En hvað um stefnu Sjálfstæðisflokksins?

Þessi átök um formannssætið hafa ekki snúist um persónu Bjarna Benediktssonar per se.  Þetta eru átök um stefnu flokksins hvorki meira né minna.  Og það er mikil pólitísk blinda að afgreiða það með valdabaráttu nokkurra persóna,  þótt þær persónur komi úr innsta kjarna.   Við skulum átta okkur á því að flokkinn hefur borið af leið.  Sérstaklega í afstöðunni til Evrópusambandsins og verðtryggingarinnar ef tekið er mið af samþykktum landsfunda fyrri ára. Þessi svik þingmanna flokksins undir forystu Bjarma Ben eiga margir erfitt með að fyrirgefa og vinna því gegn honum af þeim sökum. 

Ég held það sé óhjákvæmilegt að fram fari uppgjör á næsta landsfundi, hvort sem hann verður kallaður saman strax að loknum kosningum eða ekki fyrr en í haust.  Þessar "sættir" eru ekkert annað en svikalogn.  Sjálfstæðisflokkurinn þarf að skerpa á stefnunni og forystan þarf að bera fram þessa stefnu á einarðan og samstilltan hátt. Hvort niðurstaðan verði stefna Bjarna og Illuga eða Hönnu Birnu og Kjartans, verða flokksbundnir Sjálfstæðismenn að ákveða.  Ekki misvel innrættir fréttamenn eða stjórnmálaskýrendur

Ber fullt traust til Bjarna

Athugasemdir

[Jóhannes Laxdal Baldvinsson, 13.4.2013 kl. 16:28]

p.s  Og hvað segja menn núna um boðorðið, "Enginn einn er stærri en flokkurinn"  Er ekki Bjarni búinn að brjóta það boðorð?