Hugrakkur dómari

Sú ákvörðun Péturs Guðgeirssonar að banna málssvörum myrkrahöfðingjanna, Gesti Jónssyni og Ragnari Hall að segja sig frá Al Thani málinu, er lofsvert framtak eins manns , í átt að afglæpavæðingu Íslands.  Frekjan í þessum lögræðingum, sem hafa sérhæft sig í að verja hvítflibbaglæpamenn kallar á ný vinnubrögð dómara og saksóknara. 

Áfram Pétur Guðgeirsson,  allir réttsýnir menn styðja ákvörðun þína

Dómarinn sagði nei

Athugasemdir

[Guðjón Sigþór Jensson, 8.4.2013 kl. 17:45]

Mér finnst miður að sjá orðbragð eins og „myrkrahöfðingjanna“ og nafngreina lögmennina.

Í dómstólunum er kurteysisvenjur ríkjandi sem eru til fyrirmyndar. Þar ávarpa menn hvorn annan gjarnan: „Háttvirtur andstæðingur“. Síðan geta komið í framhaldi ýmsar glósur á borð við: Þér hafið rangt fyrir yður með því að fullyrða.....

Varast ber að ganga of langt.

Kveðja

[Skúli Víkingsson, 8.4.2013 kl. 17:58]

Mér finnst þetta nú óþarfa viðkvæmni Guðjón. Málaflutningsmenn hafa þann starfa að verja ákærða fyrir dómi þar á meðal myrkrahöfðingja eins og þessa.

[Guðjón Sigþór Jensson, 8.4.2013 kl. 18:09]

Ef þessir lögmenn eru kallaðir „myrkrahöfðingjar“ hvað eru þá þeir réttilega nefndir sem þeir eru að verja? „Yfirmyrkrahöfðingjar“ eða „Erkimyrkrahöfðingjar“ sbr. erkibiskup, yfirbiskup.

[Jóhannes Laxdal Baldvinsson, 8.4.2013 kl. 18:23]

Guðjón hvernig útskýrir þú fullyrðingu þessara lögmanna á blaðamannafundinum að sakborningar séu saklausir?

[Jóhannes Laxdal Baldvinsson, 8.4.2013 kl. 18:25]

Ekki gleyma að þessir sömu menn voru aðalverjendur Jóns Ásgeirs í Baugsmálunum