Orkuveitunni verður ekki bjargað

Ég er hvorki rekstrarhagfræðingur né fjármálaglæfrafræðingur en ég sé ekki hvernig Orkuveitan getur staðið undir afborgunum á þessum 250 milljarða skuldum í erlendum gjaldeyri. Og þessar hagræðingaraðgerðir sem þegar hefur verið ráðist í duga skammt ef ekkert annað kemur til. Salan á höfuðstöðvunum til óstofnaðs félags gegn 20 ára leigusamningi lyktar af undanskoti eigna.  Ef einhver raunveruleg endurskipulagning væri í gangi þá væri búið að setja lög sem heimiluðu Reykjavíkurborg að taka yfir grunnrekstur Orkuveitunnar í nýtt félag og skilja erlendar skuldir eftir í þrotabúinu ásamt gufuaflsvirkjununum.  Þetta yrði gert með skírskotun til almannahagsmuna á sama hátt og neyðarlögin voru sett til bjargar fjármálakerfinu.