Heimsmeistaramótið í bridge

Nú stendur yfir 41. keppnin um Bermudaskálina á Bali.  Staða efstu liða er þessi:

	Team	VPs
1	ITALY	212.47
2	USA1	201.26
3	MONACO	195.73
4	NETHERLANDS	191.11
5	JAPAN	187.94
6	POLAND	186.74
7	GERMANY	172.65
8	CHINA	167.97
9	ENGLAND	164.11
10	CANADA	163.81
11	ARGENTINA	146.97
12	INDONESIA	146.01
13	USA2	145.91
14	BRAZIL	128.42
15	GUADELOUPE	122.52
16	SOUTH AFRICA	119.75
17	NEW ZEALAND	119.25
18	AUSTRALIA	113.97
19	INDIA	109.56
20	CHINESE TAIPE	107.78

Lengi að fatta

Ég benti á fyrir viku síðan að herferðin til varnar flugvellinum væri sennilega uppblásið kosningamál Sjálfstæðismanna í komandi borgarstjórnarkosningum. Síðan hefur ýmislegt komið fram sem styður þá kenningu og fleiri og fleiri eru að komast á þessa skoðun.

Ég spáði því líka að innanlandsflug Flugfélags Íslands myndi verða flutt til Keflavíkur í fullri sátt allra Íslendinga enda augljóslega hagkvæmast fyrir landsbyggðina.

En það er lærdómsríkt að hafa orðið vitni að móðursýkinni sem birtist í orðum margra sem tjáðu sig af engri þekkingu en þeim meiri tilfinningum um þetta ómerkilega mál. Fyrir það fyrsta var alltaf staglast á þeirri blekkingu að verið væri að færa flugvöllinn og þá upphófst gamla þrasið um mismunandi staðsetningu þegar ekkert slíkt er til umræðu hjá núverandi borgarstjórn.  Það er eingöngu tillaga um að loka norður-suður flugbrautinni samkvæmt samkomulagi við þáverandi samgönguyfirvöld og samkvæmt skipulagstillögum sem unnið hefur verið eftir í næstum 10 ár.  Og svo var blandað inn í umræðubullið sjúkraflugi og mikilvægi Reykjavíkurflugvallar sem varaflugvallar fyrir Keflavík!  Hvenær hefur Reykjavíkurvöllur verið nýttur sem varavöllur?  Svarið er aldrei! Enda hentar hann ekki m.t.t. öryggis. Hins vegar hafa bæði Akureyrarflugvöllur og Egilsstaðavöllur verið nýttir sem varavellir og munu verða það áfram óháð því hvort norður-suður brautinni í Vatnsmýri verður lokað.  Svo er það bullið um sjúkraflugið. Það vill svo til að miðstöð sjúkraflugs er á Akureyri en ekki í Reykjavík. Og þótt í Reykjavík verði bara ein flugbraut til langframa þá er það bara það sem tíðkast annars staðar. Og þótt innanlandsflug Flugfélags íslands flytji til Keflavíkur þá eru fleiri flugfélög sem stunda áætlunarflug og hafa höfuðstöðvar á Reykjavíkurvelli.  Þau munu ekki verða í vandræðumj með að aðlaga sig að einni flugbraut enda eru suð-vestan og suð-austan áttir ríkjandi vindáttir hér og lokun norður-suður brautar því ekki meiriháttar röskun á flugi. Enda held ég að lokanir flugvalla úti á landi ráði mestu um flugið.  Ekki lokanir vallarins í Vatnsmýri.

Þetta allt ættu menn að athuga nú í aðdraganda uppröðunar á lista Sjálfstæðisflokksins í Reykjavík.  Vilja stuðningsmenn listans sjá sama þreytta liðið þar áfram?  Vilja menn hafa fólkið sem er ábyrgt fyrir vanda Orkuveitunnar áfram við stjórn borgarinnar?  Sama fólkið og gerði helmingaskiptasamning við eins manns borgarstjórnarflokk Framsóknar?  Vilja menn að eiginkona auðjöfurs ráði mikilvægum ákvörðunum varðandi smásöluverslun í Reykjavik?  Vilja menn að dóttir stjórnarformanns í banka og fyrrum ráðherra og forstjóra Landsvirkjunar komist til valda í skjóli frændhygli?

