Nornaveiðar feminista og fórnarlömbin

Ég er hugsi yfir því óréttlæti sem Ragnar Þór Pétursson, kennari, hefur verið beittur af yfirvöldum og embættismönnum Reykjavíkurborgar.  Af engu tilefni öðru en vera skotspónn þeirrar bylgju feminískrar rétthugsunar sem birtist fyrst í nornaveiðum Hildar Lilliendahl og hennar fylgismanna á fésbók. Það markar upphafið tel ég.  Þá var byrjað í fullri alvöru að tala um öfuga sannanabyrði í kynferðisbrotamálum og skotleyfi gefið á alla sem dirfðust að vera á öðru máli. Ragnar Þór Pétursson er fórnarlamb þessarar herferðar.

En það er ekki hægt að afgreiða viðbrögð embættismanna Reykjavíkurborgar með þessari skýringu.  Embættismenn eiga að vera faglegir og ekki láta öfgafólk hafa áhrif á embættisfærsluna.  Eða þannig ætti það að vera.  Nema hjá Reykjavíkurborg.  Þar er búið að innleiða kvenhyggju í anda hinnar nýju kynjafræði sem á upptök sín í Háskólanum og hefur breiðst út í lægri skólastig eins og arfi í kartöflugarði.  Kveður svo rammt að heilaþvottinum, að fólk sem aðhyllist þessa tegund feminisma talar sitt eigið frasamál og fer eftir sínum eigin reglum þegar kemur að því að refsa karlrembum og sóðakörlum.  Þá gildir ekki réttarreglan að allir skuli saklausir uns sekt er sönnuð.  Nei þá gildir að allir eru sekir sem ekki geta sannað sakleysi sitt.  Það er til skammar að Reykjavíkurborg skuli styðja svona viðhorf og beinlínis verðlauna þau eins og reynslan  sýnir.  Í vor verða Reykvíkingar að kjósa fólk sem þorir að breyta þessu.

Við getum ekki sætt okkur við að öfgafeministar fari með völd í okkar umboði.

Athugasemdir

[Guðmundur Pálsson, 18.12.2013 kl. 14:40]

Ég tek undir með þér Jóhannes. En ef fólk er sammála þér ( og þeir eru margir held ég) gæti svo farið að karlmenn verði í meirihluta á listum. Menn þurfa að skilja að það er nákvæmlega ekkert að því. Kjósendur ráða einfaldlega.

Það er drjúgur hluti kvenna í framboði í öllum flokkum sem hefur feminismann sem aðal-agenda. Þær gæta sín að tala ekki í anda feminisma í kosnsingabaráttunni en þegar þessar kvinnur eru komnar í valdastöður er það feminisminn sem tekur yfir. Og markvisst unnið: Gegn karlmönnum, gegn fjölskyldunni, gegn traustum gildum, hampa pólitískum rétttrúnaði, þær beyta sér jafnvel fyrir því að starfsmenn vinni gegn strákum til að hampa stúlkum. Og öllum á víst að finnst þetta eðlilegt. Í kosningaklefanum verða menn að muna að þessar konur afhjúpast ekki fyrr en þær eru komnar að kötlunum.

[Jóhannes Laxdal Baldvinsson, 18.12.2013 kl. 14:51]

Sumt af þessum öfgafeministum hefur nú líka typpi Guðmundur.  Það er þessi hugmyndafræði sem er hættuleg. Kynjafræði á tvímælalaust að leggja af sem námsgrein í Háskólanum. Þetta er bara hluti af félagsvísindum og á alls ekki skilið þann sess sem hún hefir í dag.  Við eigum að leggja áherzlu á jafnan rétt og jöfn tækifæri.  Það er eina jafnréttið sem þarf.  Við þurfum ekki kynjakvóta og forræðishyggju

[Axel Jóhann Hallgrímsson, 18.12.2013 kl. 15:13]

Ég tek heilshugar undir þetta með þér Jóhannes.

Hér er slóðin á mína bloggfærslu um mál kennarans: 

 http://skagstrendingur.blog.is/blog/skagstrendingur/entry/1338244/

[Elín Sigurðardóttir (IP-tala skráð) 18.12.2013 kl. 17:41]

Femínistar fjarlægðu ekki skilti kaupmanna. Þessi forræðishyggja kemur frá foringjanum - ekki henni Reykjavík.

http://www.mbl.is/frettir/innlent/2013/11/06/borgin_fjarlaegdi_skilti_kaupmanna/

[Jóhannes Laxdal Baldvinsson, 18.12.2013 kl. 18:40]

 Takk fyrir það Axel

Elín, Er ekki foringinn feministi?

[Elín Sigurðardóttir (IP-tala skráð) 18.12.2013 kl. 22:27]

Árásin á kaupmenn var sem sagt feminísk aðgerð að þínu mati?