Tekið stórt upp í sig

samhliða því að vera til fyrirmyndar um nýtingu auðlindarinnar með umhverfisvænum hætti.

Ef ekki væri fyrir frístundasjómennina sem ekki hafa hundsvit á meðferð á fiski þá gæti ég samglaðst þeim alvöru sjómönnum sem reyna að bjarga sér þrátt fyrir illvilja stjórnvalda.

Hversu margir "gullgrafarar" skyldu hafa  hafa kynnt sér bæklinginn "Meðhöndlun á fiski um borð í fiskiskipum" eftir Valdimar Inga Gunnarsson?  Og hvað vita frístundasjómenn um mikilvægi réttra vinnubragða við slægingu og kælingu afla um borð í smábátum?  Ef vel væri staðið að málum væru haldin námsskeið þar sem farið væri yfir gæðamál almennt og vottorð um þáttöku á slíku námsskeiði gert að skilyrði fyrir veitingu veiðileyfis hvort heldur til strandveiða eða almennt til allra sem stunda veiðar í atvinnuskyni.

----------------------------------------------------------------------------------------------------------------------
Eðlisvarmi er það varmamagn sem þarf að koma með eða fjarlægja frá
1  kg  (af  fiski)  til  að  hækka  eða lækka hitastigið um 1°C.

Einingin  fyrir  orku  og  þá  einnig varma er Joule  (4.187 J = 1 kal).

Útreikningur        á         eðlisvarma fiskholds:
Cpf = 2,1 Xl + 1,3Xs + 4,2Xw

Cpf = Eðlisvarmi fisks (kJ/kg°C) Xl = Fituinnihald
Xs = Innihald annarra efna
Xw = Vatnsinnihald
Útreikningur   á   varmamagni   sem þarf að fjarlægja úr fiski:
Q  = M * C * (T2 – T1) Q = Varmamagn ((kJ)
M  =  Þyngd fisks
C =  Eðlisvarmi fisks kJ/kg°C
T2 – T1 = lokahiti - upphafshiti


Útreikningur á ísmagni sem þarf til að kæla fiskinn:

Ísmagn = Q/B

Q = Varmamagn sem fjarlægt er úr fiski (kJ).
B = Bræðsluvarmi íss, 335 kJ/kg.
 

Þakka velvild gagnvart strandveiðum

Athugasemdir

[Jóhannes Laxdal Baldvinsson, 2.8.2013 kl. 07:51]

Kæligeta íssins
Þegar vatn er kælt er fjarlægð úr því hitaorka sem nemur 4,2 kílójoule (1 kcal) fyrir hverja °C sem
eitt kg af vatni er kælt um.  Ef eitt kg af vatni er t.d. kælt frá
7°C og niður að frostmarki, 0°C, hafa verið fjarlægðir
29,4 kJ úr þessu kg (4,2 kJ/kg°C x 7°C).   Ef þessu sama kg af vatni sem nú stendur á 0°C á að
breyta í ís, þarf að fjarlægja hitaorku úr vatninu sem nemur 335 kJ.  Þetta er jafnmikil hitaorka
og þarf til að fjarlægja úr 1 kg af 80°C vatni til að kæla það niður í 0°C. Þegar vatnið er orðið
að ís er hægt að halda áfram að kæla ísinn.   Fjarlægja þarf 2.05 kJ úr hverju kg íss fyrir hverja
°C sem kælingin nemur.

Dæmi 2: Eðlisvarmi fisks er 3,6 kJ/kg°C.  Hve mikla varmaorku þarf að fjarlægja úr 100 kg af fiski
sem er kældur úr 5°C niður í 0°C ?

Q  = M x C x (T2 – T1) =
100 kg * 3,6 kJ/kg°C * (0°C - 5°C ) =  - 1800 kJ

Hve mörg kg af 0°C heitum ís þarf til að kæla þennan fisk ?

Ísmagn =  Q/B = 1800 kJ / 335 kJ/kg =  5,37 kg

Dæmi 3: Eðlisvarmi fisks er 3,3 kJ/kg°C.  Hvað þarf mikinn ís sem er -5°C heitur til að kæla 500 kg
af fiski úr 7°C í 1°C?

Q =  500 kg * 3,3 kJ/kg°C * (1°C - 7°C) =  - 9900 kJ B = 335 kJ/kg°C + (5°C x 2,05 kJ/kg°C) = 345.3
kJ
Ísmagn = Q/B  = 9900 kJ / 345,3 kJ =  28.7 kg
-------------------------------------------------------------------------------------------------------------------------------------------------------------------

Heimild:  Meðhöndlun á fiski um borð í fiskiskipum eftir Valdimar Inga Gunnarsson

[Anna Sigríður Guðmundsdóttir, 2.8.2013 kl. 09:58]

Úbs! Þetta er nú meira reiknisdæmið.