Þessum spurningum þurfa nú Sjálfstæðismenn sem velja á lista sinn á næstu vikum að  svara.  Því til að ná völdum þarf að bera fram nýjan lista með nýjum áherslum. Ekki sama gamla þreytta liðið sem hefur engar lausnir og ekkert nýtt fram að færa.  Reykvíkingar munu ekki láta flugvallarmálið glepja sér sín þegar í kjörklefann kemur. Þeir munu fatta á endanum að eigendafélag Sjálfstæðisflokksins er að blekkja í þeim eina tilgangi að ná völdum.  Sama á við um lista Samfylkingar, þar þarf að verða endurnýjun.  Þetta fólk er allt samsekt í vondri fjármálastjórn borgarinnar.  

Flokkur sem leggur áherslu á meiri sjálfstjórn hinna mörgu og ólíku hverfa mun án efa fá mikið fylgi. Ef það verður bezti flokkurinn þá er það í góðu lagi.  Nú ættu þeir að vita hvernig stjórntæki borgarinnar virka og eru betur í stakk búin að leiða nauðsynlegar breytingar.

en þegir væntanlega í þingveizlum

Einar Kristinn er þjálfaður ræðumaður en á erfitt með að finna kjarna málsins. Hagyrðingar aftur á móti kunna þá list. Þessvegna eru gerðar kröfur um að ræðuhöld í þingveizlum fari aðeins fram í bundnu máli.  Það er góð venja sem kæmi fyllilega til greina að taka upp í þinginu.  Kæmi örugglega í veg fyrir mikið af óþörfum endurtekningum.

„Forseti á það til að tala í löngu máli“

Já ráðherra

 Ef nefndin um hagræðingu og sparnað gerir ekki tillögur um fækkun allra þessara aðstoðarmanna í þingflokkunum og ráðuneytunum þá er þessi nefnd ekki að að vinna af heilindum.  Mér er alveg sama þótt menn bendi á að kostnaðaraukinn sem lendir á skattgreiðendum vegna þessara heimilda skipti ekki sköpum fyrir afkomu ríkissjóðs. Ég er að tala um prinsipp mál. Og það yrði um táknræna afstöðu nefndarinnar að ræða sem gæfi öðrum tillögum hennar meira vægi.

 Ef störf þingmanna og stjórnmálamanna allra, ráðherra og bæjarstjóra og sveitastjórnamanna eru orðin svo flókin og sérhæfð að þau kalli á 1-2 stöðugildi hvert starf, þá er ekki rétta svarið að fjölga á jötunni. Þá þarf að draga úr umfanginu með minni yfirbyggingu og minni miðstýringu og færa ákvörðunarvaldið til fólksins.

 Ef bóndi hefur takmarkað fóður þá fækkar hann á fóðrum. Hann fjölgar ekki.  Dæmið um bóndann má yfirfæra á margt í okkar litla þjóðfélagi.  Hvort sem er bólgan í opinbera rekstrinum eða heimskan í fiskihagfræðinni. Það skilur örugglega Ásmundur Daði.

Magnús aðstoðar Illuga

Eins gott að makríllinn bregðist ekki

Fyrir það fyrsta þá er það jákvætt fyrir þjóðfélagið að stjórn Granda ræðst í þessar fjárfestingar. Flotinn okkar er orðinn hættulega gamall og því brýnt að endurnýja hann sem fyrst. Eins og segir í fréttinni þá er floti Granda mjög gamall og þótt honum sé vel við haldið þá eru gæðakröfur markaðarins orðnar svo miklar að einungis nýjustu og fullkomnustu skipin standa undir þeim. Helstu samkeppnisþjóðir okkar, Noregur og Færeyjar eiga miklu nýrri og fullkomnari flota heldur en við og því var hætta á að við töpuðum mörkuðum.  Hins vegar er það varla fagnaðarefni fyrir þá sjómenn sem missa vinnuna að þessi ákvörðun skuli tekin. Svo ánægjan er tvíbent.

Enginn vafi er á því að velgengni Granda er tilkomin vegna góðs gangs í uppsjávarveiðum og þess vegna er brýnt að ná samningi um ásættanlegan hlut í uppsjávarstofnunum. Einhvern veginn held ég samt að núverandi ríkisstjórn eigi eftir að klúðra þeim málum.  Því það er ekki nóg að veiða.  Það verður líka að selja og ef makríldeilan harðnar þá er hætta á að markaðir fyrir allar fiskafurðir okkar skaðist.

