Jón Þór á eftir að hafa áhrif

Mér lízt alltaf betur og betur á þennan þingmann minn, eftir því sem ég heyrir meira til hans.  Ég renndi hálf blint í sjóinn við val á lista í kosningunum.  Vissi þó fyrir hvað Birgitta stóð.  Síðan hef ég hlustað á þó nokkur viðtöl við Jón Þór, m.a. þegar Björn Bjarnason átti viðtal við hann á INN.  Og þar stóð hann sig gríðarlega vel.  Meira að segja svo vel að Björn hefur notað sumt sem Jón sagði , í sínu eigin bloggi.  Það held ég hljóti að teljast meðmæli.  Hvort menn klæðist jakkafötum í þingsal er algert aukaatriði.  Snyrtimennska felst ekki í klæðaburði einum saman.  Það skiptir líka máli  almennt hreinlæti.  Andfýla og tóbaksþefur að ég tali ekki um munntóbakssóðaskapinn er miklu stærra mál heldur en skyrta og bindi.  Og svo náttúrulega kurteisi og almennir mannasiðir.  Þar held ég sumir reyndari þingmenn gætu lært af Jóni Þór.

Í gallabuxum og bol á Alþingi