Biskup gerist heilagur

Biskup blandar sér nú í kosningabaráttuna og tekur sér stöðu með minni máttar.Það er í kristilegum anda og ekki gagnrýni ég að kirkjan blandi sér í og taki afstöðu til deilumála samtímans.  En að gera það á grundvelli siðferðismælikvarða er býsna bratt hjá frú Agnesi.

Við sem höfum fyrir löngu sagt skilið við þjóðkirkjuna gerðum það flest vegna siðferðisbrests þáverandi biskups og óviðunandi úrbóta af hálfu yfirstjórnar kirkjunnar. Þessi biskup er líka breyskur þó á anna hátt sé og ekki er lát á ófriði innan prestastéttarinnar. Og á meðan kirkjan liggur hundflöt fyrir valdinu og lætur jarðýtur faríseanna skarka í heilagri grafarró forfeðranna þá ferst ekki biskupi að setja sig á háan hest varðandi uppljóstranir um spillingarmál æðstu embættismanna. Uppljóstranir sem ekki byggjast á skorti á góðu siðferði heldur þvert á móti eru knúnar fram í krafti sannleikans. Er virkilega sannleikurinn orðinn teygjanlegt hugtak í huga biskups eða er hún að launa ofeldið? Við vitum hvaðan peningarnir koma sem biskup spreðar út. Á meðan fólk deyr vegna fátæktar þá fær biskup úthlutað auknu fé á fjárlögum.  Allt í boði Sjálfstæðisflokksins. Er það skýringin á því að biskup stígur nú fram og sakar fjölmiðla um skort á góðu siðferði. Fráskilda frúin að vestan.

Stuldur á gögnum ekki réttlætanlegur

Sakamálaleikþátturinn Fall Glitnis

Aumingja Sigurður Kári gerir í færslu á fésbók vont verra.  Það sem á að vera vörn fyrir don B. verður að enn einni árásinni á fjölmiðil af hendi valdaflokksins í Valhöll. Nú er það ríkisrekni fjölmiðillinn RUV sem sætir árásum. Þessi fyrrum aðstoðarmaður don B. er ekki marktækur. 

Sakamálaleikritið skrifar sig sjálft þessa daga.  Grípum niður í nýjasta þætti:

Á meðan Sigurður Kári, Pétur H Blöndal og Ólöf Nordal unnu að frum­varpi til breyt­inga á skulda­jöfn­un­ar­regl­um gjaldþrota­skipta­laga var Bjarni Ben önnum kafinn við að bjarga eigin verðmætum úr bankanum. Á meðan þremenningarnir,félagar hans reyndu að koma í veg fyr­ir að kröf­ur líf­eyr­is­sjóðanna myndu renna inn í þrota­bú gömlu bank­anna og enda í hönd­um er­lendra kröfu­hafa, situr Bjarni á fundum með stjórnendum Glitnis og skipar þeim að opna fyrir viðskipti hjá Sjóði9 til að faðir hans geti tekið út litlar 1200 milljónir! Á meðan þremenningarnir voru á fullu að vinna að almannahag var Bjarni á fullu að vinna að eigin hag.

RÚV dró upp „kolranga mynd“

Spillingin étur ekki börnin sín

Næsta laugardag munu sumir sitjandi Alþingismenn ekki ná endurkjöri. Í þeim hópi gæti Brynjar Níelsson lent. En Brynjar þarf ekki að kvíða atvinnuleysinu. Hann er búinn að tryggja að konan hans verður ein af 12 óhæfustu dómurum Íslands við hinn nýja Landsrétt. Þökk sé Flokknum og sérstaklega flokkssysturinni, Sigríði Andersen, sem handvaldi 12 umsækjendur sem dómara við hinn nýja rétt, en hafnaði 4 sem sérstök hæfisnefnd hafði talið hæfasta. Vel gert hjá frú Sigríði sem fær að launum að halda fyrsta sætinu sínu.  Brynjar hins vegar stóð sig ekki jafn vel sem formaður í stjórnskipunar og eftirlitsnefndinni og lét meira að segja setja sig af þegar mest lá við að dyggur flokksmaður stjórnaði þeirri nefnd.  Því fór sem fór og Brynjar nýtur ekki lengur stuðnings. Hann brást forystunni og það er jafngildi bannfæringar.En spillingin étur ekki börnin sín og þess vegna er Brynjar safe. Það er ekki hægt að reka dómara og því er Brynjar með örugga fyrirvinnu þótt hann fái ekki bitling frá FLokknum. 

