Af búrtíkum og smalahundum

Meðan búrtík Bjarna svaf
og bannað var að tala,
Eftir kröfum Kata gaf
og kunni ekki að smala.

Utanveltu voru tvö
og varla á þau andað
nú holdgervingi "Hægri sjö"
hefur Logi landað.

Brátt hann hefur hópi í
hæfilega marga
Upp í Kötu kippir því
sem kveður flokkinn arga.

Flokknum til að tryggja sátt
tárum Sæland vopnast
allar hurðir upp á gátt
eru nú að opnast.

 

RÚV flytur fréttir

Ef Björn Bjarnason og Páll Vilhjálmsson mættu ráða þá héldu landsmenn að ekkert annað stæði til boða en áframhaldandi kverkatak Sjálfstæðisflokksins á íslenzku þjóðlífi! En þökk sé RÚV þá vitum við betur. Við vitum að hér er annar valkostur í pólitíkinni.  Við þurfum ekki að hlusta á freku kallana því við þurfum bara að hafa hátt.

Á sama tíma og Mogginn endurtekur sömu möntruna um nauðsynlegt forystuhlutverk sjálfstæðisflokksins þá flytur RÚV fréttir af spillingarmálum þessara manna í nútíð, fortíð og framtíð. Án RÚV væri pólitíska landslagið öðruvísi. Án fréttaflutnings RÚV hefðu upplýsingar úr Panamaskjölum ekki fellt ríkisstjórn Bjarna og Sigmundar. Án RÚV hefði Hanna Birna aldrei þurft að víkja sem ráðherra og án RÚV væri Sigmundur Davíð enn að styrkja stöðu sína í valdataflinu gegn sjálfstæðisflokknum. Án RÚV værum við enn að borða brúnegg og án RÚV væri enn verið að stunda mansal á Akureyri og Vík!  Því RÚV er ekki alltaf að gagnrýna Sjálfstæðisflokkinn.  RÚV er að sinna skyldu sinni sem sjálfstæður fjölmiðill og  það er að flytja fréttir.  RÚV stundar ekki ritskoðun. Þótt mörgum þyki með réttu að einhver slagsíða sé á fréttaflutningnum þá er það óhjákvæmilegt.  Fréttamenn eru bara mannlegir.

Í dag heldur RÚV áfram að segja okkur að við getum átt líf án sjálfstæðisflokksins í ríkisstjórn. Þetta viljum við heyra til að geta spurt t.d Katrínu Jakobsdóttur af hverju í fjandanum hún er enn að loka á samstarf með meirihluta þingmanna.  Eftir yfirlýsingar Ingu Sæland í dag, er ljóst að það er þingmeirihluti fyrir stjórn án Bjarna og Sigmundar.  Það er það sem þjóðin vill.  Okkur varðar ekkert um stóla eða völd.  Við viljum bara að þessi stjórn verði mynduð og alþingismenn fari að vinna vinnuna sína. 

Og við eigum að fá að ráða. Ekki bara í nafni lýðræðis heldur ekki síður í skjóli þess skoðanafrelsis, sem frjáls fjölmiðlun undir forystu RÚV tryggir.

Undir sauðargæru Vinstri grænna

Það sem Steingrímur reyndi að dylja undir sýndar umhyggju fyrir náttúru og umhverfisvernd er nú að flysjast af flokknum og við blasir lítið framsóknarlamb. Eftir stendur flokkur án hugsjóna og fólk án framtíðar. Katrín lætur leiða sig til slátrunar af fjandmönnum framsóknararms flokksins, Svavari og Hjörleifi sem virðast ætla að hefna eigin ósigurs með því að hvetja til stefnubreytingar sem augljóst er að gengur af flokknum dauðum.  Nákvæmlega sama vakir fyrir Birni Val. Þrátt fyrir fagurgalann í garð forystunnar þá svíður honum enn svik Steingríms J,sem sveik hann um þingsætið í norðausturkjördæmi í síðustu kosningum.  Þetta fyrirgefur Björn Valur ekki í bráð og hefur selt hugsjón sína þeim kvótagreifa sem getur veitt honum atvinnu nú þegar þingmannsdraumarnir hafa snúist upp í martröð.

