Kerlingarnar rífast en karlarnir taka í nefið

Sviðið er bein útsending frá Alþingi. Ef ég væri alkabarn þá væri ég hræddur. Formælingar, dylgjur og ásakanir einkenna þessa ofbeldissamkomu. Þó að ekkert skorti á formlegheitin  þá dylst engum  að samskiptaörðugleikarnir kalla á skilnað. Alþingi í dag er bara skrílssamkoma.  Þjóðin kallar á þingrof og nýjar kosningar.

það er ekki nóg að endurskoða fundarsköp og fella niður þessa liði sem kallast; um fundarstjórn forseta og störf þingsins og ekki síst hálftíma hálfvitanna.  Það er fólkið sem er vandamálið

Alþingismenn eru ekki samviska þjóðarinnar.  þeir eiga að setja reglur og sinna eftirliti með framkvæmdavaldinu. Það gera þeir ekki í dag.  Framkvæmdavaldið stjórnar þinginu og Brússel þingið semur reglurnar.  Við gætum alveg eins lagt Alþingi niður.