Ljóst hver lýgur í þessu máli

Í grein­ar­gerðinni seg­ist Þor­steinn hafa ít­rekað þá skoðun sína, á síðasta fundi nefnd­ar­inn­ar, að mik­il­væg for­senda fyr­ir áfram­hald­andi leit að lausn væri samstaða um að gjald­taka skyldi miðast við tíma­bund­in af­not auðlind­ar­inn­ar.

„All­ir flokk­ar nema Sjálf­stæðis­flokk­ur­inn“

„Á það gátu all­ir flokk­ar fall­ist nema Sjálf­stæðis­flokk­ur­inn sem ekki var til­bú­inn til þess að svo komnu máli,“ seg­ir hann og bæt­ir við að hann telji gjald fyr­ir tíma­bund­inn af­nota­rétt for­sendu fyr­ir því að ná megi tveim­ur afar mik­il­væg­um mark­miðum í lög­gjöf um þessu efni.

„Ann­ars veg­ar að laga­regl­urn­ar end­ur­spegli með al­veg ótví­ræðum hætti sam­eign þjóðar­inn­ar. Hins veg­ar að þær megi stuðla að sem mestri þjóðhags­legri hag­kvæmni veiðanna.

Ég hef áður lýst áliti mín á þessum vikapilti stórútgerðarinnar, Teiti Birni og vil helst ekki eyða meira púðri á hann.  En bendi á það sem Þorsteinn segir, að hann hafi lýst þessum skoðunum sínum á síðasta fundi nefndarinnar og engin ástæða til að efast um þau orð.  Samt lýgur Teitur því blákalt að Þorsteinn hafi aldrei sagt eða lýst þessari skoðun.  Kannski að Teitur Björn ætti að rifja upp það sem hann sagði í viðtalinu við RUV um þetta mál.  

„Ég taldi að nefndin væri ekki komin á þann stað í sinni vinnu að geta lagt jafn viðamikið og flókið úrlausnarefni til grundvallar áframhaldandi vinnu án þess að fjalla um það efnislega eða rökstyðja með einhverjum hætti. Og kalla eftir því að til viðbótar við þá sérfræðinga sem störfuðu með nefndinni á sviði hagfræði, myndum við fá umfjöllun fræðimann á sviði stjórnskipunarréttar til þess að kafa ofan í þennan þátt málsins"

Þetta sagði hann þá en í samtali við mbl.is segir hann allt annað. Vita þessir guttar ekki lengur hverju þeir ljúga til að þóknast húsbændum sínum.  Og skoðum þetta betur. "Jafn viðamikið og flókið úrlausnarefni"  Tímabundinn afnotaréttur af sameiginlegri auðlind okkar allra er flókið og viðamikið úrlausnarefni fyrir Teit Björn.

Þegar menn eru bara að þvælast fyrir þá er sjálfsagt að eyða ekki tíma og orku annarra í tilgangslausa fundi. Teitur Björn þarf að draga sig út úr pólitík.  Hann er ekki hæfur til að gegna þingstörfum. Um hitt viðrinið þarf ekkert að orðlengja. Hann var á þingi til að passa upp á hagsmuni stórútgerðarinnar. Til hvers í ósköpunum var hann sendur inn í nefndina af Framsókn? Til að tryggja að engin sátt næðist eða til að tryggja útgerðinni 30 ára nýtingarrétt?

En sem betur fer sprakk stjórnin og nú verður ekki lengur reynt að ná sáttum við þessa menn.  Alþingi setur bara lög sem skyldar þetta lið til að greiða markaðsgjald fyrir afnotarétt til miklu skemmri tíma en átti að hafa í Þorsteinsnefndinni. Frekju á að mæta með staðfestu. Ekki með undanlátssemi.

„Forkastanleg vinnubrögð“

Sækópati ber vitni

segir samskiptin vera eðlileg

læk á það

næsta frétt...

