Og svo bar til að Fátækrahjálp lét skrásetja alla landsmenn..

Þetta verða eftirmæli ríkisstjórnar ríka fólksins. Það þarf ekki einhvern fokking frelsara til að skrifa guðspjall.  Tilefnin gerast í nútímanum.

Er búið að útiloka fjárdrátt?

RÚV er búið að eyða sem svarar 40 þúsund milljónum síðastliðin 8 ár. Þetta samsvarar 5 þúsund milljónum  á ári, 600 milljónum á mánuði og 20 milljónum á dag. 

Er bókhaldið 100% rétt?  Ég minni á að þar sem uppvíst hefur verið um fjárdrátt var alltaf talið óhugsandi að slíkt gæti átt sér stað.  En dæmin sanna að þetta viðgekkst miklu víðar en okkur gat órað fyrir. Landsíminn, Sendiráðið og núna nýjast VMA. Samt var veltan margfalt minni og því áhættan eða freistingin miklu meiri.

En almenningur fær aldrei að skoða bókhald ríkisfyrirtækja. Almenningur á bara að treysta KPMG og Deloitte..og borga. Líka fjárdráttinn samanber Landsímann, meðan fyrrverandi forstjórar lifa í makindum á verðtryggðum lífeyri.

Það þarf að gera hreint hjá RÚV.  Opna bókhaldið algerlega.  Líka sjóðsbókina áratug aftur í tímann. Og kortleggja upp á krónu hvernig útgreiðslum var háttað. Eða setja félagið í þrot. Með gjaldþroti RÚV færi fram svipuð rannsókn á bókhaldinu.

 

Hlutur sjúklinga

Sennilega var heilbrigðiskerfið okkar aldrei gott. Afköstin léleg og kostnaðurinn mikill. Ástæðan einfaldlega rekstrarfyrirkomulagið. Núverandi launadeila lækna mun rústa þessu kerfi endanlega og undir það eiga ráðamenn að búa sig. Læknar sætta sig ekki við að starfa við óviðunandi aðstæður. Léleg laun og óhóflegt vinnuálag.

Læknar geta nefnilega ákveðið sjálfir sinn taxta.  Alveg eins og iðnaðarmenn og lögfræðingar og sendibílstjórar. Launadeila eins og þessi er tímaskekkja. Aðkoma ríkisins á einfaldlega að snúast um hver kostnaður sjúklinga eigi að vera en ekki hver laun lækna eigi að vera.

Enn fundað í læknadeilum

Vantraust á þingflokk Sjálfstæðismanna

Stóra frétt dagsins er að formaður flokksins treystir ekki óbreyttum þingmönnum flokksins fyrir ráðherraembætti. Að leita út fyrir raðir þingmanna í vali á ráðherra staðfestir þetta svo og sá vandræðalegi dráttur sem varð á tilnefningunni.

Þótt Ólöf Nordal sé fyrrum þingmaður og varaformaður Sjálfstæðisflokksins, þá var hún búin að draga sig út úr pólitík. Þess vegna lít ég á hana sem óháðan utanþings ráðherra og þess vegna er ég tiltölulega ánægður með þessa tilhögun. 

Ég er líka ánægður með að staða Bjarna hefur veikst við þennan vandræðagang. Styrkur flokka hefur alltaf mælst í því hversu þingflokkar þeirra eru samstíga.  Hætt er við að samstaða þeirra muni riðlast í kjölfar þessa vals á ráðherra. Varla ganga Pétur Blöndal eða Ragnheiður sátt til verka í framtíðinni. Það er alltaf sárt að vera veginn og léttvægur fundinn. Sérstaklega af samherjum. Bjarni mun brotna í þeim hamagangi sem er fyrirsjáanlegur í Valhöll og það er maklegt. 

En hverjir munu taka við flokki í molum? Þótt einhverjir kunni að halda að Ólöf muni snúa aftur og verða varaformaður Sjálfstæðisflokksins á næsta landsfundi þá er ég ekki svo viss um það. Ekki á meðan hún gegnir starfi ráðherra í það minnsta.

En Ólöf kemur til með að styrkja ríkisstjórnina. Því hún þarf ekki að lúta flokksræðinu. Vonandi farnast henni vel.  Þjóðin þarfnast þess að traust geti skapast aftur á milli stjórnvaldsins og almennings.

Ólöf Nordal nýr innanríkisráðherra

Illt umtal ekki umflúið

Vestmannaeyingar eru sér þjóðflokkur. Fyrirlíta aðkomupakkið og þykjast jafnan yfir lög og reglur hafnir. Á meðal innbyggjara er karlremba og almenn lítilsvirðing gagnvart konum talin til gildis frekar en vansa. Á þjóðhátíð var ýtt undir nauðgunarmenningu þangað til Stígamótakellingarnar eyðilögðu það fyrir þeim. Nú tíðkast ekki lengur að henda ofurölvi stelpum inní gáma með hinu kynini þar sem þeim var nauðgað. En þeir eru ekki hættir að nauðga.  Vilja bara ekki tala um það og ekki skrifa um það.  Þess vegna gera menn nauðgara að ritstjóra eina miðilsins og komast upp með það.  Enginn segir neitt í bæjarfélaginu. Hvernig má þetta vera, að fórnarlamb nauðgarans skuli þurfa að flýja bæinn?  Og það er árið 2014!