Og þetta er bara fínt. VG var það afl sem í raun eyðilagði samstöðu vinstri manna þegar tilraunin um Samfylkinguna var gerð. Að VG skuli nú koma út úr skápnum sem framsóknarflokkur, eyðir þeim pólitíska vafa endanlega, ef einhver hélt annað, að innan þess flokks voru hugsjónirnar alltaf til sölu fyrir völd og áhrif. Allt frá því að Steingrímur tók þátt í Viðeyjarstjórninni með Jóni Baldvin og Davíð.

Steingrímur og Svavarsarmurinn vilja bjarga sinni arfleyfð með því að láta Katrínu um líknarmorðið og hún er svo naive að hún sér ekki í gegnum plottið.  Alveg sama þótt þessar þreifingar, sem nú eru í gangi milli Bjarna, Sigurðar Inga og Katrínar leiði ekki til formlegs samtals, þá er Katrín sú eins sem tapar og hennar flokkur. Og líka þótt hún láti leiða sig til valda af Bjarna og Sigurði Inga þá tapar hún líka.  Og allt þetta var augljóst öllum sem stóðu utan sviðsins.  En lambið vildi á spenann. Katrínu verður ekki bjargað

Svavar hvetur Katrínu til dáða

Þriðji fasinn er ekki byrjaður

"Líklegasta atburðarásin

Auðvitað verður ekkert endanlega fastráðið fyrr en með undirritun stjórnarsáttmála. En það er hæpið að Katrín Jakobsdóttir hætti á að mynda 32 þingmanna meirihluta. Jafnvel þótt alls ekki þurfi að vera ósennilegt að sá meirihluti gæti haldið í heil fjögur ár.

En sennilegast er að leikritið hafi þegar verið skrifað í meginatriðum og leiksýningin sé þegar hafin. Nokkrir næstu dagar gætu farið í málamyndaviðræður „stjórnarandstöðuflokkanna“. Sigurður Ingi lýsir því svo yfir að hann hafi hug á að kynna sér grundvöll „breiðara samstarfs“. Úr því verður auðvitað ekki neitt. Þá fyrst, einhvern tíma í næstu viku, hefst svo þriðji þáttur: Formlegar viðræður Bjarna, Sigurðar, Sigmundar Davíðs og Ingu Sæland, sem undirrita svo glæsilegan stjórnarsáttmála fyrri partinn í nóvember og kynna ráðherralistann."

Þessi tilvitnun er í bloggpistil,sem skrifaður var 31.okt 2017. 2 dögum eftir kosningar og áður en Katrín fékk leyfi forseta til að mynda ríkisstjórn. Mér sýnist höfundur hans býsna forspár um atburðarásina eftir kosningarnar 29.okt s.l. Í það minnsta hvernig 2 fyrstu fasarnir spiluðust. Nú er eftir að vita hvort hann verður jafn forspár um 3. fasann! Það er samstjórn Sjálfstæðis, Framsóknar og Miðflokks auk Flokks Fólksins.  Ég held að þessi frétt þar sem vitnað er í óbreyttan þingmann Framsóknar hafi ekki mikla þýðingu í þessu sambandi. Pólitík Bjarna og Sigmundar snýst fyrst og fremst um völd og stóla....Og freka kalla.

Meira en persónulegur ágreiningur

Er það bara Logi sem sér fílinn?

Fíllinn í pólitíska bakherberginu heitir Bjarni Benediktsson. Í 2 ár eru allir íslenskir stjórnmálamenn búnir að tipla í kringum þennan fíl án þess að þora að tjá sig um rót vandans. Þjóðin hefur farið í gegnum 2 stjórnarslit og tvennar kosningar og enn eru menn að umgangast fílinn af ótilhlýðilegri virðingu.  Allir nema Logi Már, kratinn að norðan sem steig fram og leiddi Samfylkinguna til baka frá þeirri glötun sem Jóhanna Sigurðardóttir stefndi henni í.

Nú er komið fordæmi fyrir aðra þingmenn og forystufólk flokka að tjá sig af heiðarleik um raunverulega orsök stjórnarmyndunarkreppunnar. Ef þau þora það ekki þá eru þau óhæf til að sitja á Alþingi.  Þá skulu þau bara öll sem eitt skila umboðinu og segja af sér þingmennsku.

