Ungliði tekinn í nefið

Mikið er nú alltaf hressandi að hlusta á Kára Stefánsson tala fyrir hugðarefnum sínum. Því það er reginmunur á að tala fyrir eigin sannfæringu eða vera talsmaður þröngra hagsmuna án þess að hafa sannfæringu fyrir málefninu.  Því það fannst mér einkenna málflutning ungliðans. Hjá hanni helgaði tilgangurinn meðalið og skipti engu hvort meiri hagsmunum væri fórnað fyrir minni.  Enda eru rök þeirra sem vilja áfengi í verslanir Haga og Krónunnar ekki rök þeirra sem vilja frelsi í viðskiptum. Ef hér væri virkileg samkeppni á öllum sviðum þá væri lítill ríkisrekstur. Enda eru engar líkur á að sala á áfengi skili sér í lægra verði þótt salan færðist til Haga. Ef meðgjöfin hjá Vínbúðunum er í dag 2 ma þá er það til marks um að Vínbúðirnar hafi farið of geist í markaðssetningu á sínum vörum og því ber að draga úr þeirri markaðssetningu með fækkun búða minnkuðu vöruúrvali og minnkuðum birgðakostnaði. Því það er nákvæmlega það sem mun gerast ef brennivínsfrumvarpið verður samþykkt. En gróðinn af einkaleyfunum sem útvaldir fá að selja í Hagkaupum og Bónus mun margfaldast vegna minna vöruúrvals.

Vonandi að fleiri átti sig á plottinu og láti ekki hafa sig útí það pólitíska harakiri að mæla með afnámi einnar tegundar einokunar til að efla aðra tegund einokunar.

Hlustum á lýðheilsurökin frá manni sem hefur engra sérhagsmuna að gæta um leið og við sendum skýr skilaboð til ungliða í öllum flokkum að velja sér vandlega verðug baráttumál.  Baráttumál sem landi og lýð gagnast í raun.  Á einokunarmarkaði eru ríkisafskipti ekki aðeins eðlileg heldur nauðsynlegt mótvægi til að tryggja hag neytenda að því marki sem hægt er þegar yfirvöld eru jafn spillt og hér á Íslandi.

Ekki spurning um frelsi eða ríkisrekstur

Athugasemdir

[Elín Sigurðardóttir (IP-tala skráð) 18.1.2016 kl. 22:19]

Þetta var fínn þáttur, hún kom vel fyrir og var rökföst.  Það er sérkennilegt hvað Kári hefur miklar áhyggjur af áfengisneyslu ungs fólks þegar það er læknadópið sem er í rauninni mesta vandamálið :)   

http://eyjan.pressan.is/frettir/2016/01/10/forsetaframbjodandi-kennir-mexikoum-um-fikniefnanotkun-dottur-sinnar/

[Jóhannes Laxdal Baldvinsson, 18.1.2016 kl. 22:46]

Þú þarft að frelsa hugann Elín   Ég fór í 5 mánaða fjölmiðla og bloggbindindi á síðasta ári og það verkaði eins og hið öflugasta detox á hugann.

[jon (IP-tala skráð) 19.1.2016 kl. 08:26]

jamm, þetta mál hefur verið eins og ónýta þakrennan hjá Sjálfstæðisflokknum í áraraðir..aldrei tekið fyrir en sífelldur þrýstingur á að gera það.



 Svo þegar koma ungir inn, þá er þessu auðvitað hent í þá, og þar með geta forystumenn flokksins og þingflokkurinn sagt hagsmunaaðilum að það sé verið að vinna málinu til að losna við kvabbið í bili..

Þetta verður aldrei samþykkt, og þingflokkurinn veit það vel. Meira að segja Vilhjálmur. 

[Elín Sigurðardóttir (IP-tala skráð) 19.1.2016 kl. 08:48]

Það er rétt Jón.  Það er hins vegar ágætt að fá þetta reglulega fram því að þá sér maður hvort eitthvað sé að marka aðra hjá öðrum framboðum.  T.d. er sérkennilegt að sjá þingmenn Pírata og Samfylkingu styðja einokun og forræðishyggju en það kemur svo sem ekki á óvart.  Þeir leynast víða framsóknarmennirnir :)