Hvað örvar Hildi Lilliendahl?

Rannsóknir hafa lengi sýnt að allir ala með sér kynferðislegar hugsanir. Það er bara í eðlinu.  En baráttan gegn kláminu er byggð á þeim misskilningi að bein tengsl séu á milli kúgunar kvenna og barna annars vegar og klámi hins vegar.  Á þessari blekkingu hefur feminisminn byggt kenningar sínar og á þessari röngu nálgun hafa meira að segja sprottið heilu fræðigreinarnar undir nöfnum eins og kynjafræði og kvennafræði.  Nú þarf að spyrna við fótum.  Það er beinlínis rangt að klám sé sama og ofbeldi. Og það er sitthvað að særa blygðunarkennd eða vera sekur um kynferðisofbeldi.

Konur eins og Hildur Lilliendahl og Tómasdætur þurfa að fara að slaka á í ofsóknum sínum gegn ímynduðu kynferðisofbeldi.  Látum dómstóla í einkarétti um þau mál. Kynferðisofbeldi er vel skilgreint í lögum og við þurfum að sætta okkur við túlkun dómstóla á þeim lögum.

Það ríkir líka svo mikill tvískinnungur í þessum málum. Er Jón Baldvin meiri dónakall en ég af því hann orðaði hugsanir sínar á blaði og sendi kynþroska frænku Bryndísar til lestrar?  Ég sé ekki glæpinn.  Að dömunni skuli hafa ofboðið mörgum árum seinna gæti allt eins verið vegna innrætingar og heilaþvottar öfgafeminista eins og Þóru og Sóleyjar Tómasdóttur og Hildar Lilliendahl.  Hvað vitum við svo sem....

Og svo er það herferðin gegn vændinu, nektardansinum, nuddinu og kampavínsklúbbunum.  Hvað eru menn að sanna með þessum aðgerðum?  Að hægt sé að beizla mannlegt eðli án lyfja.  Setja lög sem banna óeðli og þá hverfi óeðlið!!  Það er nú meiri einfeldnin að halda að slíkt sé hægt.  Og persónulega kæri ég mig ekki um að lifa í slíku þjóðfélagi púrítaniskrar tvöfeldni.

Athugasemdir

[Elín Sigurðardóttir (IP-tala skráð) 31.8.2013 kl. 23:08]

Jú, það ríkir mikill tvískinnungur og tvöfeldni í þessum málum. 101 leikskóla var lokað en Stuðlum ekki. Eru strangari kröfur gerðar til einkaaðila en opinberra aðila?

[Jóhannes Laxdal Baldvinsson, 31.8.2013 kl. 23:10]

Er Bragi Guðbrandsson dónakall?

[Jóhannes Laxdal Baldvinsson, 31.8.2013 kl. 23:19]

En í alvöru talað Elín, þá flokkast viðbrögðin við uppákomunni í 101 leikskóla undir klígjupólitík.  Ef hér væri eðlilegt ástand þá hefði málið verið afgreitt með brottvikningu starfsmannsins en aldrei verið kært til lögreglu og hvað þá skattrannsóknarstjóra.  Hvað sem okkur finnst um hirtingar á börnum þá erum við held ég sammála um að foreldrar eigi að sjá um þær innan marka mannúðar en ekki gæslufólk í skólum. 

[Elín Sigurðardóttir (IP-tala skráð) 1.9.2013 kl. 11:02]

Sjáðu bara síðustu pistla Jónasar um Egil Einarsson og Jón Baldvin Hannibalsson. Þeir eru kostulegir. Hildi varð það á að stíga á vitlausar tær í þetta sinn. Annað var það nú ekki.

