Mikael Torfason rassskellir Gísla litla og Pál í beinni

Kveikti óvart á sjónvarpinu áðan og datt inn á umræður Gísla Marteins við gesti sína, þá Mikael Torfason, Ásdísi Höllu og Katrínu Júlíusdóttur.  Og það var verið að tala um RÚV.  Messan sem Mikael fékk að flytja var mögnuð.  Og kjarninn í henni var hárréttur.  Það eru yfirmenn RÚV sem eru að eyðileggja þetta fyrirtæki af því þeir skilja ekki hlutverk ríkismiðilsins.  Páll og dagskrárstjórinn koma báðir af Stöð 2 og þeir halda að þeirra hlutverk sé að vera í samkeppni við einkastöðvar og helzt drepa af sér alla samkeppni. Það hefur verið gegnumgangandi stefna í öllum ákvörðunum Páls, að svara samkeppni og koma með mótleiki.  Samanber sýningar á fréttum og frétta magasíninu Kastljós.  Og eins og Mikael benti á , tímasetningin á þætti Gísla Marteins er greinilega beint gegn Þætti Sigurjóns Egilssonar á Bylgjunni  og öll munum við eftir yfirboðum íþróttadeildar sjónvarpsins í sýningar frá íþróttakappleikjum, hvort heldur talað er um enska boltann, handbolta eða Ólympíuleika.  Allt til að skaða samkeppnisaðilann og aldrei hefur hvarflað að þessum mönnum sem stjórna á RÚV að þeir séu í þjónustuhlutverki.  Nei þeir eru í samkeppni.  Og það var ömurlegt að hlusta á innlegg Katrínar Júl.  Þessi manneskja skilur ekki nútímafjölmiðlun.  Hún heldur að gagnrýnin á RÚV sé árás á fólkið sem vinnur dagskrána.  Auðvitað er það ekki svo.  Við erum bara mörg sem segjum að RÚV er illa rekið og það eigi að skipta út yfirstjórn RÚV því við eigum að geta rekið mikla betra útvarp og sjónvarp fyrir miklu minna fé.  5 milljarðar eru sóun á almannafé.  Það er kjarninn í gagnrýninni.  Og það á að veita fé til styrktar innlendri dagskrá og láta einkaaðila framleiða.  Glórulaust að láta stofnunina sjálfráða um að eyða peningunum.  Fáum það upp á borðið hver kostnaðurinn við dagskrárgerð er, annars vegar þættirnir Landinn og hins vegar samsvarandi þættir á N4.  Einnig þarf að fá upp á borðið hvað Gísli Marteinn kostar miðað við samsvarandi þætti á ÍNN. Og þá mun koma í ljós hvernig RÚV bruðlar með almannafé.

Þegar þessi umræða var á enda þá setti ég á mute og kveikti á Sprengisandi.  Og hver haldið þið að hafi verið í viðtali við Sigurjón...nema Páll Magnússon.  Þetta er munurinn á einkamiðli og ríkismiðlinum.  Einkamiðlarnir veita hlustendum þjónustu og viðra flest sjónarmið meðan ríkismiðillinn beitir þöggun og svarar aldrei málefnalegri gagnrýni af því þeir eru bakkaðir upp af stjórnmálaelítunni á vinstri vængnum [Katrínu Júl] sem telur sig eiga ríkisútvarpið með manni og mús.  Framganga Mikaels kom Gísla á ávart og maður sá hvað hann óskaði þess að hann hefði aldrei boðið honum í þetta kaffispjall.

Athugasemdir

[Erlingur Alfreð Jónsson, 8.12.2013 kl. 13:28]

Sá ekki þátt Gísla Marteins, horfi yfirleitt ekki á hann því mér finnst hann leiðinlegur sjónvarpsmaður. Sá hins vegar sömu ummæli höfð eftir Mikael á netmiðlum í gær og tók undir þau í fyrstu.

En RÚV fær bara ekki 5 milljarða af almannafé, það fær 3. 2 milljarðar fást með auglýsingum og kostunartekjum. Held að RUV hafi ekki keppt mikið um í þróttakappleiki á síðustu árum nema íslenskir íþróttamenn eigi í hlut, þ.e. landslið, sem að mínu mati er rétt. HM2010 var sýnt í samstarfi við Stöð 2.

