Á launum við að ljúga

Spunameistarar Samfylkingarinnar eru iðnir við að dylgja um ábyrgð Sigmundar Davíðs og Ólafs Ragnars á því að þjóðin felldi lögin um Icesave 3.  Haldið er áfram að staglast á því að icesaveskuldin hafi ekki horfið eins og menn hefðu fullyrt að myndi gerast.  Þessi lygaþvættingur og afbökun á staðreyndum er orðinn svo tíður að honum verður að mótmæla.

Ég er einn af þeim sem synjaði lögunum staðfestingar. Og ástæðan var eingöngu sú að ég tel að undir engum kringumstæðum megi setja það fordæmi, að ríkið ábyrgist skuldir einkafyrirtækja.  Skýrar getur það ekki orðið.  Og synjun þjóðarinnar hefur sparað ríkissjóði 40 milljarða í óafturkræfum vaxtagreiðslum í gjaldeyri sem við eigum ekki. Þessari staðreynd er aldrei haldið til haga af spunameisturum Samfylkingarinnar eða hatursmönnum Ólafs Ragnars úr hópi Vinstri Grænna.

Hitt sífrið get ég svo aftur á móti  tekið undir, að það er nauðsynlegt að hér fari fram þjóðaratkvæðagreiðsla um framhald aðlögunarviðræðnanna við ESB, ef það stendur ennþá til boða af hálfu ESB.  Deilunum um aðild eða ekki aðild lýkur aldrei nema þjóðin segi hvað hún vill, klárt og kvitt í þjóðaratkvæðagreiðslu.  Undir það hljóta nógu margir að taka til að jafnvel kaupfélagsvaldið á Sauðárkróki láti undan.

Athugasemdir

[JR (IP-tala skráð) 17.8.2013 kl. 02:15]

Ef þú hefur ekki verið á Íslandi frá því 2007 , þá er hér ágætis áminning :

http://blog.pressan.is/andrigeir/

http://blog.pressan.is/andrigeir/