Afræningjar afræningjanna

 HB Grandi hefur sent sjávarútvegsráðuneytinu ósk um leyfi til tilraunaveiða á gulldeplu og ef leyfið fæst þá gætu uppsjávarveiðiskip félagsins farið til veiða strax í næstu viku. Vilhjálmur Vilhjálmsson, deildarstjóri uppsjávarsviðs, telur að hægt verði að ná árangri á veiðunum en reynsla undanfarinna tveggja ára hefur leitt í ljós að sérhönnuð flottroll frá Hampiðjunni hafa skilað mun meiri afla en þau flottroll sem fyrst voru reynd. Þetta kemur fram á vef HB Granda.

Gulldepla er svokallaður miðsjávarfiskur sem heldur sig mest á 100 til 200 metra dýpi á nóttunni en á daginn syndir hann niður á rúmlega 500 metra dýpi. Helsta fæða norrænu gulldeplunnar eru ýmsar tegundir krabbaflóa og ljósáta en helstu afræningjar hennar eru þorskur, ufsi, síld og fleiri tegundir.

 Nú er svo komið að veruleg hætta er á því að veiðar geti útrýmt öllum okkar helstu nytjastofnum á nokkrum árum ef ekki verður brugðist við strax og allar veiðar með flottrolli bannaðar. Nú er kerfisbundið unnið að því að útrýma öllu æti helstu nytjafiska s.s loðnu, gulllaxi, kolmunna, makríl og nú gulldeplu. Og aðeins lítill hluti af þessum afla fer til manneldis. Með sömu rökum og reknetaveiðar voru aflagðar ber að banna veiðar með flottrolli. Fiskveiðum  þarf að stýra en ekki stjórna. Til lítils er að friða þorsk ef á sama tíma á að ryksuga frá honum alla fæðuna

Ekki aðeins er þetta fagleg ákvörðun sem Jón Bjarnason stendur frammi fyrir ekki síður er þetta siðferðileg spurning því Ólafur Ólafsson á stóran hlut í Granda og því má ætla að valið standi á milli hvort sé mikilvægara að þorskurinn hafi eitthvað að éta eða Ólafur Ólafsson

Sækja um leyfi til veiða á gulldeplu

Athugasemdir

[Jenný Stefanía Jensdóttir, 5.11.2010 kl. 15:56]

Arfavitlaust, algjörlega í takt við annað sem felur í sér að "taka veð" og "skuldsetja" framtíðina.

Vita þessir menn eitthvað meira en við?  Á kannski að koma heimsendir eftir 5 ár? 

[Ragnar Eiríksson, 5.11.2010 kl. 17:17]

Heyr! Heyr!

En hvað á þá að gera fyrir aumingja Ólaf sem situr fastur út í Sviss og þorir ekki heim???!!!

[Jóhannes Laxdal Baldvinsson, 5.11.2010 kl. 17:22]

Jenný, þessir menn vita ekkert meira en við!

Ragnar, ég er með tillögu en vegna ákvæða í meyðyrðalögum get ég ekki útlistað hana hér