Djöfuls smánarblettur, sem verður erfitt fyrir bæjarfélagið að þvo af sér. Þeir eiga svo sannarlega skilið illt umtal.

Nefskattur RÚV óréttlátari en náttúrupassinn

Dæmi eru um að heimili sem þarf að greiða 6 falt útvarpsgjald notfæri sér aldrei þessa skylduáskrift. Svo eru mörg dæmi um heimili sem eru undanskilin gjaldinu sem horfa ekki á neitt nema sjónvarp RÚV og hlusta eingöngu á rás 1.

Er þetta sanngjörn leið til að fjármagna rekstur sem er í bullandi samkeppni og er mjög umdeildur þar fyrir utan?

Ef mönnum þykir svona mikið til þessarar stofnunar koma þá er eðlilegt að gera hana að alvöru áskriftarstöð. Þeir borga þá sem nota.

Svo eru þingmannsdruslur, sem berjast fyrir aukinni nauðungarskattlagningu, að hneykslast á frumvarpi um náttúrupassa!  Hugmynd sem byggir á sömu prinsippum og útvarpsgjaldið.

Tvöfeldnin í þessu pakki er ógeðsleg. 

Árni Páll styrkir stöðu ríkisstórnarinnar

Í hvert skipti sem Árni Páll opnar munninn á Alþingi rifjast upp hversu hrakleg frammistaða síðustu ríkisstjórnar var. Nýjasta útspil dúettsins Kötu og Árna mun virka þveröfugt á þá sem ekki styðja þessa ríkisstjórn.

Óbreytt veiðigjald segir nú Árni sem sveikst um að innkalla kvótann á sinni vakt.

Meiri pening í RÚV segir nú Kata, sem skar niður á sinni vakt.

Þetta er ekki boðlegt.  Lágmark að fólk sem starfar í pólitík og vill láta taka sig alvarlega, viðurkenni vandann og leggist á árar með þeim sem stjórna hverju sinni.  Þetta lýðskrum er þreytt. það kaupir þetta enginn. 

Við viljum ábyrga stjórnmálamenn sem hugsa í lausnum en ekki atkvæðum

Lokum fyrir aðgengi hælisleitenda

Þegar yfirstjórn útlendingamála og lögreglan gerir sig ítrekað sek um stórkostlega vanþekkingu á reglum sem gilda um meðferð hælisbeiðna og samskipti stofnana þar að lútandi þá þarf að loka hér fyrir möguleika fólks til að koma án skilríkja. Bezt væri að viðurkenna að Schengen samstarfið var mistök og segja okkur frá því samstarfi og hleypa síðan engum hælisleytendum inn í landið nema þeir geti framvísað vegabréfi, hreinu sakavottorði og heilbrigðisvottorði. Við eigum ekki að flytja inn félagsleg vandamál þegar sannað er að útlendingaeftirlitið, ráðuneyti innanríkismála og yfirmenn lögreglunnar eru ekki hæf til að takast á við þessi mál.

Ef við getum lokað á aðgengi Hells Angels þá eigum við að loka á menn eins og Tony Omos áður en þeir verða vandamál.

Fyrningafrestur skattaundanskots 6 ár

Nú er Bjarni Ben búinn að tefja nógu lengi að kaupa gögnin um þessa 400 aðila sem skattrannsóknarstjóri vildi rannsaka. Fyrningarfrestur er liðinn miðað við að undanskotin hafi átt sér stað fram yfir hrun. Eins og flestir vita voru 6 ár frá blessun Íslands í október síðastliðnum.  Ef rétt er að málið sé búið að tefjast í meðförum Fjármálaráðherra þá sjá allir að um ásetning er að ræða hjá ráðherranum enda vinir hans og flokksfélagar hjá lögmannsstofunni LEX ábyrgir fyrir skattaundanskotunum með stofnun aflandsfélaga og skattaráðgjöf um hvernig hægt var að sniðganga skattalögin hér.

En núna þegar brotin eru fyrnd, þá á allt í einu að eyða skattfé fólksins í að kaupa ónýta pappíra. Nú þarf Bryndís að hysja upp um sig brækurnar og kæra vegna stórfelldra undanskota.  En þar er lengri fyrningarfrestur.  Svo á náttúrulega að stefna lögmannstofunni fyrir að hvetja til lögbrota og aðstoða við það.

Ráðuneytið tilbúið að borga fyrir gögnin

Friðrik Pálsson vill selja upp á fjallkonuna

Við eigum fallegt land.  Ef þið viljið skoða þá verðið þið að borga.  Er þetta ekki viðskiptamódelið hjá eigendum nektardansstaða?  Og vita ekki allir að nektardansmeyjar stunda flestar líka vændi.....

Klaufalega orðað hjá einkavininum.