Hérna eru peningar, 21.4 milljarður

Píratar hafa sagt að það séu til peningar en það þurfi bara að finna þá.  þetta er alveg rétt.  Til dæmis hafa útgerðarmenn komist hjá að borga sanngjarnt gjald fyrir að veiða fiskinn sem er sameign okkar allra.  Miðað við að útgefinn kvóti á síðasta fiskveiðiári nam 423.868 þorskígildistonnum, þá er ljóst að miklir fjármunir eru í húfi.  Hingað til hafa útgerðarmenn ekki verið til viðræðu um að borga fyrir nýtinguna, borga hráefnisgjald.  Samt finnst þeim ekkert sjálfsagðara en greiða fyrir veiðirétt í rússneskri og norskri lögsögu og það ekkert smá veiðigjald.  Nú er komið að því að þeir sem fá leyfi til að veiða borgi markaðsverð fyrir.  Markaðsverð verður það að vera vegna þess að viðskiptin verða að vera gegnsæ og afgjaldið á að hækka eða lækka miðað við hvað markaðurinn treystir sér til að greiða.  Og það er útgerðin sem á að greiða þetta gjald.  Ekki vinnslan eða milliliðurinn. Vinnslan á bara að greiða eðlilegan virðisaukaskatt af þeim virðisauka sem verður til hjá þeim.

Ríkisstjórnin setti á sérstakt veiðigjald með lögum nr. 74/2012,  gallinn er bara sá að þau eiga ekki að taka gildi fyrr en 2014.  Og þá aðeins að hluta.  Þessi lög þarf að afnema og leggja fullt gjald á réttinn til að veiða.  Samkvæmt lauslegum útreikningum er um að ræða tekjur uppá 17 milljarða miðað við úthlutun 2012/2013.  Núna er ríkið að innheimta helminginn af þeirri upphæð.

Eg held að við gætum hæglega aukið þessar tekjur um 25%.  Í fyrsta lagi með því að auka þorskkvótann um 100 þúsund tonn og í öðru lagi með því að halda fast við kröfu okkar um 150 þúsund tonna makrílkvóta og breyta þorskígildisstuðli makríls úr 0.13 í 0.2

Útreikningar mínir sýna það svart á hvítu. 
Kvóti síðasta árs  .........................       333.000  þorskígildistonn
aukning í þorski  .........................        100.000   ----------

Norsk-íslensk síld  70.000 x 0.16 ......... 11.200
Kolmunni             100.000 x 0.08 ..........  8.000
Loðna                  450.000 x 0.12 ..........54.000
Makríll                  150.000 x 0.20 ......... 30.000
---------------------------------------------------------------------------
Samtals þorskígildistonn 2013/2014    536.200
hráefnisgjald per þorskígildistonn              0.40
---------------------------------------------------------------------------
Samtals í ríkissjóð                             21.448 ma

Þetta er einföld , gegnsæ og umfram allt sanngjörn tekjuöflun.  Það getur enginn staðið gegn henni.  Ekki einu sinni handhafar kvótans því þeirra ávinningur er ekki síðri í afnámi núverandi veiðigjalds og sérstaks veiðigjalds.  En umfram allt aukningarinnar í kvótanum.

Þessi aðgerð mun svo hafa margföldunaráhrif út í hagkerfið.  Þjóðartekjur munu vaxa vegna aukins kvóta.  Útgerðarmenn færu að fjárfesta meira í skipum og með auknum fjölda starfa í sjávarútvegi myndu verða til 1.5 afleidd störf í þjónustu alls konar.  það myndi svo hafa áhrif á allt hagkerfið

 

Þessi aðgerð myndi toppa allt sem Framsókn býður.  Frambjóðendur allra flokka eru hvattir til að tala meira um atvinnulífið og minna um velferðarkerfið.  Við lifum ekki á afgangsfroðu úr bönkunum.