Dagskrá RÚV hefur verið umtalsefni frá því ég man eftir mér, yfirleitt í neikvæðum tón.

En þú segir að hægt sé að gera betur fyrir miklu minna fé og RÚV eigi að sinna þjónusuthutverki eingöngu. Má ég þá spyrja: Hvaða þjónustu viltu annars sjá á RÚV? Hvað viltu láta gera betur?

[Jóhannes Laxdal Baldvinsson, 8.12.2013 kl. 13:58]

Erlingur, mér hefur alltaf fundist eitt gundvallarhlutverk RÚV að tengja saman landbyggðirnar. Gjáin á milli höfuðborgarsvæðisins og hinna landshlutanna er ekki síst svona áberandi vegna þess að RÚV brást þessu hlutverki sínu. Af hverju var hætt með þáttinn auðlindina?  Og ef við fengjum að skoða innviði RÚV þá held ég að við sæjum merki um mikið óhóf, bruðl og nepotisma. Hvað er allt þetta fólk að gera á launum?  Af hverju þarf 30 manna lið til að framleiða ómerkilegan spjallþátt sem ætti betur heima í útvarpi en sjónvarpi.  Af hverju er verið með fjölmenna auglýsingadeild og tæknideild á sama tíma og dagskrárgerðafólkinu sem býr til dagskráne er ýtt til hliðar? 300 milljón króna útsendingarbíll!  Til hvers?  Allt umstangið kringum íþróttadeild RÚV.  Og það sem þeir kalla innlenda dagskrárgerð væri ANNARS STAÐAR FLOKKAÐ SEM LÉLEGT UPPFYLLINGAREFNI.  360° Spjallþættirnir á mánudögum, allir matreiðsluþættirnir, Andra ruglið og svo mætti lengi telja.

Auðvitað á metnaður sjónvarpshlutans að felast í vönduðu fræðsluefni í bland við létta afþreyingu aðra en bandaríska. Ekki að leggja 60% dagskrár undir íþróttatengt efni.  Og ég vil miklu meiri endurflutning. Bæði sjónvarps og útvarps.  Það er óþarfi að sjónvarpa dagskrá Rásar 2 á nóttunni til dæmis.  Og ég heyrði að búið er að ráða Guðna Má á dagvakt Rásar 2.  Hann var sem sagt rekinn af næturvaktinni og ráðinn á dagvaktina...Það er verið að hafa okkur að fíflum Erlingur.

[Jóhannes Laxdal Baldvinsson, 8.12.2013 kl. 14:28]

Og þessi menningarumfjöllun RÚV er léleg. Með fullri virðingu fyrir Agli Helgasyni og þeim sem standa að  Djöflaeyjunni þá er hægt að gera svo miklu betur.  1 klst á viku er bara sýndarmennska. En þáttur 2 apakatta, 360°  fær 30 mínútna rými!!.  Og hvar er umfjöllunin um menningararfinn?  Ef menn eru ánægðir með þátt eins og Orðbragð þá skilja menn ekki hvað hægt er að gera í sjónrænum miðli.

[Jóhannes Laxdal Baldvinsson, 8.12.2013 kl. 14:52]

Og svo ég svari sjálfur spurningu minni um, hvar ríkisútvarpið brást, þá var það þegar þeir tóku að sér að tala fyrir kvótakerfinu gegn hagsmunum sjávarbyggðanna. Þeirra eiginn starfsmaður Páll Benediktsson, gerðist málaliði LÍÚ til þess eingöngu að berja niður alla gagnrýna umfjöllun um þessa áherzlubreytingu í sjávarútvegsstefnu stjórnvalda í umboði LÍÚ.  Á sama tíma var slegin skjaldborg um fiskiráðgjöf Hafrannsóknarstofnunar og engin gagnrýni leifð þar innanhúss á þessi gervivísindi sem fiskateljararnir boða.  Þarna brást RÚV hlutverki sínu freklega svo það eru skýringar á áratuga óánægju með framgöngu RÚV.  Menn gleyma bara að setja hlutina í rétt samhengi.

