Að rökstyðja ranga ákvörðun

Gunnar Bragi fer fram með offorsi og virðir ekki almenna stjórnsýslu þegar hann upp á sitt einsdæmi ákveður að stoppa umsóknarferli um aðild að ESB og leysa upp samninganefndina.  þegar honum berst athugasemd frá stjórnarandstöðunni þá bregst hann við eins og sakamaður og kaupir sér lögfræðilegt álit sem réttlætir valdníðsluna.!

Er þetta boðlegt í lýðræðisríki?  Ég er svo sannarlega ekki stuðningsmaður aðildar og ekki lögfræði menntaður en mér blöskrar.  Ég er búinn að lesa lögfræðiálitið sem Gunnar leggur fram og það vekur athygli að enginn leggur nafn sitt við það. Það kemur hvergi fram á skjalinu né á heimasíðu ráðuneytisins, hver eða hverjir unnu þetta álit.  Það vekur tortryggni.  Eins vekur dagsetningin 20.ágúst, tortryggni. Hún sannar að fyrst var framkvæmt og síðan leitað álits á lögmæti ákvarðana ráðherrans. Þess vegna hefur Gunnar Bragi sett sjálfan sig í óþægilega stöðu gagnvart löggjafarvaldinu.  Það er jafnvel full ástæða hjá Alþingi að bera fram vantraust á þennan ráðherra!

Að endingu hef ég athugasemdir varðandi meðferð Alþingis á öllu þessu ferli sem ekki er tekið á í áliti Gunnars Braga en það er, að ákvörðunin sem Alþingi tók árið 2009 um að óska aðildar að ESB , sú þingsályktun gekk í berhögg við skýr ákvæði stjórnarskrárinnar. Það er bannað að framselja vald til ESB  Það er á þeirri forsendu sem á að draga umsóknina til baka og endurskoða aðildina að EES.  Þetta er nauðsynlegt að gera til að Alþingi sé trúverðugt.  Þetta rugl sem einkennt hefur stjórn landsins síðustu 20 ár þarf að taka enda.

Alþingi á að gera þetta en ekki einstaka ráðherra. Umboð ráðherrans á ekki að vera ótakmarkað. Það verður að koma lögum yfir þessa menn í stað ónýts ákvæðis um ráðherraábyrgð.

Það hefur aldrei verið jafn brýnt að vinna heildar endurskoðun á stjórnarskránni

Umsóknin hefur ekki verið afturkölluð