Vindstig í sjóveðurspám

Ég er einn af þeim sem hef ekki skilið rök Veðurstofunnar fyrir að hætta að nota Beaufort skalann til að tákna vindstyrk í veðurspám.  En samt eru þeir enn að gefa út stormviðvaranir! Með því að hætta að nefna hvassviðri, rok og fárviðri þá fær almenningur ekki lengur tilfinningu fyrir vindstyrk í veðri.  Meira að segja gamall sjóhundur eins og ég tengi ekki lengur þessar upplýsingar um metra á sekúndu við raunverulegan vindstyrk.  Þegar skilti fráVegagerðinni segir að vindhraði undir Hafnarfjalli sé 25 metrar þá er ég litlu nær.  En ef það segði að undir Hafnarfjalli væri stormur þá myndi ég staldra við og ef þar væri rok þá myndi ég hætta við að vera á ferðinni.  Því rok og ofsaveður er ekkert ferðaveður.  Eins held ég að sjómenn sakni gömlu veðurspánna.  Þegar ég var til sjós fyrir vestan þá fórum við í land þegar spáð var stormi.  Það var ekkert verið að storka neinu með það.  Núna grunar mig að ungir skipstjórnendur hafi ekki þessa tengingu lengur.  Nýlegur skipsskaði og nýlegt óhapp á Vestfjarðamiðum eru til marks um þessa kenningu.  Að spá 30 metrum á Halamiðum er ekki forsvaranlegt gagnvart lífi og limum sjómanna.  Rok og ofsaveður er ekkert til að hafa í flimtingum og allra síst á Vestfjarðamiðum

VindstigVindhraði (hnútar)Vindhraði (m/s)Vindhraði (mi/klst)Meðalvindhraði (m/s)HeitiÖlduhæð (m)SjólagAðstæður á landiMynd0123456789101112

0	<0,2	0	0,2	Logn	0	Lygnt.	Rólegt.
1-3	0,3-1,5	1-3	1,1	Andvari	0,1	Gárur.	Vindur hreyfir reyk.
4-6	1,6-3,3	4-7	2,5	Kul	0,3	Litlar smáöldur.	Vindur finnst á húð. Lauf skrjáfa.
7-10	3,4-5,4	8-12	4,7	Gola	0,6	Stórar smáöldur.	Lauf og smágreinar slást til.
11-16	5,5-7,9	13-18	6,7	Stinningsgola	1,0	Litlar öldur.	Ryk og laus pappír fýkur til. Litlar greinar hreyfast.
17-21	8,0-10,7	19-24	9,7	Kaldi	2,0	Miðlungsstórar, langar öldur. Dálítið löður og úði.	Minni tré svigna.
22-27	10,8-13,8	25-31	12,2	Stinningskaldi	3,0	Stórar hvítfyssandi öldur og úði.	Stórar greinar hreyfast. Erfitt að nota regnhlíf.
28-33	13,9-17,1	32-38	15,6	Allhvasst	4,0	Sjór hrannast upp og löðrið myndar rákir.	Heil tré hreyfast. Erfitt að ganga móti vindi.
34-40	17,2-20,7	39-46	18,9	Hvassviðri	5,5	Nokkuð háar hvítfyssandi öldur og særok. Löðurrákir.	Sprek brotna af trjám, Vindurinn tekur í bíla á ferð.
41-47	20,8-24,4	47-54	22,5	Stormur	7,0	Háar öldur með þéttu löðri. Ölduhryggir hvolfast. Mikið særok.	Minni skemmdir á mannvirkjum.
48-55	24,5-28,4	55-63	26,7	Rok	9,0	Mjög háar öldur. Yfirborð sjávar er hvítt og haugasjór. Skyggni minnkar.	Tré rifna upp. Töluverðar skemmdir á mannvirkjum.
56-63	28,5-32,6	64-72	30,8	Ofsaveður	11,5	Gríðarlega stórar öldur.	Almennar skemmdir á mannvirkjum.
>63	>32,7	>72	Á ekki við	Fárviðri	14+	Risaöldur. Loftið fyllist af löðri og úða. Hafið er alveg hvítt. Mjög lítið skyggni	Miklar almennar skemmdir á mannvirkjum.

 

 

 

Athugasemdir

[Jóhannes Laxdal Baldvinsson, 3.12.2012 kl. 17:36]

Veit ekki afhverju ekki er hægt að setja inn þessa töflu.  Kannski er hún of breið.  En slóðin er hérna  Það sem menn þurfa að leggja á minnið er að allur vindstyrkur yfir 25 metrum á sekúndu er varhugaverður.   25 m/sekúndu samsvarar roki á Beaufort skala