 

Talað niður til Fanneyjar Birnu

Eins mikið og ég hef hrósað þáttastjórn Fanneyjar Birnu Jónsdóttur í Silfrinu, þá verð ég að segja að þátturinn í dag var misheppnaður. Fyrir það fyrsta virkuðu þátttakendur í umræðunum um mál dagsins frekar áhugalitlir og jafnvel taugaáostyrkir. Öll nema Ómar Valdimarsson,sem virtist ekki vita hvers vegna hann væri yfir höfuð í þessum þætti. Ég veit ekki með Helga Seljan og Ingibjörgu Dögg. Kannski voru þau bara að skemmta sér í nótt og því illa fyrir kölluð. En Sirrý Hallgríms getur ekki borið því við.  Hún virkar á mig eins og hún sé alltaf illa fyrirkölluð.

En svo tók ekki betra við.  Fenginn var í þáttinn talsmaður SA, Halldór Benjamín Þorbergsson.
sem hefði getað útskýrt málflutning SA á mannamáli en kaus að gera það ekki. En hélt í staðinn kennarafyrirlestur um hagfræði og hagstærðir sem engin leið var að véfengja eða mótmæla. Þótt Fanney Birna hafi reynt af veikum mætti að skjóta inn spurningum og skýringum var valtað yfir allt það tal af fullkomnu virðingarleysi þess sem telur sig vita allt best og hefur beinlínis atvinnu af því að ljúga með tölur.  Þetta þarf Fanney Birna að hafa í huga við næsta val á viðmælendum.

Friðhelgi þingmanna og fyrningar saka

Samkvæmt fréttum RUV í gær eru fleiri þingmenn heldur en Bjarni Benediktsson, flæktir í viðskiptanet Glitnis glæpabankans. Nú hljóta fréttamenn að bretta upp hendur og einhenda sér í að upplýsa hverjir það voru. Áður en sýslumaður FLokksins birtist á ritstjórnarskrifstofunni og lögbannar fréttaflutning í nafni FLokksins. Sama hvað menn segja.  Það er ekki búið að upplýsa um þátt stjórnmálamanna í hruninu.  Hvernig viðskiptum þeirra og braski var háttað og hverjir björguðu öllu sínu undan falli bankanna eins og Bjarni Ben og fjölskylda hans.  Það er einfaldlega lygi , að allir hafi vitað um yfirvofandi bankahrun í febrúar 2008.  Ef allir hefðu vitað það þá hefðu bankarnir fallið 6 mánuðum fyrr og allir tapað öllu.  En Bjarni vissi af alvarlegri stöðu Glitnis. Hann nýtti sér innherjaupplýsingar og seldi öll sín hlutabréf í Glitni á þeim tíma. Þetta var á sama tíma og ráðherra sjálfstæðisflokksins, Þorgerður Katrin Gunnarsdóttir kom öllum skuldum eiginmannsins fyrir í einkahlutafélagi með enga ábyrgð!  Tilviljun? Ekki trúlegt.  En svo líða 6 mánuðir sem almenningur fær ekkert að vita. 6 mánuðir sem menn hefðu getað nýtt til að færa fé úr verðbréfasjóðum eins og sjóði9 í einhverja áhættuminni sjóði. Þetta gerðu menn ekki vegna þess að okkur var ítrekað sagt að hér væri engin vá fyrir dyrum. Icesave myndi bjarga lausafjárvanda bankanna og höfundum þeirrar svikafléttu var hampað eins og um snillinga væri að ræða. Annað átti eftir að koma í ljós.

Nú eru liðin 10 ár frá þessum hörmungum.  Nú er fléttan að rakna upp.  Bjarni Ben verður ekki sóttur til saka fyrir sinn þátt í yfirhylmingum og innherjasvikum.  En hann verður heldur ekki formaður flokksins mikið lengur og aldrei aftur forsætisráðherra.  Það er huggun harmi gegn.

Mbl.is falsar fréttir og Björn brjálast

RUV flutti 2 fréttir af viðskiptum Bjarna Benediktssonar við Glitni annarsvegar og viðskiptafélaga sína í Falsson & Co, hins vegar. Mbl.is segir í viðhengdri frétt aðeins frá fréttinni um samskiptin við Glitni og sem áður hafði birst í umfjöllun Stundarinnar. Lítið nýtt þar.