Eðlis og efnafræði var martröð fyrir mig þegar ég var í grunnskóla. Minnir að ég hafi fengið 0.3 í einkunn fyrir viðleitni, og að skrifa nafnið mitt á prófblaðið.

Ég veit þó að fiskur þolir ekki geymslu í hita. Ég reikna með að flest allir aðrir viti það líka.

Það er alltaf gott að lesa sig til um allt mögulegt. En ríflegan skammt af brjóstviti og rökhyggju þurfum við öll að hafa, til að komast í gegnum lífið. Bæði á landi og sjó.

Auðvitað á almenningur í strandríki að veiða frjálst, og fyrir utan reiknikúnstir ,,útvaldra" pólitískra Hafró-reiknispekinga.

Hvernig er hægt að rökstyðja á réttlætanlegan hátt, að almenningur megi ekki bjarga sér, ef allt fer nokkurn veginn heiðarlega og stór-svikalaust fram?

M.b.kv.

[Ásgeir Baldursson (IP-tala skráð) 2.8.2013 kl. 12:55]

Það ætti að vera krafa þeirra sem kaupa fisk á markaði að teknar séu hitaprufur og að hitastigið komi fram í uppboðsgögnum.

[Jóhannes Laxdal Baldvinsson, 2.8.2013 kl. 13:22]

Það er að vísu langt síðan ég stundaði sjómennsku sjálfur, 17 ár, en mér blöskrar oft sú meðferð sem sýnd er í blöðum og sjónvarpi frá höfnum landsins.  Þar er iðulega sýnt hvernig ókældum og óslægðum fiski er landað og iðulega hvolft úr einu kari í annað án minnstu gætni.  Slík meðferð ein og sér veldur losi í holdinu sem rýrir gæðin.  Sjómenn vilja lítið ræða það sem miður fer og það er slæmt. Fyrirsögn fréttarinnar í Morgunblaðinu er lýsandi fyrir það óorð sem stórútgerðin er búin að koma á þessa atvinnugrein.  Til þess að efla veg greinarinnar þarf að gera starfið að lögverndaðri iðngrein með tilheyrandi eflingu menntunar.  Ef stórútgerðin fær að ráða þá munu strandveiðar sem og útgerðir einyrkjanna leggjast af og til starfa á stóru skipunum verða ráðnir erlendir verkamenn á þrælakjörum.  Þessari ógn þarf að verjast með öllum tiltækum ráðum og sérstaklega með því að styrkja sjómannastéttina til að hún geti staðið upp í hárinu á stórútgerðinni. Við sem stöndum fyrir utan getum aðeins andæft þessari þróun á veikum grunni. Hinn raunverulegi þrýstingur verður að koma frá þeim sem silja gera sjómennsku að sínu ævistarfi.

[Tryggvi Helgason, 2.8.2013 kl. 14:49]

Hvernig væri nú að gefa allar handfæraveiðar frjálsar, alls staðar um land, ... sem sagt; ... algjörlega frjálsar ? Er eitthvað svo voðalegt við það, - eða er eitthvað sem erfitt er að skilja í sambandi við frjálsar handfæraveiðar ?

Til dæmis væri sjómönnum gefið frelsi í 3 ár til þess að byrja með, og að ekkert hámark væri á afla á handfæri. Þá væri allur handfærafiskur alfarið utan við kvótakerfið, og þeir sem hefðu kvóta hefðu allt sitt "á þurru" eftir sem áður og þeir gætu fengið sína viðbótar kvóta. Sem sagt, það breyttist ekkert til hins verra fyrir kvótanotendur þrátt fyrir handfæraveiðarnar.

[Jóhannes Laxdal Baldvinsson, 2.8.2013 kl. 15:45]

Tryggvi það væri sko ekkert athugavert við það ef sjómennska yrði lögvarin iðngrein og komið í veg fyrir frístundaveiðar í atvinnuskyni.  En það þyrfti líka að skilgreina nákvæmlega útbúnað og fjölda handfærarúlla og ekki síst að fylgjast betur með gæðum aflans en nú er gert.  Það er ekki nóg að takmarka stærð báta eins og nú er gert.  Þessir 15 tonna krókaflamarksbátar í dag hafa veiðigetu á við 300-400 tonna línubáta hér áður fyrr. Og vegna plássleysis í svona litlum bátum er meðferð afla óboðleg þegar vel veiðist.  Frjálsar veiðar með gæðastýringu er það sem við þurfum að stefna að.

[Jóhannes Laxdal Baldvinsson, 2.8.2013 kl. 15:51]

Eitt sem ég verð að nefna í sambandi við þessa ályktun stjórnar landsambands smábátaeigenda er brottkastið, sem viðgengst í strandveiðunum.  Þeir minnast að sjálfsögðu ekkert á það en tala samt um sjálfbæra nýtingu!  Á meðan þessi þöggun ríkir um ósjálfbærni núverandi kerfis , breytist ekkert.   Menn verða að átta sig á því.