DV skoðar eigin rotþró

Herferð DV gegn ofbeldi á netinu og rætnum athugasemdum virkar sem hræsni vegna þess að það er DV sem ber aðal ábyrgð á því að leyfa vanstilltu fólki að ausa úr sjúkum hugum, svívirðingum yfir allt og alla.  Og vegna miðla eins og DV og Eyjunnar á undan því, þá er nú gjarnan alhæft um að allir sem skrifa á netinu, stundi glórulausar svívirðingar.  Eða með orðum Katrínar Önnu Guðmundsdóttur, „Á netinu eru mörkin engin og þar notar fólk ekki sömu samskiptareglur og í daglegu lífi. Það vindur upp á sig og magnast upp og mér finnst þetta mun sýnilegra núna en áður.“

Þessi alhæfing er röng.  Það gilda sömu samskiptareglur hjá langflestum bloggurum í þeirra skrifum og í hinu daglega lífi.  Það fullyrði ég.  DV er algerlega sér á báti þegar kemur að skítkasti og það er miðlinum til skammar að veita þessum sora upp á yfirborðið með því að leyfa fólki að tjá sig með þessum hætti.  En auðvitað græðir netmiðillinn á neikvæðri auglýsingu sem þessu fylgir.  Þess vegna taka þeir ekki á þessu. Þeir þurfa á soranum að halda til að auka auglýsingatekjur.  Þess vegna halda þeir áfram að birta greinar með fyrirsögnum sem vekja sterk tilfinningaviðbrögð hjá lesendum.

Skammastu þín Reynir Traustason!

Athugasemdir

[Theódór Norðkvist, 5.1.2013 kl. 22:48]

Það eiga auðvitað að gilda sömu samskiptareglur á netinu eins og annars staðar. Ég held að fjarlægðin blekki fólk stundum til að freistast til að sleppa af sér beislinu. Sumt af þessu liði sem er að rífa kjaft á DV og Eyjunni ætti ekki að hafa netaðgang, einhverjir þeirra ættu jafnvel ekki að fá að ganga lausir, ef út í það er farið.