 

HB Grandi pantar tvö ný skip

Fjármálaráðherra meðábyrgur fyrir landspjöllum

Bjarni Benediktsson gæti beitt sér á mörgum sviðum en gerir ekki.  Samkvæmt hagsmunaskráningu Alþingismanna situr Bjarni Í skipulagsráði Garðabæjar og gæti ef hann vildi mótmælt umhverfisspjöllunum í Gálgahrauni. En sennilega er hann meðmæltur þessum framkvæmdum þótt ríkissjóður sé tómur.  Þetta eru jú vinir og flokksmenn sem stjórna öllu í Garðabæ og hafa gert lengi.

Hraunavinir mótmæltu í Gálgahrauni

Helgar tilgangurinn alltaf meðalið?

Datt inn á sjónvarpsstöðina ÍNN áðan því nafnið á þættinum vakti athygli mína.  Skuggaráðuneytið á sér augljósa tilvísan í breska pólitík en lítið fannst mér fara fyrir ábyrgri stjórnarandstöðu umræðu hjá ungu konunum 3 sem þarna létu móðan mása eins og þeim væri borgað fyrir það. Þarna voru Kata Júl, Kata Jakobs og Heiða Kristín að ræða um ríkisfjármálin frá sínum takmarkaða sjónarhól.  Sérstaka athygli mína vöktu ummæli Kötu Júl, að hún væri alveg tilbúin að samþykkja Hagstofu frumvarpið EF ekki væri vegna þess að upplýsingarnar verða ekki tilbúnar fyrr en í mars á næsta ári!  

Nú spyr ég, Eru engin prinsip í gildi hjá Samfylkingunni?  Finnst varaformanninum allt í lagi að brjóta á mannréttindum til að þjóna mjög svo óljósum markmiðum stjórnvalda til að stunda persónunjósnir?

Ef menn hafa prinsipin í lagi þá þurfa menn aldrei að standa frammi fyrir svona dilemmu. Og þá er líka auðveldara fyrir kjósendur að ganga að því vísu að það sem sagt er standi. Og afhverju var Heiða Kristín að láta draga sig niður í skotgrafirnar?  Var ekki flokkurinn hennar að boða siðvæðingu og nýja umræðuhefð?  Í þessu spjalli ungu kvennanna örlaði ekki á skynsemi.  því miður.  Og alltaf þegar mér finnst ég hafa meira um málefnin að segja en kjörnir AlÞingismenn þá lízt mér ekki á blikuna. Því þetta er fólkið sem á að hafa vit fyrir okkur hinum og þarna voru 2 ungar konur, sem hafa haldið um stjórnvölinn undanfarin 4 ár og bera því ábyrgð á bágri stöðu ríkissjóðs og þeim gífurlega skuldavanda sem þjóðin verður áratugi að vinna sig útúr ef ekki kemur til ný hugsun og nýjar leiðir. Kreppudýpkandi aðgerðir fyrrverandi ríkisstjórnar bættu á vandann og heimskulegar ákvarðanir Steingríms J, juku skuldir ríkissjóðs um milljarðatugi. Sjóvá og Spkef.  Tala nú ekki um Icesave vextina sem honum fannst bara í góðu lagi að skuldbinda ríkissjóð til að greiða fyrir þrotabú glæpabankans.

Nei takk Kata Júl. Þú ert ekki rétta manneskjan til að vera í skuggaráðuneyti.  Og Kata Jakobs, þú ert alveg jafn ábyrg og aulinn Steingrímur J, fyrir þeim efnahags afglöpum sem fyrri ríkisstjórn er sek um.  Þess vegna átt þú ekki heldur að vera í skuggaráðuneyti. Ef einhver ærleg taug væri í ykkur tveim þá ættuð þið að viðurkenna andverðleika ykkar og stíga til hliðar. Við þurfum greinilega á nýju blóði að halda og það kemst ekki að fyrir ykkar líkum. 