[Jóhannes Laxdal Baldvinsson, 1.9.2013 kl. 12:06]

Það er ekki bara það. Fólk almennt er að hafna þeirri forræðishyggju sem veður uppi í vinstri flokkunum. Sjáðu bara hvernig norskt þjóðfélag er orðið eftir 10 ára valdatíma vinstri manna. Feminismi er forræðishyggja í sinni tærustu mynd. Og það á ekki að setja svona pressu á konur í atvinnulífinu að standa sig!  Það bitnar á svo mörgu í þjóðlífinu. Veldur spennu og átökum og skapar vinnu fyrir óþarfa fræðinga við að leysa vandamál sem hefði verið hægt að komast hjá ef öfgafólkið hefði aldrei vaðið svona uppi.  Þjóðfélagið sem slíkt hefur bara ákveðin þolmörk og þetta síðasta útspil Hildar og hennar líka eru kornið sem fyllti þann mæli

[Elín Sigurðardóttir (IP-tala skráð) 1.9.2013 kl. 12:18]

Þetta var ágætt hjá Hildi. Talsmaður forvirkra rannsóknarheimilda situr núna berrassaður og hágrenjandi við tölvuna sína og vælir um mannréttindi. Þetta var gott grín. Takk Hildur.

[Margrét Valdimarsdóttir (IP-tala skráð) 1.9.2013 kl. 13:57]

Þið vitið að þessi texti ykkar birtist á internetinu, þar sem allir geta lesið hann? Það er orðið langt síðan ég hef lesið álíka karlrembu og heimsku.

Getið þið ekki ímyndað ykkur kynlíf nema að það sé verið að versla með einhverja manneskju. Hey hér er klikkuð hugmynd, hvað með að stunda kynlíf þar sem báðir aðilar hafa í löngun til þess, og ekki þarf að fara fram nein viðskipti? Já auðvitað eru kynlífslanganir eðlilegar og femínistar eins og aðrir fíla kynlíf, þeir fíla bara ekki misnotkun. Kannski hefur þú aldrei hitt konu sem vill stunda með þér kynlíf og þess vegna dettur þér bara vændi og klám í hug þegar þú hugsar um kynlíf.

Og að sjá ekkert athugavert við það að gamall karl sendi 14 ára stúlku, sem er tengd sér fjölskylduböndum, bréf þar sem hann lýsir kynlífsfantasíum sínum er mjög sérstakt. Meira segja JBH sjálfur hefur viðurkennd að það hafi verið mistök, að það hafi ekki verið við hæfi.

Og svo toppar þú þig með að segja að það eigi ekki að kæra ofbeldi gegn börnum til lögreglu.

Þú ert svo sannarlega svokallaður fáviti!

[Jóhannes Laxdal Baldvinsson, 1.9.2013 kl. 14:41]

Má bara skrifa eitthvað sem pólitíska réttrúnaðarlöggan hefur ritskoðað og samþykkt Margrét?  Ég veit ekki til þess að skoðanir mínar meiði neinn. Þér er frjálst að koma hingað og lesa það sem ég skrifa en ég frábið mér allar tilraunir til ritskoðunar.  Mín karlremba er kannski ekki meiri en kvenremban þín?  Og hvar í orðum mínum er ég að verja misnotkun?  Það eina sem ég sagði um Jón Baldvin var að ég sæi ekki glæpinn í því sam hann gerði. Þetta var misgjörð gegn stúlkunni auðvelt að sjá það og mikið dómgreindarleysi að senda þessi bréf. En Jón átti ekki von á að þau yrðu birt enda bað hann um að þau yrðu ekki birt.  Hygg að fáir séu svo heilagir að það sem þeir segja og gera í einrúmi eða í trúnaði þoli opinbera umfjöllun. Enda er þar stór munur á. Ég játa að ég hef ekki séð myndbandið af þessu atviki í leikskólanum en efast um að hægt sé að flokka það undir líkamsmeiðingar.  þar set ég mörkin í sambandi við hugtakið ofbeldi.  Skætingurinn í niðurlagi athugasemdar þinnar er svo ekki svara verður. Lýsir bara í hvaða hugarástandi þú ert.

[Helgi Bjarnason (IP-tala skráð) 1.9.2013 kl. 15:06]

Við búum í þurrkuntusamfélagi. Því er nú ver og miður. Karlmenn hafa misst allan rétt til þess að gera það sem þeim sýnist.