Ágreiningurinn snýst um eignarhaldið

Þingeyingar sem og aðrir landsmenn verða að átta sig á verðmæti landsins okkar. Í raun og veru þá eigum við bara 3 auðlindir hér á landi en það er landið, loftið og sjórinn.  Á þessu byggist lífsafkoma og búsetuskilyrði á landinu.  Kínverjar skilja manna best hve dýrmætt landið er.  Á meðan Íslendingar flestir sjá bara öræfi og óbyggðir á Grímsstöðum þá veit Nubo að þetta eru hin einu sönnu verðmæti. Þess vegna sækir hann það svona fast að komast yfir þetta land fyrir þetta hlægilega litla verð. Eignarhald á landi hér hefur verið skýrt með tilkomu þjóðlendulaganna en að öðru leyti ríkir engin stefna um eignarhald, ábúðarrétt eða nýtingu jarðnæðis á Íslandi.  Þessu er verið að breyta og það er að aukast skilningur um hve mikilvæg auðlind, eignarhald á jarðnæði er og um það verði að setja einhverjar reglur til frambúðar. En aðalatriðið núna er að ríkisstjórnin höggvi á þennan hnút sem salan á Grímsstöðum hefur verið í og leysi til sín jörðina. Í mínum huga kemur ekki til greina að Kínverjar eða aðrir útlendingar eða félög í þeirra eigu eigi eða leigi jarðnæði af þessari stærðargráðu. Ef kínverjinn vill byggja upp aðstöðu á Fjöllum þá gildi um það sömu lóðaleiguskilmálar og um lóðir undir aðra sambærilega starfsemi.  Ef hins vegar hann gerir að skilyrði að fá alla þessa 300 ferkílómetra til yfirráða þá sjá menn að tilgangurinn er ekki að byggja upp ferðamannaiðnað, heldur að ná yfirráðum yfir landinu. En með því að ríkið kaupi þessa jörð og eignist hana alla þá hafa allir Íslendingar jafnan rétt til að njóta þessa víðernis um aldir og ævi án þess að biðja kínverskan forstjóra leyfis til að ferðast um íslensk öræfi.

Ef sveitastjórnarmenn í Norðurþingi fara fram með offorsi sem jafnvel gæti skapað þeim skaðabótaskyldu þá verður að krefjast þess að þeir segi sig frá málinu tafarlaust enda vandséð að þeir eigi að vera að hlutast um sýndarkaup á landi fyrir erlendan fjárfesti.

Níu sveitarfélög koma að máli Huangs

Athugasemdir

[Sandy, 6.3.2012 kl. 15:20]

Það er alveg óskyljanlegt hvernig fólki dettur í hug að selja landið okkar, og ég segi okkar,því í mínum huga er landið sameign þjóðarinnar. Til margra ára var Varnaliðið hér á landi (en áttu ekki landið, heldur höfðu afnot af því) og ekki veit ég betur en það hafi verið girt af og enginn mátt koma þar nærri, nema eiga á hættu að byssu yrði miðað á það. Í mörg ár gekk fólk í skrúðgöngu frá Reykjavík til Keflavíkur með mótmælaspjöld og kölluðu, Ísland úr NATO herinn burt! Dettur einhverjum í hug að Kínverjar láti það ógert að víggirða landið, og telji sig eiga það (sem kannski er á bak við tjöldin) svo íslendingar hafa engan aðgang að þessu svæði. Það er eins og sumt fólk geti alveg hugsað sér að selja ömmu sína ef þeir fá nógu mikla peninga.

[Tryggvi Helgason, 6.3.2012 kl. 16:56]

Ég hefi áður reynt að vara Íslendinga við hættunni af því að hleypa kommúnista-Kína inn í landið.

Það á enginn að leyfa sér slíkan barnaskap að halda að einhver Kínverji segist koma með fulla vasa af peningum til þess að koma upp einhverri "ferðamennsku" uppi á reginfjöllum á Íslandi.

Í öllum bænum, - sláið af þessa stórhættulegu vitleysu, áður en í óefni er komið.