[Erlingur Alfreð Jónsson, 8.12.2013 kl. 15:24]

Kostnaður vegna útsendingarbílsins kom mér á óvart þegar hann var birtur, en þó ber að hafa í huga að tæknibúnaður til sjónvarpsútsendinga er mjög dýr, sérstaklega ef styðja á upptökur frá mörgum vélum samtímis og í háskerpugæðum. Gamli bíllinn var kominn nokkuð til ára sinna og hinn nýji er fjárfesting til framtíðar. Að gera vandað efni krefst búnaðar og starfsfólks með kunnáttu.

Ef RUV fer af auglýsingamarkaði lækka tekjur þess um ca. 2 milljarða, sem mun klárlega hafa áhrif á efnisframboð og framleiðslu.

Íþróttir eru einfaldlega mikilvægur þáttur í lífi fjölda landsmanna sem tekur þátt með beinum eða óbeinum hætti og ekkert skrýtið að þær hafi verið fyrirferðarmiklar. En mér finnst ekkert gaman að horfa á íþróttaefni langt fram eftir kvöldum, og sérstaklega ekki um helgar. Hefði viljað sjá sérstaka íþróttarás sem send væri út á netinu, en þá verður að hafa í huga að ekki hafa allir landsmenn aðgang að háhraðaneti. En nú verður væntanlega breyting á magni íþróttaefnis enda búið að skófla út af íþróttadeildinni.

Tek fram að ég er ekki að verja RUV sérstaklega og hlusta svo sem ekki reglulega á það sem þar er í boði, því miður. Þar er þó margt áhugavert sem maður hefði átt að fylgjast með. Vildi bara sjá hvar þú vilt láta gera betur.

[Jóhannes Laxdal Baldvinsson, 8.12.2013 kl. 15:48]

Takk fyrir þetta Erlingur.  Það hversu menn deila á dagskrána sýnir bara að fólk vill vera sínir eigin dagskrárstjórar í miklu meira mæli en boðið er upp á.  Miðlar verða bara að breytast í takt við tækni og áhorfsbreytingar.  Mælingar segja ekkert.  Þótt ég vilji ekki setjast niður og horfa á fréttir klukkan 19:00, þá er ekki hægt að segja að ég vilji ekki horfa á fréttir.  Í viðtali á Sprengisandi var Páll að slá um sig með svona tölum en gerir sér enga grein fyrir að tölurnar segja bara til um hvernig fólk forgangsraðar tíma sínum en ekkert um gæði dagskrárinnar.  noti Rás 1, 30 prósent hlusti á Rás 2 og restin á RÚV.

Páll segir að fólk verði að hafa í huga að 85 prósent af notkun RÚV sé annars staðar en á Rás 1. Aðeins 15 prósent noti Rás 1, 30 prósent hlusti á Rás 2 og restin á RÚV.

Þetta gefur honum enga heimild til að minnka dagskrárgerð á RÁS 1. Hins vegar ber að hætta rekstri Rásar 2. Rás 2 er ekkert nema valdatæki eins manns. Það er einn maður sem ræður lagavali þjóðarinnar.  Það er ekki í lagi. ÓLi Palli Kóngur er skelfir íslenzkra tónlistarmanna en ekki verndari.  Ef Rás 2 hætti myndu allir hinir slást um þann hlustendamarkað.  Það gefut auga leið.

[Sindri Karl Sigurðsson, 8.12.2013 kl. 17:45]

Það hefði verið gáfulegt að leggja niður / selja / úthýsa Rás 2 á 30 ára afmælinu. Ekki get ég ímyndað mér að það hafi verið spennandi að ganga í þá hreingerningu, enda var og er raunin að hún var látin eftir óhreyfð, í bili amk.

Hef aldrei skilið á hvaða forsendum menn þykjast vera að reka Rás 2. Hið opinbera í bullandi samkeppni við einkageirann, án þess að geta fært fyrir því nokkur rök. Ekki er hægt að bera fyrir sig þörf á miðlun upplýsinga til almennings, svo mikið er víst.

Ég var algerlega sammála Mikael, datt akkúrat í ræðuna hans því ég nennti ekki að skaprauna sjálfum mér við að hlusta á Fógetan frá Notthingam á Sprengisandi.