Sigurður Ingi klúðraði makrílsamningum

Samkvæmt norskum miðlum þá hafa Evrópusambandið, Norðmenn og Danir/Færeyingar náð gagnkvæmum fiskveiðisamningum í Norðursjó og Skagerak. Samningurinn er til 5 ára og hlutfallsleg skipting makrílkvótans mun haldast hin sama yfir samningstímann.  Löndin hafa ákveðið heildarkvóta í makríl fyrir 2014 upp á 1088 þúsund tonn sem skiptist þannig:

Noregur  .....................  279.000 tonn
Evrópusambandið ........  611.000 tonn
Færeyjar  ....................  156.000 tonn
óráðstafað  .................    42.000 tonn

Ljóst er að Norðmenn hafa gefið mest eftir svo Sigurður Ingi skuldar okkur skýringu á því sem hann gaf sem ástæðu samningsslita fyrir stuttu. Og íslendingar eru ekki í góðum málum.  Við getum varla sett okkur kvóta einhliða í ljósi þess að allir hinir hafa náð samningum.  Ef engir samningar hefðu náðst þá væri ekkert því til fyrirstöðu að ríkin settu sér einhliða kvóta en það skilyrði er ekki lengur fyrir hendi og gagnaðilarnir hafa öll ráð okkar í hendi sér vegna viðskiptahagsmuna sem við munum beygja okkur fyrir.

Sést hér enn og aftur hversu hættulegt er þegar bjánar komast til valda í lýðræðisríki.

Athugasemdir

[Jóhannes Laxdal Baldvinsson, 12.3.2014 kl. 20:04]

Það skyldi þó ekki vera að fyrirhugaðar veiðar íslenzkra útgerða úr kvóta Grænlendinga hafi ráðið mestu um þetta skyndilega útspil Norðmanna svo og slakur árangur af loðnuveiðum hér í vetur?  Menn sáu að Íslendingar ætluðu sér fjórðung alls kvótans ef Grænlenski kvótinn er talinn með og það voru menn ekki tilbúnir að horfa aðgerðalaust uppá.   Hvort sem okkur líkar beur eða verr þá eru tímar einhliða kvóta liðnir.  Við þurfum líka að taka tillit til umhverfisverndarsamtaka því það er ekki nóg að veiða .  Það þarf líka að selja.  En kannski Rússar bjargi okkur aftur og við seljum þeim makríl í skiptum fyrir olíu.  Þá kemur sér vel að forseti vor hefur ræktað tengslin í austurvegi.

[Jón Valur Jensson, 12.3.2014 kl. 23:48]

Sóryrtur ertu um sjávarútvegsráðherrann og alveg að ástæðulausu, en ert kannski enn einu sinni að gera að gamni þínu,

Okkur kemur Skagerak og Norðursjór nánast ekkert við, og þeim koma Íslandsmið ekkert við.

[Jón Valur Jensson, 12.3.2014 kl. 23:49]

STÓRyrtur !

[Jóhannes Laxdal Baldvinsson, 13.3.2014 kl. 08:34]

Jón Valur, Þetta er STÓRmál og varðar gífurlega hagsmuni.  Þess vegna skiptir máli hvernig á er haldið.

[Jóhannes Laxdal Baldvinsson, 13.3.2014 kl. 13:53]

Og hver nákvæmlega eru stóryrðin?  Yfirleitt passa ég mig á að segja ekki það sem ég hugsa.  Og er minnisstætt þegar ég í vísnaskaki við Ólínu Þorvarðardóttur, orti þessa vísu:

Fyndist mér þú froðusnakkur
frekjuskass og lýðskrumari
umræðunni enginn akkur
yrði ger með mínu svari

Eftir þessu reyni ég að fara í pistlum mínum.

[Elín Sigurðardóttir (IP-tala skráð) 13.3.2014 kl. 14:12]

http://www.ruv.is/frett/styrkir-stodu-islands-a-althjodavettvangi