Aðför Páls Magnússonar að RÚV

Það kemur mér ekki á óvart hvernig Páll Magnússon bregst við minni tekjum hjá RÚV.  Það var fyrirséð.  Hitt veldur meiri furðu þetta upphlaup vinstri manna og skilningsleysi  á nauðsynlegri uppstokkun innan þessarar steingeldu stofnunar sem Páll hefur rekið sem sitt prívat einkahlutafélag undanfarin 6 ár með tilheyrandi fríðindum og nepotisma í bland við Vestmannaeyskan hroka og boltaíþróttaaðdáun.

Það er morgunljóst að áherzlur Páls Magnússonar eiga mesta sök á slæmri fjárhagsstöðu Ríkisútvarpsins ohf.  Hann hefur blygðunarlaust eflt íþróttadeild sjónvarpsins á kostnað almennrar dagskrárgerðar og fréttaþjónustu við almenning og kostnaður vegna sjónvarpsréttar frá undanförnum stórmótum er það sem fyrst og fremst bitnar á almennum rekstri.  Af hverju bendir enginn á það?  Og af hverju bendir enginn á nauðsyn þess að RÚV hætti með Rás 2?  Hvað starfa margir skallapopparar hjá RÁS 2? Kannski 100 manns í allt með tæknimönnum og auglýsingasöluliði og vinum og vandamönnum.  Ef Rás 2 er eins mikilvæg og margir segja þá getur hún væntanlega rekið sig sjálf á auglýsingatekjum og þarf ekki að vera baggi á almenningi! Af hverju fara menn ekki í skipulagsbreytingar áður en Páli er leyft að sveifla niðurskurðarhnífnum og fría sig ábyrgð.  En það er það sem stjórnendur RÚV eru að gera.  Þeir nota populisma af lægstu gerð til að afvegaleiða umræðuna.

Í nýjum þjónustusamningi á að gera Íþróttarásina að áskriftarsjónvarpi og einkavæða Rás 2. Með þessu tvennu er hægt að minnka umfang stofnunarinnar þannig að við höfum efni á að reka nútímalegan almenningsmiðil. Það þarf ekki að reka fólk, það þarf bara að breyta rekstrinum.

Ekki verið að standa við hótanir

Athugasemdir

[Jóhannes Laxdal Baldvinsson, 27.11.2013 kl. 20:01]

Og auðvitað á að byrja á að segja upp öllum þessum gersamlega áþörfu fréttariturum sem hafa sogið sig fasta á spena ríkisútverpsins svo stórsér á spenanum.  Ég taldi einhverntíma saman þá sem oftast eru með pistla og þeir voru 12 minnir mig í flestum heimsálfum. Á tímum alnetsins er þetta auðvitað bilun.

[Erla Magna Alexandersdóttir, 27.11.2013 kl. 20:39]

INGVI HRAFN GETUR EINN REKIÐ SJÓNVARPSTÖÐ- ÁN  STYRKJA- HVAÐ ER ALLT ÞETTA FÓLK AÐ GERA Á ríkissjónvarpinu ????

[Jóhannes Laxdal Baldvinsson, 27.11.2013 kl. 20:59]

N4 og ÍNN og Útvarp Saga eru allt dæmi um skynsamlegan fjölmiðlarekstur. En tilfinningaklámið í kringum RÚV er svo mikið að menn fara offari

[Elín Sigurðardóttir (IP-tala skráð) 28.11.2013 kl. 18:42]

Eiríkur er líka ágætur. Fullt af fólki á netinu sem maður les í stað hefðbundinna miðla - sem verða úr sögunni áður en maður veit af.

http://eirikurjonsson.is/cnn-missir-helming-ahorfenda/