Húsnæðisúrbætur

Hvernig stendur á því, að eina sem stjórnmálamönnum og möppudýrum dettur í hug í sambandi við félagslegar úrbætur er að niðurgreiða okur?  Tökum sem dæmi vaxtabætur sem er ekkert nema niðurgreiðsla ríkisins á verðtryggingu og okurvöxtum og nú á að útfæra samskonar niðurgreiðslu á húsaleiguokrinu í formi húsnæðisbóta.  Þetta er rugl.  Hættum alfarið að niðurgreiða okrið og tökum þess í stað upp refsingar í formi sekta ef menn verða uppvísir að okri. Fyrsta skrefið er ný og betri neytendalöggjöf þar sem okur er skilgreint og ákveðin viðurlög sett.

Verðtryggingin er aðeins í gildi vegna þess að ríkið er að niðurgreiða hana í formi vaxtabóta.  Ef aldrei hefði komið til þessarar niðurgreiðslu þá væri löngu búið að afnema verðtryggingu því engum dytti í hug að taka verðtryggð okurlán.

Setjum á laggirnar verðlagsnefnd húsaleigu, sem verði leiðbeinandi um hámarks leiguverð og úrskurðaraðili í kærumálum sem koma til vegna ágreinings leigjenda og leigusala. Það er algerlega útúr korti að leiguverð rekstrarfélaga og leigufélaga taki mið af skuldastöðu þeirra sem reka þessi félög. dæmi um slíkt eru Félagsbústaðir í Reykjavík og rekstrarfélög stúdentaíbúða út um allt land.

Ég held það sé full ástæða til fyrir sveitafélög að endurskoða okrið í lóðamálum. Lóðir eiga ekki að fjármagna allan kostnað sveitarfélaga af byggingum. Með því að bjóða ódýrar lóðir er verið að laða að framtíðarskattgreiðendur en ekki bara húsbyggjendur.

Íslandsstofa verði lögð niður

Fjáraustur ríkisins í markaðsherferðir einkarekinnar ferðaþjónustu er taktlaus á tímum niðurskurðar.  Okkar vandamál eru ekki of fáir ferðamenn heldur þvert á móti vanbúnaður varðandi grundvallaruppbyggingu helstu náttúruperla sem túristar vilja sjá. Og við eigum ekki að fara að auglýsa fleiri faldar náttúruperlur til að troða í svaðið.

Hvernig væri að við skylduðum alla sem selja túristaferðir innanlands til að hafa leiðsögumenn með hverjum hóp sem sjái um að umgengnin sé í lagi og að ekki myndist örtröð á vinsælustu svæðunum. Hættum að hleypa túristum einum útí náttúruna en gerum eins og þeir gera í Nepal.  Þannig verði kannski betur hægt að tryggja ánægju hvers túrista fyrir sig.  Segjum að við byggjum færanlegar þjónustustöðvar við helstu staðina sem eru auglýstir og ferðamenn vilja sjá.  Síðan myndu leiðsögumennirnir þurfa að bóka tíma fyrir sinn hóp og hann fengi úthlutað segjum 30 mínútum til að skoða Gullfoss en að þeim tíma liðnum yrði hann að smala sínu fólki upp í rútuna og rýma fyrir næsta hóp. Þetta yrði svona miðlægt bókunarkerfi.  Og auðvitað yrðu skálaverðir og landverðir hluti af þessu bókunarkerfi. 

Þetta gæti verið ein leið til að stýra betur ágengninni en leysir ekki umsjónarmenn landsins undan þeirri skyldu að tryggja viðunandi aðstöðu.  Viðunandi aðstaða er fyrst og fremst salernisaðstaða og svo upplýsingagjöf. Útsýnisskífur og slíkt.

En í guðanna bænum stoppið fjárausturinn í Hótelhaldarann og vini hans hjá Íslandsstofu 

Viðkvæm svæði ekki markaðsvædd

Venjubrigði pírata

Ég er nú eiginlega sammála Jóni Þór, að þessar þingskaparvenjur eru ekki einar sér líklegar til að viðhalda virðingu þingsins. Háttvirtur og hæstvirtur eru gildishlaðin orð án merkingar þegar þau eru notuð um venjulegt fólk. Hins vegar finnst mér vel koma til greina að taka upp þéringar í þingsal.  Þéringar hafa alltaf haft yfir sér vissan sjarma í mínum huga.  Minnist þess þegar rebellinn ég neitaði að þéra Sverri skólastjóra í Gagnfræðaskóla Akureyrar fyrir margt löngu og komst upp með það.  Bar ég þó mikla virðingu fyrir Sverri.

„Þessi ávarpsorð eru venjuhelguð“