Gunnar og reifur

Saga Gunnars Braga í embætti utanríkisráðherra er samfellt aðhlátursefni.  Það vantar ekki kokhreystina, orðavaðalinn og mannalætin hér heima og í fésbókarfærslum ráðherrans en þegar kemur að samskiptum við kollega á erlendri grundu þá er Ísland sniðgengið á pínlegasta hátt.  Enda kann ekki sveitamaðurinn reglurnar sem gilda í diplomacíunni.

Hvernig er það með þennan ráðherrakapal?  Er virkilega enginn hæfur Framsóknarmaður í þetta mikilvæga embætti? Verður það þrautaráðið að Bjarni taki við Forsætisráðuneytinu og Sigmundur Davíð verði Utanríkisráðherra?  Mótmælin og óróinn er ekki bara vegna ESB deilunnar.  Heldur líka vegna óánægju með framgöngu hinna mörgu "fagráðherra".  Ekki sízt Gunnars Braga.  Hann er óhæfur ráðherra vegna þröngsýnna skoðana og almenns bjánaháttar í mannlegum samskiptum.  Sendum hann aftur til Þórólfs kaupfélagsstjóra.  Kannski er hægt að nota hann á skrifstofu KS.

 

Athugasemdir

[Jón Steinar Ragnarsson, 15.3.2014 kl. 20:20]

Þú ert bara farinn að hlóma eins og Ómar Bjarki, sveimérþáalladaga...

[Jóhannes Laxdal Baldvinsson, 15.3.2014 kl. 20:52]

Jón þú ert búinn að búa of lengi á Siglufirði.  Orðinn samdauna afdalamennskunni

[Jón Steinar Ragnarsson, 16.3.2014 kl. 06:45]

Siglufjörður er meira cosmopolitan en hlandforin í 101 allavega.

[Jón Steinar Ragnarsson, 16.3.2014 kl. 06:47]

Talandi um afdali, þá býr Ómar Bjarki á útnára útmeð Seyðisfirði einn og einangraður í þokunni. Það er ekki leiðum fyrir þig að likjast þar. ;)

[Jóhannes Laxdal Baldvinsson, 16.3.2014 kl. 09:35]

Talandi um þoku, þá hef ég sjaldan lent í blindari þoku en einmitt á Siglufirði. Var á sumarloðnu og við urðum að sigla eftir plotter ferli alveg inn að bryggju.