Sjálfshjálparhópur Alþingismanna

Ekki er hægt að túlka ræðu Óttars öðruvísi en ákall til samþingsmanna um að fara að haga sér almennilega.  Ef vinnumórallinn á Alþingi er svona slæmur þá er það alvarlegt.  Hingað til hefur því verið haldið fram að ágreiningurinn sem kemur fram í þingsal sé að mestu látalæti og uppgerð.  En kannski er bara meira núna um þingmenn með persónuleikaraskanir en áður.  Þeir þurfa náttúrulega á sínum sjálfshjálparhópi að halda.  Það er ekki hægt að leggja á samþingmenn að verða vitni að grátköstum eins og þeim sem berast úr þingflokksherbergi Framsóknarmanna.   Vonandi bjóða Óttar og Þórunn, Elsu Láru að vera með

Minntu á hóp jákvæðra

Athugasemdir

[Ásmundur (IP-tala skráð) 12.12.2013 kl. 14:50]

Það er verið að reyna að draga athyglina frá skuldalækkunartillögunum sem, þegar grannt er skoðað, eru algjörlega óboðlegar.

Fyrstu viðbrögð við tillögunum voru fremur jákvæð. Nánari skoðun leiðir hins vegar í ljós að þeir sem þurfa aðstoð fá hana í flestum tilvikum ekki, en þeir sem hafa enga þörf fyrir skuldalækkun og hafa ekki búist við henni fá allt að fjögurra milljóna lækkun.

Þetta er sóun á almannafé enda mun hver króna af þessari lækkun lenda á skattgreiðendum. Í því sambandi skiptir ekki máli hvort eða hve mikið innheimtist í skatt af fjármálafyrirtækjum eða hve mikið krónueignir kröfuhafa lækka.

Þetta eru tekjur ríkisins sem væri sjálfsagt að innheimta óháð skuldaleiðréttingunni. Ekki veitir af auknum tekjum ríkisins til að greiða niður skuldir þess, efla heilbrigðis- og menntakerfið og standa vörð um vísindi og menningu.

Það er auðvitað algjörlega galið að lækka um milljónir skuldir allra þeirra sem tóku lán fyrir 2005 og hafa því ekki orðið fyrir neinum "forsendubresti". Eiga þeir að hagnast á hruninu meðan aðrir tapa?

Stór hluti skuldara eru í þessum hópi. Það stendur því til að sóa tugum milljarða á kostnað skattgreiðenda við mjög erfiðar fjárhagslegar aðstæður. Látum við þetta yfir okkur ganga?

Skuldaleiðréttingaraðgerðirnar eru tilfærsla á fé frá hinum verst settu til hinna best settu. 

[Jóhannes Laxdal Baldvinsson, 12.12.2013 kl. 15:07]

stutta svarið við löngu spurningunni er já

[Jóhannes Laxdal Baldvinsson, 12.12.2013 kl. 15:09]

Og plís, ekki nota bloggið mitt til að fá útrás.  Eg svara ekki fyrir skuldaniðurlækkanir ríkisstjórnarinnar.