Lífræn vottun á vörugeymslu

Með vottun Túns er staðfest að lífrænt kaffi sem vinnslustöðin framleiðir byggist á vottuðum lífrænum hráefnum, sem haldið er aðgreindum frá öðrum hráefnum á öllum stigum, allt frá móttöku kaffibauna til pökkunar á ristuðum baunum og möluðu kaffi.

Hvaða fíflagangur er hér í gangi?  Skiptir ekki mestu máli að lífrænar vörur séu unnar úr akri lífrænnar ræktunar?  Greinilegt er að brýnasta hagsmunamál neytenda er að hér verði sett heildstæð neytendalöggjöf sem tekur á augljósri blekkingarstarfsemi eins og allri þessari markaðssetningu á lífrænni hollustu og heilsutengdum vörumerkjum. Lífræn vottun á að vera trygging fyrir gæðum vörunnar frá A til Ö en ekki bara frá æ til ö.  Um jólin fékk ég gjafapakka frá Te og Kaffi sem innihélt 4 tegundir af tei.  Á umbúðunum kom hvergi fram hvar hráefnið var ræktað eða týnt. En einn pakkinn innihélt kínverskt svart te.  Algeran viðbjóð á bragðið.  Fyrirtæki sem vill flagga lífrænni vottun verður að gera betur og fyrirtæki sem selur gæðavottorð verður að gera betur.  Þar sem svona lífræn vottun er marklaus ættu menn að skoða hvort upprunavottorð væri ekki meira virði.  Nema náttúrulega ef uppruninn stríðir á móti "fair trade"  Þá er Te og kaffi í vondum málum.

Te & kaffi fær lífræna vottun

Athugasemdir

[Hans Jörgen Hansen, 14.1.2013 kl. 11:34]

Það er rétt hjá þér að nauðsynlegt er að hráefnið sé lífrænt ræktað hins vegar er það jafn mikilvægt að aðskilja lífrænt ræktaða frá því sem ekki er lífrænt ræktað svo það verði ekki blöndun á hráefninu. Kaffið er lítið lífrænt ef það myndi blandast annarri framleiðslu hjá þeim.
Það lífræna kaffi sem þeir kaupa inn er svo væntalega staðfest með svipaðri vottun og þeir voru að uppfylla núna.
ÞAnnig er það tryggt að hráefnið sé lifrænt frá A-Ö

Hver vegna þú ert að blanda Te-i inn í þessa frétt er mér óskiljanlegt þar sem það stendur greinilega að þeir hafa fengið hluta KAFFI framleiðslunar vottaða ekki Te framleiðsluna.