Hvað sagði Eyþór Arnalds í Silfrinu?

Ef menn vilja láta taka eftir því sem menn hafa að segja þá mæta menn ekki í sjónvarpsspjall krambúleraðir í framan.  Sama hvað förðunardaman hefur reynt til að fela glóðaraugað og sprungnu vörina á Eyþóri og sama þótt honum hafi verið valinn staður við borðið þar sem áverkarnir voru ekki eins sýnilegir, þá truflaði þetta mig og ég tók lítið eftir því sem Eyþór sagði.  Hafandi í huga fyrri hrakfarir Eyþórs, þá hélt ég nú að hann hefði lært sína lexiu þegar hann keyrði uppá umferðareyju á Sæbrautinni vel við skál og ætlaði svo að ljúga því upp á sambýliskonuna að hún hafi keyrt.  Það reyndist honum dýrt og þess vegna hljóta menn að velta fyrir sér orsök þessara áverka í ljósi sögunnar.  Menn sem eiga við áfengisvandamál að etja lenda oft í ryskingum og fá á lúðurinn og ekkert við því að segja svo framarlega sem þeir eru ekki í vinnu við að hafa vit fyrir öðrum. Þar set ég mörkin.  Fyllibyttur og lekabyttur hafa ekki óbrenglaða dómgreind.  Eyþór skuldar skýringar.