Látum þá bara siðlausa hluta landsmanna velja fyrir okkur siðspillta sækópata til að stjórna.  Eyðum svo meiru í aðkeypta erlenda almennatengla til að svara erlendri gagnrýni á íslenskt stjórnarfar. Svona 500 milljónir á ári er ábyggilega ekki fjarri lagi ef Bjarni Ben og Sigmundur verða báðir í næstu stjórn. 

 

Tilboð um að leiða góða stjórn stendur

Ekki nóg að tala

Við árangri ég ekki bjóst
af öllum þessum rolum
Hjá vinstri grænum virðist ljóst
að verkstjórn er í molum

Kata litla er lítið peð
sem lætur vel að tala
og tapað hefur tvisvar með
tómum fagurgala.

Það vantar einhvern annan til
að efla keppnisskapið
ég engan hérna undan skil
ef allir "vinnið" tapið

 

Allir eru að tala við alla

Bjarni Berlusconi og Sigmundur Glistrup

Það er aðeins einn raunhæfur kostur í þessu pólitíska þrátefli og það er að formenn Sjálfstæðisflokksins og Miðflokksins segi báðir af sér og hverfi af sjónarsviðinu sjálfviljugir eða með því að stofnanir flokkanna taki í taumana.  Síðustu 2 stjórnir sprungu báðar vegna tortryggni út í stöðu Bjarna Benediktssonar og þess siðferðisrofs sem augljóslega er í flokknum.  Í þessum kosningum fékk sjálfstæðisflokkurinn sína næstverstu kosningu í sögunni. Og það þrátt fyrir þetta blússandi góðæri sem flokkurinn hefur eignað sér og hræðsluáróðurinn sem hann hafði í frammi gegn "skatta-Kötu" í síðustu kosningum.  Að tala um að sjálfstæðisflokkurinn hafi unnið kosningarnar er hið argasta öfugmæli þegar ljóst er að hann beið afhroð og tapaði 5 þingmönnum!  Kann einhver skýringu á þessum óförum flokksins aðra en þá sem ég set hér fram?  Ef sú skýring er til þá væri gott að heyra hana áður en sjálfstæðisflokknum er boðið að ríkisstjórnarborðinu aftur.  Að Sjálfstæðisflokkurinn skyldi hafa valið Bjarna Benediktsson sem eftirmann Geirs Haarde er augljóslega ástæðan fyrir síminnkandi fylgi. Bjarni getur aldrei orðið aðili að ríkisstjórn sem almenn sátt ríkir um.  Það hlýtur forsetanum að vera ljóst og því er honum vandi á höndum. 

Varðandi hinn panamaprinsinn, þá skuldar hann þjóðinni betri skýringar á skattamálum sínum og eiginkonunnar. Af því að dæma sem hann kaus að segja frá þá sviku þau hjónin vísvitandi undan skatti en fengu leyfi til að "leiðrétta" framtölin sín án þess að verða kærð vegna skattsvikanna! Svona sérmeðferð fá ekki margir og nokkuð víst að einhver hefur þurft að innheimta nokkra greiða til að tryggja þessa sérmeðferð Sigmundar Glistrup.  Þar fyrir utan er eiginkonan enn með kröfur á föllnu bankana og geymir enn peningana í gengisskjóli erlendis. Ef Sigmundur heldur að hann hafi hreinsað sig af öllum ávirðingum vegna Wintris málsins þá er það misskilningur. Þangað til ætti hann ekki að blanda sér í íslensk stjórnmál. Þetta þarf einhver að útskýra fyrir þessum sækópata svo hann skilji.  Það var ástæða fyrir uppreisninni 2016 sem endaði með að hann var hrakinn úr embætti og það er alveg hægt að endurtaka það uppþot ef á þarf að halda.

Guðni hringir í forystumennina

Fall Glitnisbanka - Sakamálaleikrit sem skrifar sig sjálft

Í síðasta þætti komu í ljós nýjar upplýsingar um störf þingmannanefndar sem átti að bregðast við vegna yfirvofandi falls Glitnis banka. Þessi þáttur er ekki til í handritinu vegna lögbanns sýslumanns, en var lekið til mín af siðblindum starfsmanni á biskupsstofu.