En hin fréttin er alvöru frétt og fjallar um aflandsfélagið Falson & Co, sem Bjarni átti þriðjungshlut í og upp komst í Panama lekanum fræga. Þá laug Bjarni blákalt að engin viðskipti hefðu átt sér stað í gegnum Falson & Co nema eitt verkefni sem hefði farið út um þúfur og hann í raun hefði tapað á Félaginu og svo klykkti hann út með að félagið hefði ekkert verið falið í skattaskjóli heldur verið komið fyrir í Lúxemborg og þetta með Panama hefði bara verið klúður bankans sem hann bæri enga ábyrgð á. Í frétt RUV er málið allt öðru vísi vaxið og sannar að allt sem Bjarni sagði okkur í fyrra um aðkomu sína að aflandseyjafélaginu Falson & Co var lygi. Haugalygi!

Þegar Bjarni skýrði hlutdeild sína í viðskiptum Falson & Co. vegna umfjöllunar um Panamaskjölin, sagði hann félagið hafa verið notað til fasteignakaupa í Dubai. Það var árið 2005. Í þessum tölvupóstsamskiptum kemur hins vegar fram að félagarnir stefndu að því að nota Falson & Co. til að fjárfesta í fleiri fasteignaverkefnum nokkrum árum síðar. Bjarni fór sjálfur til Miami þar sem hann skoðaði fasteignir sem hann stakk upp á að þeir þrír myndu fjárfesta saman í, í gegnum Falson.

„Er í Nicaragua á vegum þingsins. Stoppaði á Miami um síðust helgi á leiðinni niðureftir. Fékk kynningu á mjög spennandi díl. Spurning hvort við eigum að skoða hann saman í Falson. Þetta er á algjörlega brjáluðum stað neðst á South Beach,“ skrifar Bjarni í tölvupósti til félaga sinna í janúar 2008 þar sem hann leggur viðskiptin til. Í öðrum tölvupósti leggur Ægir Birgisson til að þeir félagar noti fjármuni sem fengust út úr viðskiptunum í Dúbai til að fjármagna viðskiptin í Miami. Samskipti Bjarna við þá sem selja þeim félögum íbúðina í Miami og sjá um vinnu við íbúðina fara í gegnum netfang hans hjá Alþingi en samskiptin við viðskiptafélagana í gegnum netfang hans hjá BNT hf.

Gögnin varpa líka ljósi á aðdraganda viðskipta Bjarna og félaga hans í Dúbaí. Þau benda til þess að Ægir Birgisson hafi haft veg og vanda að skipulagningu þeirra viðskipta. Í samskiptum hans við Brand Thor Ludwig, sem hélt utan um fjárfestinguna fyrir þá og stofnun Falson & Co., kemur skýrt fram að vilji er til að stofna félag á Seychelleeyjum.

„Gerum þetta líklega í Seychelles félagi - við verður 3 sem munum eiga það til jafns - fínt að láta Lais Lux sjá um þetta,“ segir Ægir við Brand. Brandur biður Ægi í kjölfarið að láta viðskiptafélagana velja sér nafn á félagið af lista Mossack Fonseca, panamísku lögmannsstofunnar sem stofnaði félagið.

„Nafnalisti yfir SEY félög.  Sendið mér tillögu að 2 nöfnum – forgangsraðað,“ segir í tölvupóstinum. Athygli vekur að Brandur beinir því til þeirra allra þriggja að fara yfir listann yfir nöfn Seychelleyjafélaga en ekki bara til Ægis. Bjarni hefur borið því við allt frá uppljóstrun Panamaskjalanna að hann hafi staðið í þeirri trú að félagið hafi verið skráð í Lúxemborg. Hvergi er að finna í gögnunum að það hafi verið til umræðu að stofna félagið þar.

Svona var frétt RUV og þetta er stórfrétt.  Af hverju segir mbl.is ekki frá þessari frétt?  Að þegja er að blekkja og tilraun til að láta eins og atvikið hafi ekki gerst.  Með öðrum orðum þá er þetta þöggun af hálfu mbl.is

Ef Björn Bjarnason hefði verið heiðarlegur þá hefði hann staðnæmst við seinni fréttina og getað hugsað með sjálfum sér. HU þetta hefur ekki komið í ljós áður. Nú þarf að láta fjölmiðla njóta sannmælis en ekki ráðast gegn þeim. Ef Björn væri heiðarlegur hefði hann ekki ausið úr skálum reiðinnar yfir fréttastofu RUV eins og hann gerði í morgun og lesa má hér.  Trúverðugleiki mbl.is og Björns Bjarnasonar hefur minnkað og nálgast alkul.

