Laugavegurinn annar ekki umferð

Kaupmenn hljóta að átta sig á að lokun Laugavegar fyrir allri bílaumferð er orðið brýnasta hagsmunamál þeirra sjálfra.  Í dag er orðið erfitt að komast leiðar sinnar fyrir gangandi vegfarendur og ekki er ástandið betra fyrir okkur sem hjólum.  Ég er þó á því að ekki sé þörf fyrir öll þessi skilti og þau eru slysagildrur fyrir sjónskerta. Meira tillit og meira samráð skaðar engan en auðvitað er borgin í fullum rétti að fjarlægja þessar slysagildrur.

Borgin fjarlægði skilti kaupmanna

Athugasemdir

[Elín Sigurðardóttir (IP-tala skráð) 7.11.2013 kl. 14:08]

Eru skilti frá verslunum meiri slysagildrur en skilti frá veitingahúsum og öldurhúsum? Hafa blindir og sjónskertir sagt það? Er borgin í fullum rétti að mismuna mönnum? Hvaðan kemur þér sú speki?

[Jóhannes Laxdal Baldvinsson, 7.11.2013 kl. 14:23]

Í fyrsta lagi þá eru gangstéttar ekki hlutar af lóðaréttindum. Í öðru lagi þá hafa blindir,sjónskertir og annað fatlað fólk kvartað yfir lélegu aðgengi í Reykjavík og sérstaklega á Laugaveginum. Með því að taka skilti sem sett eru upp í óleyfi er ekki verið að brjóta á neinum Elín. Hitt er annað mál að auðvitað á ekki að veita einni starfsemi undanþágu frá reglum.  Mér finnst að reglur eigi að vera almennar og ekki eigi að mismuna varðandi það.

[Elín Sigurðardóttir (IP-tala skráð) 7.11.2013 kl. 14:42]

Þá erum við sammála. Leiðinleg þessi lenska að reglur gildi bara fyrir suma. Hinir mega allt.

http://vefir.pressan.is/ordid/2011/06/28/samdrykkja-steingrims-og-villa-a-olstofunni/