgerðarmenn flakafrystitogara hafa fengið að umgangast fiskimiðin. En ég sé að ég þarf að ítreka þá gagnrýni. Takk fyrir þitt innlegg

[Eggert Guðmundsson, 30.9.2011 kl. 01:19]

Mjólkin kom fyrst úr kúnum og síðan í brúsum, glerflökum, þernum og nú í dag í  fernum.

Þetta er þróun sem er gott að minnast á.  Gæðin hafa aukist með árunum-

Þetta sama á við það sem ég var að segja. Við íslendingar borðum mest af Ýsu en ekki þorski. Hvers vegna?

Vegna þess að þorskur var alltaf fullur af hringormum, sem við þurftum að plokka úr áður en við átum- Þessi hringormur er í þorski sem strandveiðibátar  koma með að landi+ hann er litaður af þara.   Grunnsjávarfiskur

[Aðalsteinn Agnarsson, 30.9.2011 kl. 11:22]

Flottur ertu Jóhannes!

Eggert, þara þorskur er láng besti matfiskurinn, fullur af vitamínum.