Bjarni Benediktsson er bara ómerkilegur lygahrappur sem í skjóli stöðu sinnar, hagnaðist á viðskiptum við glæpabanka sem var stjórnað af engum öðrum en höfuðóvini Sjálfstæðisflokksins til langs tíma, Jóni Ásgeiri Jóhannessyni.  Þótt Bjarni reyni að telja þjóðinni trú um að staða hans sem alþingismanns hafi engu skipt þá var alla vega Jón Ásgeir ekki sammála því mati.  Stóra plan Baugsmannsins Jóns Ásgeirs var nefnilega að flækja þingmenn, fjölmiðlamenn og bankamenn í einhverja orgíu svo hann hefði tryggingu fyrir að sleppa sjálfur þegar ránið væri fullframið. Þetta gekk fullkomlega eftir.  Þetta er Jón Sullenberger margbúinn að bera vitni um en enginn hlustar.  En Bjarni Ben er ekki búinn að bíta úr nálinni með þetta mál. Varla þorir hann að biðja sýslumann að setja lögbann á fréttastofu RUV líka?  Björn Bjarnason vill það en þorir Bjarni? Það kemur í ljós og fjölmiðlamenn eins og Helgi Seljan eru skíthræddir um stöðu sína þessa daga.

Gefur nákvæma mynd af samskiptum við Glitni

Bjarni Vafningur og Glitnisglæpabankablús

Eftir áratuga þögn
einhver vill loks vitna
í pósti blaði berast gögn
sem Bjarna láta svitna.

Engu ljósi varpað á
Vafningsfléttu snjalla
eftir lögbann ekki má
um það Stundin fjalla

Meðaltal er villutal

Í launatöxtum er ekkert til sem heitir meðallaun. Þess vegna er mjög villandi að nota þessa tölu og láta í það skína að hér hafi það allir bara helvíti gott. Það er greinilegt að ráðherrann trúir þessu sjálf. Annars myndi hún ekki slengja á borðið fullyrðingunni um að hér sé jöfnuður hvergi meiri og launa og eignamunur minnstur. Ég er enginn Stefán Ólafsson, en hann er sá sem harðast hefur gengið fram í að leiðrétta þetta bull.  Ráðherranum er bent á að kynna sér staðreyndir áður en hún tekur undir lygaáróður Hannesar Hólmsteins. Það skiptir máli að fara ekki með fleipur.

Hún ætti líka að beita eigin hyggjuviti þegar hún rýnir í tölur Hagstofunnar og spyrja sig, ef meðallaun eru þetta há og lægstu laun þetta lág, eru þá ekki hæstu launin alltof há?  Og er þá ekki sjálfsagt að þeir sem eru á þessum ofurlaunum leggi meira til samneyslunnar en þeir á lægstu launum og millilaunum?  Mitt svar er já auðvitað á að nota skattkerfið til jöfnunar. Og þegar bilið er svona breytt á að fjölga hér skattþrepum en ekki fækka þeim.  Þetta er réttlætismál og í þágu fjöldans.

Hvers vegna skammast ríkt fólk sín svona mikið á Íslandi fyrir ríkidæmið að það leggur allt í sölurnar til að komast undan skattlagningu. Hversu margir tugir milljarða eru ennþá faldir í skattaskjólum? Og hversu margir stóreignamenn eru í dag að svíkja undan skatti með útleigu á húsnæði í airbnb?  Það er ekki eins og hinir efnameiri hafi ekki efni á að greiða skatta.  Nei þeir skammast sín fyrir að almenningur sjái í álagningarskrám hversu ógeðslega ríkt sumt fólk hefur orðið í skjóli spillingarflokkanna Sjálfstæðis og Framsóknar. Meira að segja forsætisráðherrann hefur skotið sínum eignum undan. Hann er í hagsmunaskráningu Alþingismanna eignalaus aumingi, alveg eins og ráðherrann Þórdís Kolbrún þegar hún settist á þing.  Nú er ráðherrann með tvöföld meðallaun og tímir ekki að borga skatta. Það er skömm af þessum ráðherra og hennar málflutningi

 

Svo legg ég til að sjálfgræðisflokknum verði rústað í næstu kosningum.

Skattbyrði millistéttar lækkað verulega