Spýjur?

Þótt óupplýstur skipstjóri af Suðurnesjum fari rangt með notkun hugtaka þá  er óþarfi fyrir fréttamenn að hafa það óbreytt eftir.  Og í raun er fréttin óskiljanleg.  Hvað þýðir þetta?

„Við erum við ísinn og það eru alltaf einhverjar spýjur að koma. Við höfum verið í hálfgerðum vandræðum út af ísnum. Þetta er búið að vera erfitt,“ 

Þetta virðist orðrétt haft eftir vegna gæsalappanna en merkingin er óljós. Fyrir vestan var talað um spýjur í sambandi við lítil snjóflóð en varla er mikið um þau úti á Hala! Mig dauðlangar að vita hvað skipstjórinn var að meina.  Var hann að tala um hreyfingu á ísnum eða aflahrotu eða innkomu í trollið, sem mynd á mælitækjum? Svar óskast.

Darraðardans við hafís á Halanum

Athugasemdir

[Jón Steinar Ragnarsson, 7.12.2013 kl. 14:31]

Voru menn kannski sjóveikir?

[Jóhannes Laxdal Baldvinsson, 7.12.2013 kl. 14:51]

Ekki við ísröndina.  Þar er alltaf sléttur sjór....

[Ellismellur (IP-tala skráð) 7.12.2013 kl. 15:00]

Það hefur alltaf verið merkingarmunur á orðum milli landshluta og svo er enn. Spýja getur táknað ýmislegt, myndlíkingin milli snjóflóðaspýju og þess þegar einhver kastar upp - spýr - er augljós. En sumstaðar er talað um t.d. norðvestan spýju og það er þá veður, á togurunum er oft talað um ísspýjur þegar ístungur rekur skyndilega í veg fyrir skipið og fleira mætti tína til.

[Jóhannes Laxdal Baldvinsson, 7.12.2013 kl. 15:27]

Ellismellur, ég man ekki eftir að hafa heyrt talað um ísspýjur.  Var ég þó 30 ár til sjós, þar af 14 ár fyrir vestan.  En það er þessi sérstaka merking sem skipstjórinn á Baldvini Njálssyni notaði, sem mig langar að vita hver er.