Að einkavæða mótmæli

Raddir Fólksins eru ekki raddir fólksins.  Raddir Fólksins er einkafélag Harðar Torfa til að halda utanum kostnað af mótmælafundum í nafni radda fóksins.  Þetta skulu menn hafa í huga áður en menn láta fé af hendi rakna til þeirra sem safna fé á þessum fundum til að standa straum af "kostnaði" við þessa fundi.  Þegar ég spurðist fyrir um í hverju kostnaðurinn lægi þá var lítið um svör en á endanum var sagt að það þyrfti m.a. að borga fyrir hljóðkerfið og svo væri bílakostnaður. Þegar ég spurði nánar útí hver ætti hljóðkerfið þá kom í ljós að Hörður Torfason trúbador á þetta hljóðkerfi og þetta er hluti af úthaldi hans vegna eigin tónleikahalds og kemur mótmælafundum ekkert við. Eins var það með bílakostaðinn, allt eru þetta einkabílar sem menn eru að nota og bæði ólöglegt og ósiðlegt að ætla sér endurgjald sem þar að auki er ekki gefið upp til skatts.  Ef við gefum okkur að 200 manns mæti að meðaltali á hvern fund og hver maður gefi 250 krónur þá er Hörður Torfason að fá í eiginn vasa 50.000 krónur fyrir að sinna borgaralegri skyldu!  Ekki slæmt þegar um skattaundanskot er að ræða. 

Hörður Torfason er enginn mótmælandi.  Hörður Torfason er bara að skaffa sér lifibrauð eins og hinir smákapitalistarnir með því að einkavæða mótmæli saklausra borgara. Það dregur úr vægi mótmælanna og Hörður á að skammast sín og hætta afskiptum af þessum baráttumálum borgaranna. Hann er búinn að fá sín baráttumál í gegn og má vel við una. Hann á að láta okkur í friði.  Það er örugglega ekkert mál að fá lánað hljóðkerfi hjá Reykjavíkurborg.  Reyndar ætti borgin að hafa það hlutverk að útvega aðstöðu og græjur fyrir okkur borgarana til að stunda réttindagæslu. Mótmæli eru ekkert annað en réttindagæsla af hendi almennings þegar réttkjörnir fulltrúar bregðast.

Athugasemdir

[Elín Sigurðardóttir (IP-tala skráð) 20.2.2013 kl. 19:29]

Þetta er e.k. áhugaleikhús. Þau tala um kvótaeigendur, hagsmunaaðila, lagatækna og sérhagsmunaöfl. Stjórnin er hins vegar alveg stikkfrí. Hún er hálfgert fórnarlamb í meðförum þessa fólks. Mótmæli eru þetta ekki. Meðvirkni á lokastigi myndi ég segja.

[Jóhannes Laxdal Baldvinsson, 20.2.2013 kl. 20:03]

Ég er mikill áhugamaður um lýðræðisumbætur Elín en þessir fundir eru ekki að gera sig.  Þrátt fyrir Hallgrím Helgason og fleira gott fólk