ESB viðræðurnar eru strandaðar

Það er sama hvað hver segir, það er augljóst að hagsmunir okkar fara ekki saman við hagsmuni hins beaurókratíska miðstýrða Brussel regluveldis. Fréttir af nýjum reglum ESB varðandi "ósjálfbærar" veiðar sýna glögglega við hvaða þurs er að eiga. Þeir kalla það ósjálfbærar veiðar þegar stofn stækkar þrátt fyrir auknar veiðar. Greinilegt að það eru íslenskir fiskifræðingar sem koma að ráðgjöf fyrir ESB.

Ég kalla það ósjálbærar veiðar þegar veitt er svo lítið af veiðistofni að það leiðir til ætisbrests fyrir gjörvallt lífríki sjávar. Það er margbúið að sýna fram á tengsl friðunar og minnkandi stofnstærðar.

Þeir sem halda að fiskveiðar skipti okkur engu og við getum vel aðlagað okkur styrkjakerfi ESB eru á villigötum.  Innganga í ESB getur aldrei skapað sömu velmegun og hér getur auðveldlega orðið ef við höldum rétt á málum og felum ábyrgu og skynsömu fólki stjórn okkar mála. Ekki sérhagsmunagæsluliði fjórflokksins eða auðugum bröskurum sem láta stjórnast af græðgi og stundargróða á kostnað langtímahagsmuna.  Þessir úlfar og hrægammar héldu að Ísland yrði auðveld bráð eftir hrun og fyrir tilstilli ASG en svo þarf alls ekki að fara. Við getum aukið hér veiðar og framleitt okkur útúr vandanum bara ef við losum okkur við þetta hagsmunagæslulið, sem hangir á spenunum og stoppar allar framkvæmdir og fellir allar skynsamlegar tillögur bara ef þær koma frá röngum aðilum.

Gæti tafið ESB-viðræðurnar

Athugasemdir

[Jón Steinar Ragnarsson, 5.4.2012 kl. 04:07]

Ég var einmitt að hugsa það sama þegar ég las þessa frétt. Ef Árni Þór segir að viðræðurnar geti kannski eftilvill mögulega tafist, þá þýðir það gam over í mínum eyru, Svo kemur þú hér eins og guttinn í nýju fötin keisarans og segir hið augljósa.

[Jón Steinar Ragnarsson, 5.4.2012 kl. 04:18]

Það er annars ekki hægt að bera á Árna að hann sé ekki aticulate og skýrmæltur í viðtölum:

"Ég vil allavega hafa góða yfirsýn um hvað er verið að tala. Ég er ekkert að segja að það verði að vera búið að ljúka viðræðunum endanlega. En ég tel allavega mikilvægt að menn séu komnir það vel áleiðis í þeim að menn viti nokkurn veginn um hvað er verið að tala, hvar ágreiningurinn liggur og hvaða hugmyndir ESB hefur um Ísland í samhengi við sjávarútvegsmálin. Það kom fram, að ég held ég geti fullyrt, að það hafi verið almennt sjónarmið að menn telja að það þurfi að taka upp viðræðurnar og sjávarútvegsráðherra gerði grein fyrir því að hann teldi líklegt að það myndi gerast síðsumars eða strax í haust".

Það er ekki fyrir leikmenn að ráða fram úr þessu en þversumman er þó sem fyrr segir: Game over.

[Jóhannes Laxdal Baldvinsson, 5.4.2012 kl. 07:48]

Sæll Jón, Menn eins og Árni eru ekkert að tala í kringum hlutina.  Þeir hugsa bara svona óskýrt.