En er Hafró að fylgjast með?

Það er hið besta mál að aftur skuli sjást líf í Kolgrafarfirði. En það sem skiptir auðvitað mestu er, að Hafrannsóknarstofnun fylgist með. Svo læra megi af því hvernig síldin drepst og ekki síst hver áhrif svona síldardauði hefur á lífríkið á botninum.  Ekki veit ég hver staða Náttúrustofu Vesturlands er,  en ég sakna þess að ekki hafi verið talað við fulltrúa Hafró.  En ætli þeir séu ekki að draga það magn sem drapst frá því magni sem leyft verður að veiða í haust.  Kæmi mér ekki á óvart ef þeir muni fyrirskipa umtalsverða skerðingu á veiði næsta haust vegna slyssins í vetur.

Og fyrst að umhverfismálin eru komin ofan í skúffu hjá nýja auðlindaráðherranum þá á ég ekki von á að stjórnvöld geri neitt í að loka síldargildrunni í Kolgrafarfirði.  Enda Breiðafjörður ekki matarbúr heimamanna lengur. Þar njóta fuglar og hvalir forgangs og ef sjálfdauða síld rekur á land þá er hún urðuð í miklu magni í stað þess að leyfa mönnum að nýta hana til manneldis og skepnufóðurs.  Það vildi ekki Svandís leyfa vegna þess að Steingrímur sagði nei.  Enginn má nýta fisk úr sjó nema hafa til þess leyfi og bréf frá ráðherra upp á nákvæma skiptingu fisktegunda sem má veiða.  Allt samkvæmt stóra exelskjalinu niðri á Skúlagötu.  

Mikið líf í Kolgrafarfirði

Athugasemdir

[Jón Valur Jensson, 31.5.2013 kl. 03:09]

Það er engin ástæða til að búast við neinu góðu frá Hafró.

Skaðlegri stofnun held ég sé ekki til á endilöngu Íslandi.

[Jóhannes Laxdal Baldvinsson, 31.5.2013 kl. 11:42]

Hafró er dæmi um stofnun sem hefur fengið framselt valdi án heimilda.  Það er vandamálið.  Á meðan stjórnmálaflokkarnir taka ekki aftur þetta valdaframsal, þá breytist ekkert. Kvótaeigendur vilja hafa þetta svona.  Þeir vilja ekkert sérstaklega breyta því hvernig Hafró starfar.

[Jón Valur Jensson, 31.5.2013 kl. 17:43]

Allt frá tíma Þorsteins Pálssonar og Halldórs Ásgrímssonar í sjávarútvegsráðuneytinu og fram að dögum Jóns Bjarnasonar hefur þjónkun við Hafró og þjóðskemmandi ragmennska ráðið ríkjum í fiskveiðistefnunni.

Menn lesi um þetta Ásgeir Jakobsson, Kristin Pétursson og Jón Krisjánsson fiskifræðing (fiski.blog.is).