Ríkið hagnast um 20-40 milljarða

Stærð flugvallarsvæðisins í Vatnsmýri er 133,9 ha (1 ha=10000 fermetrar)

Þar af á Reykjavíkurborg um 79,1 ha, eða 59,1% af svæðinu, og ríkið um 54,8 ha, eða 40,9%.   Örn Sigurðsson arkitekt telur að verðmæti lóða í Vatnsmýri geti hlaupið á 45-75 milljörðum, allt eftir samsetningu og nýtingarstigi.  Þar af leiðir að Ríkið á þarna lóðarétt að verðmæti 18.405 milljarða til 30.675 milljarða eftir því hvernig byggð risi á svæðinu.  En eitthvað kostar að gera svæðið byggingarhæft svo tölurnar lækka sem því nemur. Samt má telja hóflegt að meta verðmæti landsins sem ríkið á á 15 - 20 milljarða.

Svo er það sparnaðurinn af því að sameina innanlandsflug og utanlandsflug á einn stað. Tökum sem dæmi öryggisgæslu, tollaeftirlit og útlendingaeftirlit. Kostnaðurinn við að halda uppi þessari tvöföldu starfsemi hleypur á hundruðum milljóna,  kostnaður við flugumsjón og gæslu er annað eins og eitthvað kostar svo slökkviliðið á vellinum.

Annars er hægt að benda á skýrslu sem hópur á vegum Sturlu Böðvarssonar skilaði árið 2005.  Þar var gerð virkilega góð úttekt á öllum kostum sem koma til greina í sambandi við framtíðarvalkost fyrir innanlandsflugið.  Í skýrslunni er líka að finna hagræna úttekt sem athyglisvert er að kynna sér ef menn á annað borð hafa áhuga á upplýstri umræðu.  Ég veit að fæstir þeirra sem virðast vera búnir að gera upp hug sinn og skrifa undir stuðning um að áfram verði flugrekstur í miðri borginni beint yfir hausum alþingismanna og annarra í miðborginni, hafa haft fyrir því að kynna sér þetta mál.  Vonandi að einhver lesi þennan pistil og fái áhuga á að kynna sér hversu gífurlegan fjárhagslegan ávinning ríkið hefur af því að leggja niður þessa slysagildru í Vatnsmýrinni.Ávinningur sem fer létt með að fjármagna nýjar byggingar fyrir Landspítalann auk þess að bæta úr bráðum tækjaskorti strax á næsta ári.  Eina sem þarf er pólitísk framtíðarsýn byggð á köldu hagsmunamati.

Höfum við efni á að spara ekki 20 ma?   Kannski að Arnar Páll hafi það en ekki ég og örugglega ekki þeir sem ekki hafa efni á að greiða auðlegðarskatt vegna skulda