Jón Spillti Bjarnason

Seint mun ég verða sammála Jóni Bjarnasyni. Alveg sama þótt andstæðingar hans fari með fleipur. Jón Bjarnason er spilltur stjórnmálamaður og það er best fyrir langtímahagsmuni þjóðarinnar að slíkum stjórnmálamönnum sé hafnað. Sonur hans hefur álíka vit á fiskveiðiráðgjöf og skúringakonan í ráðuneytinu. Enda er ekki um vísindi að ræða sem fiskveiðistefnan byggir á. Athyglisvert var að hlusta á Katrínu iðnaðar í útvarpsviðtali hjá Sigga Storm í morgun. Þar talaði hún um nýtingu á háhitasvæðum sem ágiskunarvísindi. Ekki væri vitað hve orkan væri mikil fyrr en farið yrði að virkja. Af hverju ekki að viðurkenna þessa staðreynd um fiskstofnana?

Það er dæmigert fyrir vanþekkingu fræðinganna að ganga útfrá því að dragnót skemmi botngróður. Dragnótin er vond vegna þess að í hana veiðist helst stórþorskurinn sem þarf að friða. Skiptir þá litlu allur sá meðafli sem líka veiðist.

Yfirlýsing frá Jóni Bjarnasyni

Athugasemdir

[Serafina (IP-tala skráð) 25.11.2010 kl. 19:48]

Náhirð Hádegismóadrottins leggjast ansi lágt gagnvart jafn virtum vísindamanni og Bjarna Jónssyni. Hann er með doktorsnafnbót frá kanadíska Guelph-háskólanum í lífeðlisfræði fiska og hefur um árabil staðið fyrir rannsóknum á þessu sviði. Það eru fáir utan Hafrannsóknastofnunar jafn færir um að sinna þessu starfi af fagmennsku, en þegar tilefnið er einmitt að gera úttekt á starfsaðferðum Hafró er nauðsynlegt að það fólk sem að henni kemur, sé ekki í beinum tengslum við Hafró en hafi jafnframt þá faglegu þekkingu sem til þarf.

[Jóhannes Laxdal Baldvinsson, 25.11.2010 kl. 20:18]

Serafina, með fullri virðingu fyrir Bjarna Jónssyni sem naut þeirra forréttinda að vera á launum frá íslenska ríkinu og þar með okkur, meðan hann stundaði sitt sérfræðinám, þá er hann óhæfur til að gefa álit á þessari skýrslu vegna hagsmuna og fyrrir afskipta. En það verður sjálfsagt erfitt að rökstyðja dragnótalokanir á grundvelli skaðsemi fyrir lífríkið. Menn fara af augljósum ástæðum ekki með svona veiðarfæri á harðan botn þar sem hægt er að skemma botninn. En þetta vita fiskifræðingarnir og Bjarni Jónsson alveg. Málið er að selja þessar lokanir almenningi svo þeir þurfi ekki að sæta gagnrýni. Meiri er nú manndómurinn ekki

[Jóhannes Laxdal Baldvinsson, 25.11.2010 kl. 20:48]

Og smá sögulegur fróðleikur. Tvisvar hefur verið gengið mjög nærri hrygningarstofni þorskins. Fyrra skiptið var þegar rányrkjan með þorsknótina 1968. Þá var hrygningarstofninum útrýmt á einum vetri nánast.  Seinni aðförin er svo snurvoðarveiðarnar á Breiðafirði undanfarin ár. Svo eru fiskifræðingarnar hissa á að enginn 10-12 ára fiskur finnst!

[serafina (IP-tala skráð) 25.11.2010 kl. 21:57]

Jóhannes, ertu ekki kominn í mótsögn við sjálfan þig þarna? Þú segir fyrst að "En það verður sjálfsagt erfitt að rökstyðja dragnótalokanir á grundvelli skaðsemi fyrir lífríkið" og svo seinna: "Seinni aðförin er svo snurvoðarveiðarnar á Breiðafirði undanfarin ár".

[Jóhannes Laxdal Baldvinsson, 25.11.2010 kl. 22:05]

Nei engin mótsögn. lestu niðurlag færslunnar Dragnótin er vond vegna þess að í hana veiðist helst stórþorskurinn sem þarf að friða. Skiptir þá litlu allur sá meðafli sem líka veiðist.  Ég er meðmæltur banni við snurvoð/dragnótarveiðum á grundvelli friðunar á stórfiski en ekki vegna þess að snurvoðin sé vistfræðilega slæmt veiðarfæri. Jón Bjarnason og Hafró eru að búa til þá upplognu ímynd að hér séu stundaðar sjálfbærar veiðar og ábyrg fiskveiðistjórn þegar reyndin er allt önnur.