Saxast á vinsældir Hönnu Birnu

Ég hef aldrei skilið Hönnu Birnu. Hún lítur út eins og lesbía, talar eins og transkona og er orðin æðsti yfirmaður löggæslu og dómsmála án þess að hafa nokkurn vott af hæfileikum né skilningi til að sinna þeim málaflokkum. Hún valtar yfir alla, bæði samherja og andstæðinga og allt á innsoginu því hún talar svo hratt að allir gapa en enginn skilur upp né niður.  Ég bara neita að trúa, að hún verði langlíf í þessu embætti, sem hún greinilega ræður ekki við.  Að hafa orðið fótaskortur einu sinni er hægt að afsaka en þrisvar sinnum er dæmi um alvarlegan dómgreindarbrest. Fyrstu merkin um vanhæfi ráðherrans voru yfirlýsingar hennar um eignarrétt kröfuhafa versus eignarrétt skuldara þar sem hún tók eindregna afstöðu með þeim fyrrnefndu. Næst fannst henni engin ástæða til að blanda sér í fullkomlega löglegar framkvæmdir í Gálgahrauni að hennar mati.  Jafnvel þótt málaferli væru í gangi um meint lögmæti þessara framkvæmda fyrir dómsstólum.  Og nú hyggst hún setja lög sem brjóta á tjáningarfrelsi landsmanna. Í hvaða krossferð er þessi kona?

Dramatísering á þingpöllum

Vísindasamfélagið er í áfalli, örvæntingarfullt og vonlaust ef trúa má fréttaflutningi RUV.  Vísindamenn sem æðrast yfir smámunum eru ekki merkilegir vísindamenn. Og það sem átti að blása upp sem stórfrétt er engin frétt. Framlag til rannsókna verður 950 milljónir á næsta fjárlagaári og verður að teljast nokkuð gott. Að ekki verði hægt að samþykkja tugi doktorsverkefna er ekkert endilega vont fyrir þjóðfélagið.  Nú þegar er offramleiðsla á doktorum sem engin þörf er fyrir.  Og þótt enn verði bið á að við sjáum doktor í sundlaugarfræðum þá held ég ekki að þjóðfélaginu stafi hætta af þeim missi.

Rannís verður bara að forgangsraða í þágu þjóðfélagsins en ekki veita fé í bullrannsóknir.

Sögufalsanir Össurar og Steingríms J.

Fjölmiðlamenn sem umgangast sannleikann af einhverri virðingu ættu ekki að taka þátt í fjölmiðlamoldviðrinu sem er í undirbúningi varðandi hvítþvottabækur Össurar og Steingríms J. Þar eru á ferðinni lygnustu stjórnmálamenn samtímans og þótt lengra væri leitað.  Alla vega mun ég engu trúa sem þeir segja í bókum sínum nema það sé stutt alla vega 2 óvilhöllum vitnum eða skráð í fundargerðir eða geymt í hljóðupptökum.  Össur segist styðjast við dagbókarfærslur sínar en menn sem eru víðkunnir fyrir að hagræða sannleikanum eru varla heiðarlegir þegar kemur að eigin æviminningum.

Þessir 2 ættu að hafa vit á að gefa sagnfræðingum ráðrúm til að skrá söguna í stað þess að endurskrifa hana ala Hannes Hólmsteinn.