Er búið að útiloka fjárdrátt?

RÚV er búið að eyða sem svarar 40 þúsund milljónum síðastliðin 8 ár. Þetta samsvarar 5 þúsund milljónum  á ári, 600 milljónum á mánuði og 20 milljónum á dag. 

Er bókhaldið 100% rétt?  Ég minni á að þar sem uppvíst hefur verið um fjárdrátt var alltaf talið óhugsandi að slíkt gæti átt sér stað.  En dæmin sanna að þetta viðgekkst miklu víðar en okkur gat órað fyrir. Landsíminn, Sendiráðið og núna nýjast VMA. Samt var veltan margfalt minni og því áhættan eða freistingin miklu meiri.

En almenningur fær aldrei að skoða bókhald ríkisfyrirtækja. Almenningur á bara að treysta KPMG og Deloitte..og borga. Líka fjárdráttinn samanber Landsímann, meðan fyrrverandi forstjórar lifa í makindum á verðtryggðum lífeyri.

Það þarf að gera hreint hjá RÚV.  Opna bókhaldið algerlega.  Líka sjóðsbókina áratug aftur í tímann. Og kortleggja upp á krónu hvernig útgreiðslum var háttað. Eða setja félagið í þrot. Með gjaldþroti RÚV færi fram svipuð rannsókn á bókhaldinu.

 

Athugasemdir

[Elín Sigurðardóttir (IP-tala skráð) 4.12.2014 kl. 14:36]

Þú segir nokkuð!