[Sviðið er svefnherbergi Illuga Gunnarssonar alþingismanns, Klukkan er 4 að nóttu, aðfararnætur 6.október 2008]
Síminn hringir og Illugi rumskar og tekur upp gemsann.
Illugi: "halló"
röddin í símanum hvíslar: Illugi, Bjarni hér. Glitnir er að falla og þú verður að tala við sjóðstjórann hjá Sjóði 9 og láta hann opna fyrir viðskipti í fyrramálið. Ég og Einar þurfum að láta millifæra peningana okkar úr þessum sjóði áður en allt fer til fjandans.
Illugi: Já Bjarni ég skil, en er það ekki óeðlilegt að þú sért að skipa mér fyrir verkum?
Bjarni: Nei Illugi, ég er ekki Bjarni braskari. Ég er Bjarni þingmaður, við erum hérna Sigurður, Pétur og Ólöf að funda um Glitni.
Illugi: ó, er það þess vegna sem þú hvíslar?
Bjarni: Já, það sem ég er að biðja þig um kemur fundinum ekkert við per se. Þau eru að vinna í einhverju fokking frumvarpi og skilja ekki að hér er sjálfur Engeyjar-auðurinn undir.
Illugi: Já en Bjarni þó ég láti opna fyrir færslur þá lítur það illa út að þú sért að bjarga eigin skinni og svo vantar formlega beiðni og hún verður að koma með formlegum hætti frá Einari.
Bjarni: Það verður ekkert mál. Ég fiffa það. Skrifa bara sjálfur undir eins og síðast (Glottir ofan í símann)
Illugi: Ef ég geri þetta Bjarni verður þú að launa mér það síðar.
Bjarni: Auðvitað Illugi. Þú veist að flokkurinn gleymir aldrei greiðum. Ef ég kemst einhvern tímann í ríkisstjórn þá verður þú pottþétt ráðherra.
Illugi:[léttur í tali] Þá segjum við það. Þú mætir í fyrramálið og ég læt þá græja þetta lítilræði. Fyrst Bankinn er að falla þá nennir slitastjórnin ekkert að skoða þetta. Við látum bara okkar fólk í slitastjórnina.
Bjarni:Djöfuls snillingur ertu maður. Þetta var ég ekki búinn að hugsa út í.
Báðir: Góða nótt vinur

Þá skortir andagiftina

Varðhundar valdsins ráðast gjarnan á þá sem í krafti orðkynngi verða spéspegill samtímans. Hallgrímur Helgason er sérstakur óvinur Sjálfstæðismanna.  Þeir nýta sér leigupenna til að níða rithöfundana okkar. Guðmundur Andri og Einar Kárason munu líka sæta árásum heimska hægrisins. Hægri menn hata andagift. Hægri menn níddu sjálft Nóbelsskáldið okkar yfir gröf og dauða. Hægrimenn eru dæmdir ritþjófar.

Löggu-Björn þekkir nepotisma af eigin raun

"Hann (Aðalsteinn Kjartansson) er bróðir ritstjóra Stundarinnar [Ingibjargar Daggar Kjartansdóttur], fyrrverandi varaformaður ungra jafnaðarmanna Samfylkingarinnar og fyrrverandi starfsmaður Reykjavík Media og nánasti samstarfsmaður Jóhannesar Kr sem því stýrir. Hann tengir saman Stundina, Reykjavík Media og Rúv og kemur úr forystuteymi Samfylkingarinnar.“

Sjálfur er Björn sonur Bjarna Benediktssonar, fyrrum formanns FLokksins og ráðherra til margra ára, Bjarni faðir Björns var sonur Benedikts Sveinssonar yngri. Föðursystkini Björns Bjarnasonar eru Sveinn, Pétur, Bjarni, Kristjana, Ragnhildur, Guðrún og Ólöf.  Útaf þessum ættboga eru í dag þekktir einstaklingar í þjóðfélaginu á sviði viðskipta, stjórnmála, vísinda og lista. Eigum við að tortryggja störf Guðrúnar Pétursdóttur af því hún er af Engeyjarætt? Eða eigum við að tortryggja viðskipti Heiðars Más Guðjónssonar af því hann er tengdasonur Björns Bjarnasonar?  Nei auðvitað ekki. Það dettur engum í hug, að tengja vensl við hagsmuni nema þeim, sem stunda nepotisma sjálfir.

En Björn vílar ekki fyrir sér, í málefnafátækt sinni, að gera ættartengsl ritstjóra Stundarinnar tortryggileg.

Er það ekki hámark hræsninnar?