Læknir í hálfu starfi fífl í fullu starfi

Mikil er ábyrgð Björns Zoega að hafa skorið svo mikið niður í rekstri Landspítalans að hann bíður þess ekki bætur.  Þessi maður gerðist vikapiltur ráðherranna og sleikti skóna þeirra í von um ríkulega umbun í fyllingu tímans. Hvort sú umbun átti að felast í launahækkun eða feitu jobbi þegar framkvæmdir við nýja spítalann hæfust, er ekki vitað en hitt er vitað að hann beitti Guðbjart fjárkúgun í byrjun vetrar.  Þessi fjárkúgun hefur nú dregið þann dilk á eftir sér að launalægri stéttir spítalans hafa nú sagt upp störfum og neita að vinna undir þessum forstjóra.  Þótt ekki sé það sagt berum orðum þá berast fréttir um daglega óánægju með stjórnun spítalans og fjársvelti sem bitnar á starfsfólki, húsnæði og sjúklingum.  Ég efast um að beinar launahækkanir breyti miklu um móralinn á spítalanum undir stjórn Björns Zoega.  Björn  varð uppvís að trúnaðarbresti með því að beita ráðherra fjárkúgun og hækka við sig launin um 100%.  Á sama tíma og hann sagði öðrum starfsmönnum að þeir fengju engar hækkanir.  Og neitaði að gera samning við þá sem þeir áttu rétt á. Í þennan trúnaðarbrest er ekki hægt að berja.  Björn Zoega verður að fara.  Og landlæknir verður einnig að axla sína ábyrgð og segja upp.  Þessir 2 menn ásamt ráðherra velferðarmála bera alla ábyrgð á því hvernig komið er fyrir Landspítalanum í dag. Spítalinn verður ekki rekinn ef ekki tekst að manna lágmarksstöður. Það verður enginn skorinn upp ef engar skurðstofuhjúkrunarkonur fást til starfa. Það geta margir sinnt starfi forstjóra.  En það sinnir enginn starfi geislafræðings eða hjúkku nema geislafræðingur eða hjúkka. Ekki einu sinni Björn Zoega.getur hlaupið í þau störf.  Það sem virtist snjallræði í fyrstu að ráða einn af læknunum í stöðu forstjóra hefur reynst mikið óhæfuverk.  Stjórnandi verður aldrei einn af hópnum.  Og í ljósi stöðunnar eins og hún er í dag þá virka stjórnunarhættir Björns ekki. Hann er ekki Þorsteinn Már.  Hann á ekki Landspítalann. Og þó að Mái geti leyft sér að rabba við starfsmenn í innanhúspóstum þá getur Björn það ekki með sama hætti.  Þótt báðir geti ráðið og rekið þá er enginn sem getur rekið Þorstein Má en Guðbjartur getur rekið Björn og á að gera það.  Það er það eina sem bjargar Landspítalanum.